رواية مرسال كل حد الفصل الحادي عشر والثاني عشر والثالث عشر والرابع عشر والخامس عشر بقلم آيه السيد حصريه وجديده
رواية مرسال كل حد الفصل الحادي عشر والثاني عشر والثالث عشر والرابع عشر والخامس عشر بقلم آيه السيد حصريه وجديده
سألها بنبرة فيها تأنيب ضمير أنت لسه مضايقة مني أنا حقيقي آسف.
سكتت ومردتيش وقف التاكسي ولف ناحيتها طب ممكن أعمل إيه علشان تقبلي اعتذاري
سكتت ومردتيش
لف وشه وريح راسه علي راس الكرسي واتنهد وسكن مكانه متحركش حتي مرسال مسألتوش أنت وقفت ليه او حتي طلبت منه انه يمشي كأنها استغلتها فرصة إنها ټعيط أكتر لحد ما حد سمعها بټعيط لف وشه ولاقيها مخبية وشها وبتحاول تكتم العياط مكنش عارف ليه قلبه حزين عليها كدا الموضوع كان أكبر من شعوره بالذنب ناحيتها خرج من التاكسي وسند عند الباب الي كانت قاعدة ناحيته مكنش عارف يعمل ايه علشان تهدي غير انه يسيبها ټعيط يمكن ده يكون مريح لها أكتر بعد نص ساعة من العياط خبطت مرسال علي الازاز الي جمبها والي كان ساند عليه حد علشان يكون عندها فرصة اكبر ټعيط براحتها انتبه لها حد وسألها خلصتي كدا
ابتسمت بوشها الي لونه اتحول للاحمرار من كتر العياط ابتسم ابتسامة واسعة وقال يا فرج الله أخيرا أسيادنا رضيوا علينا
هي مكنتش سامعه أوي لأن الازاز كان عامل عزل للصوت فمكنش باين اوي بس هي فهمته من حركة كلامه فابتسمت ابتسامة كشفت عن أسنانها وميلت راسها بتضحك فتح الباب وقالها بالمناسبة السعيدة دي أنا عازمك علي زبادي خلاط..
انحني انحناءة بسيطة وهو بيقول ده بعد إذن آنستي الجميلة طبعا
آنستي الجميلة!
_اممم.. جدي كان ديما بيكلم ستي بالفصحي لما يحب يراضيها ويقولها آنستي ومؤنستي و آنيستي يتونسي بك قلبي كلما آنستني فهلا تتسنى سيدتي بالعفو عن طالب الأنس منك.
ابتسمت مرسال بانبهار وهي بتقول واو.. حقيقي جدك ده واو.. ستك كانت محظوظ جدا به
_ مش ستي بس حقيقي يا مرسال أنا كمان محظوظ به.
وأظن إن هو كمان محظوظ بك لأني أول مرة أشوف حد بيحب جده كدا ويفضله علي باباه ومامته كمان
اتنهد وحط ايده في جيبه وهو بيسند علي التاكسي وبيبص تجاه الافق عمر ما كان مقدار الحب بيتقاس علي حسب العلاقات وصلات الډم يعني ممكن يكون لك اخت بس قلبك يميل في الحب لصديقتك أكتر وممكن تحب أختك اكتر من باباك ومامتك مش شرط خالص إن علي حسب ترتيب صلة الډم تحبي لأن الاولوية في الحب ديما لقلبك مش لعقلك او المنطق علشان كدا يا مرسال ربنا مش بيحاسبنا علي الي قلبنا بيحس به لأنه سبحانه عالم إن لا سلطان علي القلب حتي القلب نفسه عضلة لا إرداية بتحب الي هي عايزه وبتكرهه رغم عنك الي عايزه برود بس احيانا بيكون فيه مسببات هو مش ديما الحب له سبب بس الاهتمام والعطاء والحنان في اي علاقة كفيلة تخليك تحترم الشخص ده حتي ولو مش هتحبه ده علي اقل تقدير يعني.. يعني انا بحترم باباي ومامتي جدا ومحترم احترامهم لرغبتي في اتخاذ قراراتي ومجرى حياتي بس رغم كدا يا مرسال مكانتهم في قلبي موصلتش حتي لربع مكانة جدي.. جدي هو كل حاجة في حياتي هو كل عيلتي هو آماني.. روحي متعلق به ومن غيره أموت.. صوته ديما بيدني الاحساس بالآمان أنا حقيقي عايش بوجوده وبعدين لف وشه ناحيتها وابتسم وكمل تسمعي عن الطفيل الي بيتغذي علي كائن تاني ولو فقد الكائن ده ېموت أهو أنا زيه بالظبط عايش علي وجود جدي
