رواية بقايا عائله الفصل الثاني بقلم الكاتبه فاطمه هشام

خالة العيال عايزة تاخدهم يعيشوا معاهم
أنس استغرب اول ما سمع كدا وبص لشفق اللى بدلته بعنيها انها مش حابة كدا 
عصام ايه!! ليه يعنى خليهم ف بيتهم احسن
محاسن هو ايه ده فى ايه هو انتوا بتتكلموا كدا على اساس ايه وبدأ صوتها يعلاه وتتكلم بضيق انتوا مين اصلا انا ماعرفكوش انتوا ولا من عيلتنا ولا من عيلة سيد بتتكلموا فى حاجة ماتخصكوش ليه اما عجايب صحيح
أنس بصلها واتكلم بنبرة جدية دول جيرانا ومعرفة من سنين وبنعتبر عم عصام زى ابونا وطنط حنان زى امنا
شفق بصتله وكانت كأنها بتأكد ع كلاموا 
عصام وحنان بصوله وكانوا مبسوطين من كلاموا 
محاسن بنرفزة وعنيها باصة على حنان وعصام بس امكم وابوكم ماتوا خلاص
الكل بص بزهول اول ما قالت كدا 
جنى فضلت ټعيط جامد انا عايزة بابا وماما انا عايزاهم ييجوا دلوقتى 
شفق حضنتها وطبطبت عليها وقالت بتعب اهدى ياحبيبتى اهدى
محاسن قربت من جنى وطبطبت عليها وحاولت تهديها معلش ياحبيبتى ما تزعليش الناس دى بس اللى ضايقتنى وبصتلهم انا حقيقى اسفة بس الكلام اللى بيتقال ده مش طبيعى بصراحة! 
جنى بعدت ايديها عنها ابعدى عنى انا ماعرفكيش انتى مين!!
محاسن فضلت واقفة وسكتت لثوانى ومسكت شنطتها احنا هنمشى دلوقتى ولما تهدوا لينا كلام مع بعض
حسن كان باصص على كل ده وساكت وخدها وخرجوا 
عصام وحنان بصولهم وكانوا العيال صعبانين عليهم من الحصل بس سلموا عليهم وخرجوا وأكدوا عليهم انهم على طول هيكونوا معاهم لو أحتاجوا حاجة وقفلوا الباب وراهم وأنس قرب من اخواته وقعد ما بينهم وخدهم فى حضنه وفضلوا هما التلاتة فى حالة حزن شديد ومش عارفين هيحصل ايه معاهم تانى!! 
محاسن وحسن ركبوا الميكروباص ومروحيين 
حسن هو ايه اللى انتى قولتيه فوق ده
محاسن بضيق ايه ياحسن انت مش مأيد كلامى
حسن سكت شوية مأيده بس يعنى انتى ما قولتليش ان ده بيدور فى دماغك
محاسن لان كل حاجة حصلت فجأه كنت اعرف منين ان سيد هيحصل اختى انا فى الاول قولت خلاص ابوهم موجود وهيراعيهم وانا هبقى اشقر عليهم كل حين ومين!! لكن دلوقتى بقى مالهومش ولا اب ولا ام وعارفة ان العين بصيرة والايد قصيرة اسيبهم بقى لناس زى جرانهم دول يستغلوا العيال ولا ياعالم يعملوا فيهم حاجة!! 
حسن انتى مالك مضايقة منهم كدا ليه
محاسن لان الولية دى مش مرتحالها انت ماشوفتش كانت بتتكلم على اختى ازاى وكأنها هى اللى اختها وتعرفها اكتر منى ولا جوزها ده كمان اللى عايز يعمل دور ابوهم وشكله راجل مش كويس اصلا وكمان احنا كدا كدا عايشين لوحدنا ابنك ومسافر برة وبييجى كل سنة مرة يقعد يومين ويمشى ايه المانع بقى ناخد العيال الغلابة دول عندنا
حسن انا ماقولتش حاجة بس قصدى ممكن مايوفقوش
محاسن لا هما بمزاجهم غصبن عنهم هييجوا هما تحت وصيتى دلوقتى!! انا هتصرف معاهم انا بس هسيبهم يستوعبه الصدمتين وبعديها هتفاهم معاهم
حسن بصلها وسكت 
ويعدى اسبوع والعزا يخلص وطبعا يكونوا بيحاولوا يستوعبوا الحصل ومع الايام والوقت يبدأ الصبر ينزل على قلوبهم ويستعوضوا ربنا ف اهليهم ويفضلوا يدعيلهم ويرضوا بقضاء ربنا وقدره 
وفى الوقت ده يكونوا قاعديين بيتغدوا عند عيلة عصام 
حنان كُلى ياجنى خلصى على طبقك كله 
جنى بحزن ماشى 
حنان كُلى ياشفق وشك بقى قد اللقمة خالص
شفق وهى بتمسك المعلقة باكل والله
عصام انا ماكنتش عايز اتكلم فى الموضوع ده بس مش قادر اسكت بصراحة