رواية بقايا عائله الفصل الثاني بقلم الكاتبه فاطمه هشام
رواية بقايا عائله الفصل الثاني بقلم الكاتبه فاطمه هشام
بس امكم وابوكم ماتوا خلاص
أنس فتح عينيه پصدمة انت بتقول ايه!!
عصام بحزن شديد ابوكم ماټ من الحزن عليها شدوا حيلكم
شفق عينيها كلها زهول ونبضات قلبها من كتر ماهى سريعة حاسه انها هتقف
جنى فضلت واقفة عند الباب ورغم صغر سنها بس كانت مش قادرة تتحرك اول ماسمعت كدا
حنان اټصدمت من اللى سمعته والدموع نزلت من عنيها لا اله الا الله وقربت منهم وشديت البنتين وخرجتهم من الاوضة
عصام برده حرك أنس اللى كان ماشى معاه وهو مش مستوعب حاجة وقعدوا كلهم على الكراسى وانهاره من العياط
وكل حاجة تتعاد من تانى بس بدل ما كانوا الناس بيعزوا فى شخص بقوا يعزوا ف شخصين وعرفوا ان باباهم حصلوا كدا نتيجة ازمة قلبية من الزعل والحسړة ويقف المرة دى أنس لوحده فى العزا والدموع مالية عنيه
حسن قرب منه وكان بيمثل الحزن وحضنه وبعديها بصله البقاء لله ربنا يرحمه كان راجل كويس بصحيح
أنس بصله وكان فى حزن وثبات تام
طلعت قرب منه وسلم عليه البقاء لله
أنس بصله والدموع فى عنيه
عصام سلم عليه وقال بحزن ونعم بالله
ودخل طلعت قعد جمب حسن وكل واحد فيهم ما يعرفش التانى بس كان بينهم نظرات كأنهم بيشبهوا على بعض
فوزية كانت حزينة وبتعيط وقعدت على الكرسى انا مش مصدقة حقيقى مش مصدقة
حنان بصتلها ادعيلوا هو محتاج الدعاء دلوقتى
مرام بصيت لشفق وقالت بنبرة عادية ربنا يرحمهم
محاسن بصيت لبنات اختها بحزن ياعينى عليكم ياحبايبى الاتنين هتعملوا ايه دلوقتى مين اللى هيبقى معاكم دلوقتى
حنان معاهم ربنا كلنا معانا ربنا احسن من اى حد
محاسن بصيتلها بضيق خصوصاً انها افتكرتها من حوارها امبارح وسكتت
وبدأ الكل يبصلهم نظرة شفقة وصعبانين عليهم وبيسألوا ياترى هيحصل فيهم ايه وهيعملوا ايه بعد ما ده حصل ولا اب ولا ام وحتى لسه صغيرين بيبدأوا يبنوا نفسهم وعندهم اخت محتاجة مصاريف ياحرام عينى على البت الصغيرة هى المظلومة بين كل ده ولا ليها ام تكون معاها وتروح معاها مدارس ودروس ولا اب يدفعلها مصاريف تعليمها ويكون معاها ضهر وسند
طبعا كان كل ده كلام داير طول ما هما قاعدين وشفق كانت بتسمع كل ده بس لسانها كان حاسس انه مش قادر يتكلم ولا يجاوب على اى حاجة لآنها فعلا مش عارفة هيعملوا ايه ف اللى جاي!! وتعدى ساعات ويبدأ كل واحد يروح بيته
محاسن قالت بنبرة ثقة انا لازم اخدكم تيجوا تعيشوا معايا
شفق بصتلها پصدمة وسكتت
محاسن ايوه انا مش هسيبكوا عايشين هنا لوحدكم ياعالم ايه اللى هيحصل فيكم!! وبصيت لفوزية بضيق وكمان انتوا ولاد اختى وانا اولى بيكم
شفق كان كل التعب جواها ومسيطر عليها ومش قادرة تتكلم
حنان بصيت عليها وحسيت بكدا وبدأت تتكلم مش وقته الكلام ده لما العيال يفوقوا من صدمتهم وكمان اكيد احسن ليهم انهم يفضلوا ف بيتهم
محاسن بصيتلها بضيق هو ايه اللى مش وقته انتى عايزانى اسيب ولاد اختى ولا ايه وكمان هيعيشوا هنا ازاى ومين بقى هيراعيهم وهيأكلهم ويشربهم وبصيت لفوزية وقالت بنبرة تلقيح واضحة ده ياحسرة جوز اختى خد ملاليم من الورث بتاعه وصرفوا كله على علاجها اخر فترة هيعيشوا ازاى بقى ومنين!!
فوزية اول ما قالت كدا حسيت انها مش عايزة تدخل فى حوار معاها وقامت بحزن ومسحت دموعها طيب انا همشى
