رواية مكتوبه على إسمي الجزء الثاني الحلقه الثالثه عشر بقلم الكاتبه ملك إبراهيم حصريه وجديده

ليه!! هو عايز يخسر الشركة عشان يثبت لنفسه اني هفشل من غيره ومستحيل انجح في اي حاجة وانا بعيد عنه!
بيسان بصتلها بتفكير وقالت عندك حق يا آيات.. بس انا مش هسمحله يخسرنا شغلنا.. انا عارفه مين صاحب المشروع اللي كنا هنستلمه وممكن نروح نتكلم معاه ونقدم له عرض أفضل كتير من شركة الچارحي ونخليه يسحب المشروع منهم وناخده احنا ڠصب عنهم.
آيات اتحمست وقال حلوة الفكرة دي يا بيسان.. بس انتي واثقه انه ممكن يوافق يسحب مشروع كبير زي ده من شركة كبيرة زي شركة الچارحي ويسلمه ل شركة صغيرة زي شركتنا!
ردت بيسان بثقة عشان كده احنا لازم نقدم له عرض افضل كتير من شركة الچارحي ونروحله ونحاول نقنعه.
آيات اتحمست وقالت هتبقى ضربه قويه ل عامر لو اخدنا المشروع ده ڠصب عنه.
بيسان هي كمان اتحمست وقالت انا هحاول اخد ميعاد مع صاحب المشروع ونروح نقابله في أسرع وقت.
اتكلمت هاجر بفضول هو مين صاحب المشروع ده
ردت بيسان اسمه اياد المغربي ومعرفش اي معلومات تانيه عنه بس هحاول اوصله ب اي طريقه ونقنعه ان شركتنا هتنفذ المشروع ده أفضل من شركة الچرحي.
آيات اتحمست وهي من جواها بتتمنى انهم يتوفقوا في اقناع صاحب المشروع عشان تثبت ل عامر انها تقدر تنجح من غيره.
فاقت آيات من شرودها على صوت هاجر وهي بتقول يعني انا كده اتسرعت لما ظلمت شريف وقولتله مفيش فرح!
ردت بيسان عليها واضح انك ظلمتيه لان آيات معاها حق وشريف ملوش مصلحة انه يسحب مننا المشروع.. انا من رأيي ان انتوا لازم تعملوا الفرح في اسرع وقت عشان عامر يحضره ويسافر تاني لانه طول ما هو هنا هيوقف لنا شغلنا كله واحنا معظم شغلنا معتمد على الشركة بتاعهم.
آيات بصت ل بيسان بحزن لما اتكلمت عن سفر عامر مرة تانيه واتنهدت بحزن وقالت اللي حصل ده لازم يعلمنا يكون لنا شغل خاص بينا ومستقل ومنبقاش معتمدين على حد تاني.
اتكلمت هاجر بخجل انا مش عارفه ازاي هرجع في قراري قدام شريف بعد ما قولتله مفيش فرح.
ردت بيسان وهي بتضحك اطمني يا حبيبتي شريف مش هياخد علي كلامك وهيكمل كل تجهيزات الفرح ولا كأنك قولتي حاجة.
وبصت ل آيات بطرف عينيها وقالت المهم دلوقتي تعملوا الفرح بسرعة قبل ما عامر يرجع للشركة رسمي.
اتكلمت آيات پغضب عامر مش هيقدر يعملنا حاجة تاني!
ردت بيسان ميبقاش عامر الچارحي لو مستلمناش ضربه ورا التانيه.
تليفون هاجر رن برقم اخوها امجد.. بصتلهم وقالت دا ابيه امجد اللي بيتصل!
بيسان اتوترت وآيات قالتلها ردي بسرعة.
هاجر ردت علي امجد وسمعت صوته بيقولها هاجر انتي في الشركة عند بيسان
ردت هاجر اه يا ابيه.
امجد تمام.. عرفيها ان في اجتماع في شركتنا بكره وهما لازم يحضروا.
هاجر بصت ل بيسان