رواية مرسال كل حد الفصل السادس والسابع والثامن والتاسع والعاشر بقلم آيه السيد حصريه وجديده

بنتي اه بس فضولية بطبيعتها وبتسال أسئلة غريبة تصنفها انها غبية اوقات
ضحك حد وقاله هي غبية بس دي رهيبة... بس مفهمتش برود هي بټعيط ليه
لا عادي هي تلاقيها متأثرة بحكايتك حبتين علي هرومانات عياط علي تراكمات وتلاقيها بټعيط دلوقتي علشان امها من شهر عملتها كوباية شاي وهي مش بتحبه..
بص باستغراب لكن سرعان ما تسلله بعض الضحكات وميل راسه علي عجلة السواقة مش قادر يبطل ضحك
رفعت راسها وعينها مغرغرة بالدموع علي فكرة بقي يا بابا دي حاجة ټعيط جدا وانت كمان بتضحك علي ايه يا استاذ حد.
حاول يوقف ضحك علشان يتكلم آسف بس بجد مش قادر اصل مش فاهم ايه علاقة حكايتي بأنك تفتكري كوباية الشاي الي اتعملت من شهر.
لما قولتي انك كنت بتدخل علي جدك وهو بيقرأ وعلي جنبه فنجان قهوة افتكرت ماما والشاي هي مش كلها مشروبات
سألها وهو بيضحك اوع تقولي لي انك كنت بټعيطي من ساعتها.
لا طبعا٠٠عيطت بعدها بخمس دقايق لحد ما افتكرت أصل ذاكرتي ضعيفة حبتين
ضحك كل ده وضعيف حبتين
قاطعه ابوها وهو بيقول دور يا ابني العربية خلينا نمشي اصل احنا مش هنخلص النهاردة لو فضلنا نتكلم معها.
دور حد العربية ومشي بها كان مشتت بأنه بيبص للمريا الي قدامه وشايف فيها مرسال مكشرة ومضايقة وما بين انه بيبص عالطريق لحد ما وقف العربية قدام بيت كبير جدا فتح البوابة وهو بيقول اتفضل يا استاذ محمد.
ابتسمله وقاله وهو بيخش ما بلاش ألقاب يا ابني قولي يا عمي احسن.
ضحك وقاله ماشي يا عمي.
اتقدم حد ناحية مبني كدا متوسط الحجم منعزل عن البيت وكان وراه مرسال وباباها خبط حد علي باب المبني وهو بيقول دي الأوضة الي ساكنين فيها انا وجدي وفجأة الباب اتفتح وكان واقف عليه راجل عجوز عنده انحناءة كدا بسيطة في ضهره وشعره ابيض ناعم مسترسل علي كتفه ولحيته عند نهاية رقبته ولونها ابيض ممزوج بها اللون الرمادي بمجرد ما فتح الباب وأدرك وجود حد وابوها لانه كان نظره ضعيف حبتين بس هو حس بهم وبص عليهم وهو مبتسم شكل معك ضيوف يا حد.
_ اه يا جدي الاستاذ محمد وبنته مرسال.
ابتسم الجد وقال مرسال تقصد الآنسة شكرا جدا
مرسال بصت لحد باستغراب وقالت هي للدرجة دي سمعتي بقيت مشوهة
حد ضحك ومرديش بس ابوها بصلها باستغراب بيسأل مش فاهم بتتكلم عن ايه
حكاية طويلة يا بابا هقولك عليها بعدين.
قاطعهم الجد و ابتسم اتفضلوا يا جماعة متتصورش انا سعيد بوحودكم هنا ازي.
رد محمد بنفس الابتسامة دنا الي حقيقي أسعد بك يا استاذ هادي وأسعد اني أخيرا لقيت حد زيك عنده شغف بالقراءة زي اصل الجيل الجديد ده تحسه غريب ومعندوش ثقافة حب القراءة زينا يعني عندك مرسال بنتي عندها ٢١ ومقراتيش حتي كتاب بر المنهج وبعدين ضحك وكمل ولا جو المنهج حتي.
حد ضحك فبصتله مرسال بقرف هاهاهاها.. عجبتك اوي
ابتسم وقال جدا يعني
الفهلك
ابتسم ياريت
انت عايز تشلني
قاطعها الجد وهو بيبص علي باباها اتفضل طيب يا استاذ محمد.
الجد قال جملته الأخيرة وهو بيدخل الأوضة دخل وراه محمد حد لاحظ انزعاج مرسال فقال علي فجأة وهو بيبصلها قبل ما تدخل الاوضة انا آسف.
ملامح ڠضبها سكنت واتحولت لاستغراب بتسأل علي ايه
_ مش عارف بس حسيت اني لازم اعتذرلك علشان تفكي التكشيرة دي بقي
بصلته بانزعاج تكشيرة قصدك اني نكدية وشخص عكر الوجه
ضحك وهو بيقول عكر الوجه