ازمة_ثقة الجزء_التاسع بقلم_مريم_اليوسف
ازمة_ثقة
الجزء_التاسع
بقلم_مريم_اليوسف
ضلت واقفة ع الباب عم تسمع والدموع عم تشر من عيونا وحاطة ايدا على تما .. اتجهت نحو غرفتا مشت خطوتين .. بعدين رجعت دقت الباب وفاتت
اميرة وسميرة عزة
عزة انا سمعت كلشي .. وانا اصلا كنت متوقعة انك عم تفكري فيني هيك يا سميرة ... من لما تغيرت معاملتك معي ... اسمعو هالكلميتن .. يعني اذا ربيت بميتم ومابعرف مين اهلي ما ضروري كون بنت حرام .. بعدين انتي بتحطيني بزمتك انو انا بنت حرام .. وتاني شي ليش جوزي طلقني لانو هو واهلو ولادين الحړام .. واصلا هالايام بقولو عن يلي الحقېر والرزيل ابن حرام .. وهو اهلو ولادين حرام ... يمكن كنت نزوة بحياتو عم تحكي وهية منفعلة وعم تبكي .. وهمني انو رح يعوضني عن امي وابي وعن كل الدني وانا كنت متل الغريق يلي اتعلق بقشة .. كان بدي اهرب من واقعي بدي اهرب من كلمة بنت ميتم .. ماصدقت انو في رجال رح يتزوجني ويسترني وجيب منو ولاد بالحلال .. لحتى مدري شو غيرو وصار يتغير شوي شوي .. انا كنت ملاحظة وساكتة لانو مابدي اتطلق ويصفا الولد بالشارع وبالاخص انو مانو مسجل زواجنا ولا حتى ابنا مسجل لانو كان مخبي عن اهلو .. واهلو طبعا خبرو وصارو يكبرو براسو يطلقني ويقلعني ماطلعت معو .. اجو هنن وقلعوني وعأساس هو مادخلو ومغلوب ع امرو .. لحتى صفيت بالشارع .. نمت بالشارع ونمت تحت الدراج .. وحيدر بيك يلي عم تقولي عم يعاملني معاملة خاصة .. حيدر بيك احسن مخلوق شفتو بحياتي .. مرة كنت قاعدة بالشارع وابني جنبي عم ينق بدو ياكل وانا مامعي ولا ليرة ماشفتو غير نزل وعطا لابني مصاري .. وتاني مرة ابني سخن وركبت بتاكسي واخدني ع مشفى خاص .. وماقبلو يدخلوني لانو مامعي تأمين .. وصرت اترجاهن ومايقبلو ولحسن الحظ كمان حيدر بيك كان موجود ودخل ابني ع حسابو .. انا سألت الممرضة انو شبو وشو عم يعمل بالمشفى طلع عم يغسل كلى .. وانا كرد للجميل يلي عملو معي رحت اتبرعتلو بكليتي
بانت عوجهن علامات الصدمة
عزةولاني تبرعتلو بكليتي وماقبلت اخد ولا ليرة لانو انا مابعتا انا تبرعت فيها هو عم يهتم فيني يمكن مشان يعوضني بس انا مابدي منو شي ولا بدي من الدني كلا شي .. انا عم اشتغل بتعبي واخد اجاري من تعبي ومابدي منية حدا لا هو ولا انتي .. فهمتي هلأ يا سميرة شو القصة ... انا من بكرا رح دور ع بيت واطلع مابشرفكن تسكن عنكن وحدة متلي .. بس عندي رجاء وهو لاتحكمو ع الناس من عنكن
اميرة عزة ..
عزة انا حكي خلص تصبحو على خير
اميرة عزة .. اسمعيني يا عزة ..
تركتن وطلعت
اميرة عجبك هيك .. لك انتي مابتفكري .. هيك جرحتيها فوق چرحا .. الله يسامحك يا اختي .. الله يسامحك ..
سميرة ماحكت اكتفت بالصمت وعلامات الخجل على وجها
________________
ببيت ميسون
مرتكية ع جنب الكنبة وحاطة ايد تحت راسا ومتغطية بحرام وبالايد التاني عم تقلب بالتلفزيون .. رن تلفونا اتجلست اخدتو من على الطاولة اتطلعت فيه شوي بعدين ردت
ميسون الو
سليمكيفك جوري خانم .. شو كيف صرتي
ميسونمنيحة
سليم عم يسأل المعلم مانك جاي اليوم
ميسون لا ماني جاي لا اليوم ولا كل يوم
سليم ليش
ميسون هيك بطلت معد اشتغل هالشغل
سليم طيب شوبدي قلو للمعلم
ميسون قلو شو مابدك انا لعنكن
