ازمة_ثقة الجزء_التاسع بقلم_مريم_اليوسف

قعدتو ويكتر خيركن
اميرة لا والله ماباخد
فتحتلا ايدا وحطتن وقالت مابصير هاد حقكن .. يلا بخاطرك
اميرة الله معك
عزة سلميلي ع سميرة
اميرة بيوصل
جرت شنتا وابنا بالايد التانية .. وطلعت ركبت مع ميسون ومشو
ضلو ساكيتن شوي ... وكل وحدة شاردة بعالم ..
عزة بلشت تدندن بصوت خفيف صغير ومجروح من صغر سني لا اب ولا ام ولا خي يحضني
ميسون اي والله صغير ومجروح من صغر سني ... يا الله يا عزة صوتك ما احلاه ..
عزة هههه منيح طلعت فينا شي حلوة
ميسون لك ټضربي انتي كلك حلوة بس حظوظنا يلي مانا حلوة
عزة حظ عطيني وبالبحر رميني
ميسون بس انتي الحظ جاييكي .. لاتنسي حيدر بيك
عزة لسه بتقلي حيدر بيك .. لك حيدر كلني مانو شايلني من ارضي وبعدين لا انا بحبو ولاهو بحبني
ميسون ماكل يلي بحبو بعض بيتزوجو وكمان ماكل يلي بتزوجو بحبو بعض وبعدين شفنا شو اجاكي من الحب
__________________
بلال مخربط كتير بعد ماشافا كانت متحسنة حالتو شوي لانو ماعم يشوفا بس رجع تخربط كيانو بعد ماشافا ورجع سرح بخيالو .. بس مازال محافظ على كبريائو ورافض يعترف انو في شي عم يربطو فيها
كان قاعد على كرسي بنص المصنع وسارح .. قرب منو حيدر شو ليش قاعد هون
اتطلع حواليه وقال مابعرف
حيدر يلا نقوم
بلال يلا
حيدر ليش جيت
بلال نسيت
حيدر شو عم يصير معك
بلال مابعرف
حيدر بلال انت منيح
بلال لك والله مابعرف يازلمة .. امشي امشي
مشو وطلع برات المصنع .. وركبو سيارة وحدة مشو
بلال اي صح حيدر تذكرت شو كان بدي اسألك
حيدر اسأل
بلال بس بتحكيلي الصدق
حيدر شوفي
بلال حيدر انت عم تفكر بعزة
حيدر مافهمت
بلال لاتغشم حالك .. الكل ملاحظ اهتمامك فيها قلي عم تفكر فيها يعني عم تحبا
حيدر مين الكل .. لسه كل شغلة الكل .. انا وحياتي محدا دخلو وبهتم بمين مابدي وبتجاهل مين مابدي محدا دخلو فيني
بلال طيب روق انسا الكل هلأ وركز معي
حيدر تفضل
بلال عنجد انت حاببا للبنت
حيدر مابعرف اذا حب .. بس البنت عاجبتني
بلال لانو تبرعتلك بكليتا
حيدر لا طبعا .. بس عجبتني وناوي اطلبا رسمي
بلال نعممم
حيدر شبك كأنو عم اخطبلك اياها الك
بلال مو هيك القصة .. بس لاتنسى انو مطلقة وعندا ولد
حيدر واذا مطلقة ماعندي مشكلة .. وكمان مشان ابنا بربيه وبكسب فيه حسنة احسن من هالشنططة
بلال بس اخي نحنا كنا حابين نفرحلك ببنت صغيرة وحلوة ومن عيلة معروفة
حيدر هاد الحكي مابينطبق علي .. وكمان انا محدا يتدخل بحياتي ماشي
بلال ماشي اخي وبقلبو مستحيل خلي هالشي يصير 

بعيادة
سعد طمني دكتور
الدكتور لاتخاف كريب خفيف ومابخوف
سعد الله يطمن قلبك يادكتور
بيان قلتلك مافي شي خطېر ..
الدكتور تفضلي شربي هدول الادوية وان شاء الله بتطيبي بسرعة
سعد شكرا دكتور
طلعو من العيادة وركبو بالسيارة
بيان رمت حالا عصدر سعد
باسا من راسا وقال ما نحرم منو للقمر
بيان حبيبي انت
سعد وانتي روحي
سعد هلأ بوصلك ع البيت وبتطلعي فورا بترتاحي
بيان والله حبيبي حاسة حالي تحسنت
سعد انا شو قلت
بيان حاضر متل مابدك ..
سعد بس انا زعلان من امك هيك ما بتهتم فيكي انا خلص رح اخدك من عندن ههه
بيان قلتلك مافي شي خطېر بعدين ماما حرام قالتلي اطلبلك دكتور وانا رفضت
بيان طيب من هون للمسا بكون صرت منيحة شو رأيك نروح نسهر بشي مكان انا كتير مشتاقتلك
سعد لك نسيت انا كنت عم حكيكي اليوم لانو عرس بنت عمي وقلت بعزمك وبتجي ..
بيان بفرح عنجد 
سعد اي هاد الحكي قبل ما اعرف انك مريضة
بيان والله مافيني شي الله يخليك