ازمة_ثقة الجزء_التاسع بقلم_مريم_اليوسف
المحتويات
نحنا بنعرفو
بيان لا
سلمى طيب يا حبيبتي اذا عاجبك خليه يجي وان شاء الله بصير نصيب
بلال اي الله يقدم يلي فيه الخير
بيان شبك اخي كأنو مافرحت لاختك
بلال ما هيك .. بس مزال حاببتيه صاير فوتات وطلعات من ورا ضهرنا
بيان صح بس انا ماعم اعمل شي غلط وعم اطلع انا واياه ع اماكن عامة
بلال طيب ماشي .. عطيني اسمو واسم عيلتو خلينا نسأل عنو
بيان ماشي بعطيك .. بس ان سألت او لأ انا بدي اياه
بلال اطمني رح تاخديه .. بس خلينا نسأل منيح عنو اضمن
بيان ماشي
سلمى والله ماني مصدقة بيان الصغنونة كبرت ورح تتزوج
بيان شايفة بلله
حيدر والله كبرتي يافصعونة
سلمى ماما حيدر وانت كمان مابدك تتزوج .. خليني افرح فيك وبأختك قبل ماموت
حيدر بعيد الشړ عن قلبك ماما .. بس لسه مافكرت بالموضوع حاليا
سلمى ليش يعني .. وايمت بدك تفكر
حيدر والله مابعرف اصلا الموضوع كلو مانو ببالي
سلمى لا فكر وخلينا نفرح فيك
بيان اي اخي الله يخليك خلينا نفرح فيك وفيني
حيدر ههههه خلص رح فكر كرمالك يافصعونة
بيان حاج تقلي فصعونة .. انا كبرت ورح اتزوج
بلال قد ماكبرتي بتضلي صغيرة بنظرنا
بيان تسلمولي
سلمى اي ماما حيدر مافي شي وحدة عاجبتك خلينا نخطبلك اياها ولا دورلك انا
حيدر عشو استعجلتي هلأ .. عمهل
سلمى طيب عراحتك ... بس قلي في شي وحدة
فجأة لمعت عراسوعزة هو ماعم يفكر فيها بس فجأة خطرت عبالو
بلال شو وين شارد
حيدر ااه .. لا لا مافي .. انا تعبت بدي قوم ارتاح .. تصبحو على خير
وانت من اهلو
بلال بقلبو ان شاء الله مايطلع شكي بمحلو
عزة قاعدة بزاوية الغرفة حاطة ايد تحت خدا وشاردة بعالم الحزن وابنا عم يلعب جنبا بسيارة صغيرة عم يمررا بأيدو
عزة وين بدي لاقي بيت وشغل .. انا تعبت كتير .. والله تعبت شو بدي اعمل بحالي .. لك الله لايسامح يلي كان السبب .. مالي غير ميسون خليها تدبرلي شغل عن طريقا .. اصلا انا لازم كون متل ميسون مابتسأل عحدا وقلبا قاسې ومابهما لا حكي العالم ولا العالم.. كلن متل رجلا لازم قوي قلبي وصير متلا لانو القوي يلي بعيش ومعد اسكت لحدا وبطل طيبة القلب والمسامحة يلي خربتلي حياتي .. رح دقلا وبكرا روح لعندا
اندق الباب
عزة تفضلي
فاتت سميرة مسالخير
عزة نعم
سميرة قومي نسهر سوا ع التلفزيون طالع مسلسل حلو
عزة بدي نام ..
سميرة متل مابدك تصبحي على خير
عزة وانتي من اهلو
طلعت سميرة وحكا فهد ماما انا بدي اتفرج
عزة انت نام بكون احسن
مسكت التلفون بدا تدق لميسون بس قبل ماتكبس على الزرار قالت ييي هلأ بتكون بالملهى الليلي
عزة ماما فهد تعال لجنبي لنام
الصبح
فاقت ميسون وقامت من فرشتا راحت عملت فنجان نسكافيه .. وطلعت قعدت ع البلكون .. وصارت تتفرج ع العالم رايحة جاي .. رن تفلونا
ميسون الو
عزة كيفك ميسون
ميسون بخير .. كيفك انتي
عزة الحمد لله ... انتي فاضي اليوم
ميسون اي
عزة بدي اجي لعندك
ميسون انا بجي باخدك
عزة لكن بتجي بتاخديني من المصنع
ميسون اوكي .. اي ساعة
عزة ع التنتين
ميسون ماشي
__________________
بلش الدوام يخلص وعزة عم تحضر حالا لحتى تطلع تضبضب المكتب
اندق الباب .. رفعت راسا وكان حيدر
حيدر مرحبا
عزة اهلين حيدر بيك
حيدر شو طالعة
عزة اي بعد شوي
حيدر شو رأيك نروح نتغدا بشي مكان
عزة الي
حيدر اي الك
عزة شو المناسبة
حيدر من دون مناسبة .. شو قلتي
عزة اسفة بعتذر
حيدر ليش مشان حكي العالم
عزة في هيك شي
حيدر هلأ انتي ليش بتهتمي لحكي العالم .. شوبدك فيهن
عزة
متابعة القراءة
