ازمة_ثقة الجزء_التاسع بقلم_مريم_اليوسف

مابدي شي .. بصراحة انا اليوم ماني فاضي ممكن غير يوم
حيدر ليش شو عندك
عزة تحقيق 
حيدر عفوا !
عزة بصراحة عم حسك بدك ټقتحم حياتي
حيدر عزة هاد الحكي عم تحكيني اياه الي
عزة اي الك .. حيدر بيك لو سمحت انا شرحتلك وضعي وانت بترجع لتصرفاتك
حيدر ايو تصرفات
عزة خلص انسا .
حيدر لا ماني ناسي احكي .. وهلأ
عزة حيدر بيك بحسك انك بدك تردلي الجميل لانو عطتيك كليتي وبصراحة انا مابحب هيك ياريت تتصرف معي متل مابتتصرف مع اي موظف .. هاد الاهتمام عم يدايقني
حيدر من ايو ناحية
عزة لك انا ماني متعودة حدا يهتم فيني لهل الدرجة... انا ربيت بلا ام ولا اخ ولا اي حدا بعمرو محدا سألني لا وين رايحة لا وين جاي ولا حدا قلي شو عايزة .. مابدي اتعود عشي بعدين انحرم منو متل ماعمل معي طليقي
حيدر طيب اسف .. وبوعدك انوو ما احرمك من شي عم عودك عليه
عزة عفوا ... مافهمت .. شو قصدك
ابتسم وقال بعدين بتعرفي وطلع
عزة شو قصدو .. معقول عم يفكر فيني .. لالا اكيد مو هيك .. خلص انا لازم اترك هالشغل بأسرع وقت ماناقصني ۏجع راس
صار تلفونا يرن وكانت ميسون .. ضبت غراضا وطلعت
كانت ميسون ناطرتا بالسيارة .. راحت ركبت جنبا ومشو ..
وصلت عباب المصنع لحتى تطلع فجأة طلع قداما بلال
وقفو وصارو يتطلعو ع بعض ..
ضلو يتطلعو ع بعض فترة قصيرة وعزة لاحظت انو هالنظرات مو طبيعية
عزة شو عم يصير
ميسون اتطلعت فيها بدون ماتحكي بعدين حطت ايدا ع الفتيس ورجعت بالسيارة لورا لتفتح طريق لبلال
بلال لما شافا للولهة الاولة حس بنضات قلبو زادت .. بس ضل محافظ على كبريائو وعلى نظرتو الكبريائية
بعكس نظرة ميسون يلي كانت نظرة حزن وتعب وملل
دخل بسيارتو وهية دعست ع البنزين ومشت
نزل من سيارتو وحط اديه بجيابو وصار بتطلع ع الطريق يلي راحت منو
..........................
ميسون اي كيفك
عزة ماني منيحة ابدا .. تعبت .. تعبت كتير .. عم يحكو علي بالشغل ..
ميسون ببرود شو عم يحكو
عزة قال انا في بيني وبين حيدر شي وانا بنت ميتم ومامعروف مين قرعة ابي واني مطلقة حكي كتير .. لك حتى من لسان سميرة ماخلصت .. انا بدي اترك البيت والشغل هل المرة رح خليكي انتي تدبريلي شغل وكمان بيت
ميسون بتقعدي معي .. ولا تفكري.. لانو انا بطلت الرقص
عزة ليش .. قصدي عنجد فرحت كتير
ميسون كنت حامل
عزة شووووو
اتطلعت عليها وابتسمت ابتسامة باردة وقالت هه شبك
عزة حامل .. ومن مين .. وكيف .. وقفي وقفي السيارة
وقفت السيارة
عزة حكيلي كلشي بالتفصيل
ميسون شو بدي احكيلك انا حكيتلك كلشي
عزة قصدك حملتي من هداك الزلمة يلي تزوجك
ميسون اي
عزة بس قلتيلي صابك ڼزيف كيف صار هيك
ميسون بالاول انا استغربت .. بس بحثت عنها وطلع مابأثر وكمان ماكان ڼزيف قوي والڼزيف كان بجدار الرحم والحمل داخل الرحم
عزة كأنو قلتي كنتي حامل .. بس ماتكوني نزلتيه
ميسون لا هو نزل لحالو بس من اهمالي نزل
عزة وانتي زعلانة
ميسون كتير .. مع انو لا شفتو ولا حسيت فيه .. بس مابعرف قلبي عم يتقطع عليه .. وكأنو شب و مربيتو كل شبر بندر
عزة يلا بعوض الله
ميسون هزت براسا بدون ماتحكي
عزة يعني خلص معد ترقصي نهائيا
ميسون لا .. بتعرفي شو كنت عم فكر صير متلك بسيطة ولا مبالية .. امشي وما اتطلع لورا ..
عزة هههه
ميسون ليش عم تضحكي
عزة لانو انا كمان كنت عم فكر صير متلك ..