رواية مكتوبه على إسمي الجزء الثاني الحلقه الثالثه عشر بقلم الكاتبه ملك إبراهيم حصريه وجديده

أياد كان هيسببها للبنات والكوارث اللي ممكن تحصل!!
شريف وامجد بصوا لبعض پصدمة لانهم مفكروش في كل ده وكان هدفهم انهم يسلموا البنات مشروع كبير يرفع شركتهم وخلاص .
شريف بص ل عامر وقال احنا ازاي مفكرناش في كل ده!!
رد عامر عليه بنبره ساخره عشان حضرتك يا باشمهندس لغيت التفكير بعقلك وبقيت بتسلم المشاريع بقلبك وبس.
شريف خفض وشه وامجد اتنهد وقال عامر عنده حق.. احنا فعلا كنا هنرتكب خطأ كبير.
اتكلم شريف والبنات مش هيفهموا كده!! دي هاجر في لحظة لغت الفرح وبتقول مفيش فرح اخر الشهر!
عامر ضحك وامجد بص ل عامر وضحك هو كمان.. شريف بصلهم پصدمة وقال بتضحكوا على ايه!
اتكلم امجد مش انت لوحدك إللي هتتعاقب يا صاحبي.. انا كمان بيسان فكرت اني بنتقم منها!.. وصاحبك اخد اللي فيه النصيب من آيات هو كمان.
شريف بص على عامر بغيظ وقال ماهو الباشا لو كان شرح لهم سبب سحب المشروع منهم مكنش كل ده حصل .. اتمنى انك تكون ارتحت كده.
عامر بص له وهو ساكت وامجد قال بثقة معتقدش ان في راحة من بعد اللحظة دي! انت مشوفتش إللي آيات عملته فيه.
امجد وشريف ضحكوا وشريف قال ريحت قلبي والله آيات واخدتلنا حقنا منه.
عامر بص قدامه وهو بيضغط علي شفايفه بغيظ وبيفتكر زعيق آيات وصړاخها فيه وبص على ورق قدامه وقال خلونا في شغلنا.. انا عايز ابلغكم قراري.. انا قررت ارجع الشركة تاني رسميا من النهاردة.. 
وبصلهم بسخرية وقال أكيد مش هسيب الشركة ټنهار ومدرائها يوزعوا الشغل مجاملات واقف اتفرج عليها.
شريف هز راسه وقال ل امجد شكلها مفيش جواز ولا اخر الشهر ولا اخر السنه.
رد أمجد وهو بيضحك ولا اخر العمر.. بيقولك خلاص هو قاعدلك هنا. 
وبص ل عامر وقال اتفضل قول حضرتك ايه المطلوب مننا بعد ما خربتها. 
رواية مكتوبة على إسمي بقلمي ملك إبراهيم. 
في الشركة عند بيسان وآيات وهاجر. 
دخلوا الشركة وهاجر بتتكلم بعصبيه ماشي يا شريف بقى انا تعمل معايا كده!! 
اتكلمت آيات شريف ملوش ذنب بلاش تظلميه يا هاجر. 
قعدت بيسان علي مكتبها واتكلمت بعصبيه انا اللي غلطانه.. كان لازم من الاول احط لهم حد وميبقاش شغلنا معتمد عليهم.
اتكلمت هاجر بعصبيه انا مش قادرة اصدق انهم عملوا كده!
اتكلمت آيات بثقة شريف وامجد ملهمش ذنب في اللي حصل.. احنا من اول ما فتحنا الشركة وهما بيساعدونا وعمرهم ما قصروا معانا في اي حاجة ودايما بيدعموا شركتنا.. اللي عمل كده عامر.
بيسان وهاجر بصوا ل آيات وبيسان قالت بدهشة بس عامر هيعمل كده ليه! وبعدين هو بعيد عن الشركة بقاله فترة كبيرة ولسه راجع من كام يوم وأكيد ميعرفش حاجة عن شغلنا معاهم.
اتكلمت آيات بثقة صدقوني عامر اللي عمل كده وانا واجهته بالكلام ده وفاهمه كويس هو عمل كده