ازمة_ثقة الجزء_التاسع بقلم_مريم_اليوسف

خليني احضر العرس معك ..
سعد تسؤ انتي مريضة وبدك رياحة
بيان ياربي منك .. والله مافيني شي وهاه ليكني متل الحصان
سعد بفكر بالموضوع
بيان ياربي لسه بدك تفكر .. بليز .. بليز .. والله من زمان حابة احضر هيك حفلة بسيطة مليت من حفلات الاتيكيت والبرسيتج .. حابة احضر دبكة ورقص
سعد امممم ... ما قتنعت
رفعت راسا وباستو على خدو وقالت وهيك
سعد ماقتنعت شوي
بيان من الاخير شو بدك
سعد لا يروح تفكيرك لبعيد .. قوليلي ايمت جيب اهلي واجي انا ماعاد عندي صبر
بيان خلص بكرا برد عليك خبر .. بس هلأ قلي شو
سعد شو
بيان لك شو شو
سعد انتي عم تقولي قلي شو قلتلك شو
بيان خلص انا زعلت
فتحت الباب لتنزل مسكا من ايدا وقال خلص جهزي حالك المسا .. بس بتقلي على حالك لبس
بيان يس .. يس
دور السيارة ومشو

المسا
بيان لبست وجهزت حالا وناطرة سعد
دخلت امها عليها الغرفة
سلمى يا سلام شو هالجمال والحلاوة هي
بيان من بعدك ياقمر
سلمى ع وين حبيبتي
بيان رايحة احضر عيد ميلاد وحدة رفيقتي
سلمى وانا بعرفا
بيان لأ ماما ..
سلمى طيب ياروحي بس لاتطولي
بيان بتأمري امر يا ست الكل
لفت ضهرلتطلع بس وقفتا بيان
بيان ماما .. شو صار معكن ايمت بدو يجي سعد يطلبني رسمي ..
سلمى هلأ بحكي مع اخواتك بركي بكرا
راحت ضمتا وقالت الله يخليلي اياكي يا احلا شي بهل الدنيا
سلمى ههههه اااخ منك
باستا من راسا وطلعت
وصلا مسج من سعد اطعلي بسيارتك ع الشارع الوراكن 
________________
وصلو ع العرس وعيون الناس كلا عليهن
قربت وهمست بأدنو انا خجلانة
سعد لا تخجلي بس متفاجئين فيكي لانو مابيعرفوكي .. ليكي هنيك في كرسيين فاضين تعالي
سحبا من ايدا وراحو قعدو .. والاغاني شغالة والناس عم ترقص وتدبك .. هزي خصرك هزي .. سهم بقلبي غزي 
سعد قومي نسلم عبنت عمي
بيان يلا
قامو سلمو عالعروس وباركولا ورجعو قعدو جنب بعض .. والناس كلا عم تطلع عليهن .. وبيان مبينة غريبة ومن جهة اللبس وتعامل والهدوء
سعد مبسوطة
بيان كتير
حطو ع اغنية دبكة مجوز .. وسحبو سعد ع الاول وصار سعد يدبك .. بيان كتير حبت دبكتو ومهارتو فيها طلعت الموبايل وبلشت تصورو .. شقد فرحت انو هاد حبيبا وشقد شافت حالا فيه .. وهية عم تصور قربت وحدة وقعدت جنبا
مرحبا
نزلت التلفون والتفتت عليها اهلين
انتي حبيبتو لسعد يعني
بيان اي حبيبتو .. عندك مانع
لا ياروحي بس حبيت استفسر .. لابقين لبعض
بيان شكرا ..
ترك سعد الدبكة واجا لعند بيان
سعد شو كان بدا
بيان عم تسألني اذا انا حبيبتك
سعد وشو قلتيلا
بيان قلتلا لا مجرد اصدقاء
سعد عنجد هيك قلتيلا
بيان اي فكرت فيها احراج الك
سعد ايو احراج .. بيان انا بدي كل الدني تعرف انو انتي حبيبتي وشوف حالي فيكي
بيان عنجد
سعد لسه بتقلي عنجد .. لك انا بحبك .. بحبك
بيان هههههههه لك عم امزح معك سألتني انتي حبيبتو وانا قلت اي
سعد لك والله لو مافي ناس
بيان شو كنت عملت
سعد بعدين بقلك
بيان لأ هلأ بدي اعرف
مسكا من ايدا وسحبا ع الساحة لحتى يرقصو سوا
بيان عم تصرخ بصوت عالي مشان يسمعا من صوت الاغاني
بيان مابعرف ارقص متلكن
سعد بس لولحي بأديكي 
خلصت الحفلة ووصلا لعند سيارتا
بيان مبسوطة مبسوطة كتير
سعد وانا مبسوط فيكي
بيان قلي شو كنت بدك تعمل لو مافي ناس
سعد بلاها
بيان شو بلاها لأ بدي اعرف
سعد نزلي ع سيارتك وانطلقي يلا
بيان لك بمۏت اذا ماعرفت
سعد سعد وانا بمۏت 
كانت حاسة كلشي حوليها عم يضحك .. حست حالا مربطة مو عارفة شو تعمل ومابدا تضيع او تنسى جمال اللحظات يلي عم تعيشن .. فتحت الباب وفاتت
كانت اما واخواتا قاعدين وناطرينا
بيان مسالخير
بلال خلصتي صياعة مع الزبال
يتبع ........