اليتمان

قديم بسعر رخيص... وجايه عاوزاكي تغيريه وتعمليه ليهم...وهيدوكي اللي انتي تطلبيه.. بس تكوني حنينه عليهم في السعر 
حكمت بستغراب يعني عاوزين يدفعو فلوس... طب ما يشترو فستان جديد... أو يأجرو.. طالما هيدفعو
فاطمة بضحك طلعتي خايبه زي ستك يا حكمت... انا كمان قولتلهم كده.. بس طلعوا ناس واعيه.. اشتروا الفستان القديم ب 200 ج.. وقالو ندا ممكن تاخد على تفصيل الفستان الواحد 1000ج
أميرة بستغراب 1000ج في الفستان تفصيل... حلو اوي .. بس ما كده هيدفعو 1200... تمن إيجار فستان... هيوفرو ايه
فاطمة بابتسامة هيوفرو كتير.. وهيستفيدو كمان... هما لو أجروا هيأجرو بأغلى من كده بكتير... والفستان بسعر دا مش حلو... ومش هيبقى بتاعهم... وهيبقي اتلبس كتير قبلهم
لكن لما ندا تعملهم الفستان هيبقى زي الجديد... ومحدش لبسه قبلهم... وبعد الفرح هيستفيدو انهم هيأجروه... أو يبعوه ويرجعو فلوسهم... وممكن يكسبو فيه كمان
ندا بابتسامة فكره حلوه جدا... والله برافو عليهم... وتفكر شويه المشروع دا لو اتعمل... هينجح وناس كتير هتستفيد
أميرة بضحك اااه وانتي تاخذي على الفستان الواحد 1000ج...ومحدش يقدر يكلمك
ندا ببتسامة ياريت عندي مكان.. كنت عملت مشغل... وجيبت بنات وستات يشتغلو فيه... وجيبت كمان البنات اللي بيخرجو من الملجأ...يشتغلو بدل ما يضيعو في الدنيا وهما لوحدهم... وكنا اشتغلنا... وممكن نفتح محل لينا... ونبيع احنا الفساتين بأسعار مخفضه لناس... والمشغل ممكن يبقى مصنع ويشتغل فيه ناس اكتر
أميرة ايه يا بنتي حيلك حيلك... انتي بتحلمي
ندا بضحك ياشيخه انتي حتى الحلم وقفلي فيه... ما تسبيني احلم
حكمت بابتسامة أحلمي بس الأهم انك تحققي أحلامك... وانتي حلمك دا سهل يتحقق
ندا بستغراب سهل ازاي يا ابله
حكمت تعقد جمبها انت عاوزه مكان للمشغل ... والمكان موجود... محل بابا اللي تحت بدل ما هو مقفول كده نفتحو... وعندنا ماكينه تيته... نجيب تلاته كمان بالقسط.. على المرتب بتاعي... ولما نكسب نسدد تمنهم... والبنات اللي هيشتغلو كتير ومش لقيه أماكن ولا شغل... وتبص لندا المهم انتي هتقدري توفقي بين الدراسة والتصميم... وانك تفهمي البنات يعملو ايه
ندا بفرحه اقدر يا ابله
فاطمة بابتسامة والله فكره حلوه... وانا بدل ما قعده لوحدي طول اليوم استنكم ترجعو.... امسك المشغل... واتفق مع الناس... وساعد ندا عشان كليته
أميرة بضحك وتبقى سيده اعمال يا تيته... ونحطلك مكتب في النص وخزنه جمبك...تحطي فيها الفلوس.... الله حلوه انا موافقه بقلم_ولاءيحيي
حكمت بضحك وانتي مالك اصلا... هتشتغلي معهم
اميرة طبعا يا ابله.... هو حضرتك فكره ان من غير تشجيعي ليكم... ودعواتي هتنجحو... طبعا لا
الكل يضحك واتفقه انهم هيبدأ في تجهيز المشروع
وتاني يوم في المستشفى... كل الستف التعلبمي متجمعين ومستنين الدكاترة عشان كل واحد يعرف هيشتغل الشهر دا مع مين... وأخيرا جيه دكتور عماد ومعها الدكاترة ومن ضمنهم أليف... اللي ماشي بثقه والكل بيبص عليه
دكتوره نانسي بوشوشه حلو اوي الدكتور الجديد دا... يارب يختارني معه
أميرة بتبص ليه بغيظ ايه اللي حلوه فيه دا دمه يلطش... ومغرو 
دكتور عماد بإبتسامه ازيكم يا شباب
الستف كله بخير يا دكتور
عماد لنهاردة هنبدأ تدريب في الأقسام ... وهوزع كل واحد منكم مع دكتور... وطبعا مش لازم افكركم أن التقرير اللي هيقدمه الدكتور عن المساعد اللي معها هيفرق كتير في وجوده معنا في الستف التعليمي.. ... وبنبه
الاستف بصوة واحد لازم ننفذ تعليمات الدكتور بيطلبها تنفيذ دقيق الكل يضحك
عماد بضحك تمام حافظين برافو ..... يلا نبدأ نوزع عشان كله يروح لشغل وبدأ عماد يقول اسامي الطالبة واسم الدكتور اللي هيكون معه...
عماد دكتور أليف قسم الجراحة هيكون معه
أليف بابتسامة وتحدي دكتورة اميره ويبص لعماد اللي مستغرب بعد اذنك طبعا يا دكتور عماد
أميرة كانت قاعده ومبلمه ومستنيه عماد ينقذها ويرفض
عماد بستغراب اااه... ما فيش مشكله... دكتورة أميرة انتي مساعدة دكتور أليف
أميرة تقف بسرعه ورفض لا مش عاوزه الكل بص لاميره بستغراب لو سمحت يا دكتور عماد انا حبه اكون مساعدة لحضرتك
عماد انتي كنتي معايا الشهر الفات يا أميرة... نانسي هي المساعدة ليا الشهر دا
اميره طيب اروح مع دكتورة نهى...
أليف بسرعه واضح ان الطالبة مدلعين اوي يا دكتور عماد... ومن أولها بيترفض تنفيذ التعليمات ويبص لاميرة بتحديد وشكلها الدكتورة أميرة مش حبه انها تفضل في الستف التعليمي
نهى بسرعة لا يا دكتور أليف اكيد أميرة متقصدش... هي بس قسم الجراحه صعب هي لسه في سنه اولى
أليف مبتفرقش هنا في المستشفى يا دكتوره نهى... الاستف في أولى أو 6... هم جي هنا يتعلمو.....واللي ايه رائيك يا دكتور عماد بقلم_ولاءيحيي
عماد بيحاول يكتم ضحكته اكيد يا دكتور... ويبص لاميرة دكتورة أميرة... انتي مساعدة لدكتور أليف الشهر دا
أميرة باعتراض يا دكتور
عماد بجديه دكتورة اميره
أميرة بزعل حاضر يا دكتور
أليف بابتسامة نصر تعالى ورايا... ويمشي واميرة تروح وره... وعماد ونهى بيبص عليهم
نهى بصوة واطي هم مالهم
عماد بضحك مش طايقين بعض... يارب بس ما يولعه في المستشفى
نهى طب ليه وافقت يبقى سوا
عماد بابتسامة شكلهم مع بعض بيفكرني... بأيام الجامعه ويبص لنهي اوي كان فيه اتنين هم كمان مش طايقين بعض في الأول... وبعد كده بقى أصحاب... او عمله نفسهم أصحاب... وفضل كل واحد فيهم مستني التاني يكلم.. بس القدر فرقهم ....وسابته واتجوزت.... وهو هرب لبعيد وحاول ينساها..... ولما فقد الأمل انه ينساها.... رجع... بس القدر حب يصالحو رجعها من تاني لطريقة ... بعد ما انفصلت .... بس متعلموش ولسه ساكتين ومش بيتكلموا.... قولت يمكن شجاعه أليف... تديهم الشجاعه يتكلمو... وكفاية اللي ضاع من عمرهم 
نهى ابتسامة ياريت فعلا ياخد الشجاعه من أليف .... وبشويش وبصوة واطي احسن هي فاض بيها... وهتصرخ وتسمع الدنيا كلها... وتقوله بحبك.... وتبص له بابتسامه اانا هروح اشوف العياده
وتمشي نهى بسرعه... بعد ما رفعت لعماد ضربات القلب... فضل يبص ويفتكر اللي قالتوا... وابتسم بفرحه... ورح وراها
أليف راح عيادة.. واميرة داخله وره بضيق... رح قعد على الكرسي... ورفع رجله على مكتبه
أليف بابتسامه والله ووقعتي تحت ايدي... وعلى الله اطلب طلب وميتنفذش.....ساعتها بقى.... هوصلك لبابا المستشفى بنفسي... وقالك باااااي باااااي.... واحسن قلة هقوم...... مسكها.... وهووووب حدفها على رأسك ويتنهد براحه وساعتها اكون نفذت رسالتي وخلصت منك
أميرة وقفه بغيظ ولسه هتكلم وتزعق... بس سكتت وفكرت
أميرة بابتسامه وتقول لنفسها هنشوف مين فينا اللي هيوصل التاني لباب المستشفى... أم رجعتك مترح ما جيت... مبقاش أميرة بقلم_ولاءيحيي
أليف بصله بستغراب لسكتها... مع ان في ابتسامة على وشها
أليف انتي سكته ليه... وايه اللي ببضحكك
أميرة بهدوء وابتسامة مستنيا أوامر حضرتك يا دكتور... اتفضل تحت امرك
أليف بصله بشك وقلق... وحس انها بتخطط لحاجه
أليف مش مرتاح لادب دا... بس هنشوف ناويه على ايه.... دلوقتي عاوزك تنزلي تحت.... هتجيبي ليا ملفات الحالات إلى في قسم الجراحه كله... و تروحي القسم الخير في المبنى التاني وتجيبي الملفات الحالات اللي عندهم هم كمان.... ويبص في ساعته الساعة 9 دلوقتي... 9 وربع تكوني قدمي بملفات... أي تأخير هكتب في التقرير... انك تقاعستي في أداء مهماتك 
أميرة پصدمه ربع ساعة... اجيب فيها ملفات من هنا ومن المبنى الخير... دا على ما يطلعو