ازمة_ثقة الجزء_التاسع بقلم_مريم_اليوسف

معد اخطي
سليم طيب عطيني سبب مقنع .. بتعرفي انتي المعلم
ميسون قلو مريضة قلو معا سړطان قلو حامل شو مابدك قلو .. ولا قلك قلو مادخلو وټضرب منك الو وكنو زلمة يطولني يلا احط .. وهاد الرقم بتمسحو من عندك ولا قلك لا تمسحو لانو معد تلاقيه سلام
سكرت التلفون پقهر .. وطلعت بطاقة السيم الخاصة بجوري وكسرتا بالنص ورمتو ع الطاولة
__________________
دخلت سلوى لحتى تنام .. رفعت الغطا وقعدت عحرف التخت جنب بلال سمعتو عم يحكي بنومو ..
بلال ليش عم تعملي معي هيك ... انا بدي اياكي ورح جيبك .. رح جيبك
سلوى رح تجيبا لمين .. ياربي ليش هيك حظي انا ... الله اعلم بمين عم يحلم .. بدك تجيبا .. الله لايجيبك ولا يجيبا قامت من جنبو پقهر وطلعت .. فتحت الباب اتطلعت عليه نظرة حزن بعدين طلعت
______________
الصبح بالمصنع ..
عزة عم تمشي بين المواد وبأيدا ملف وعم تسجل عليه
قربت منها سميرة
سميرة صباح الخير
عزة بدون اهتمام صباح النور
سميرة ايمت طلعتي ماحسيت عليكي
عزة طلعت الصبح شفت اميرة ووصيتا بفهد وطلعت
سميرة ليش مانطرتيني كنا جينا سوى
عزة مافي داعي .. تركتا ومشت لقدام شوي تكمل تسجيل
فات حيدر ع المصنع .. مرق من جنب عزة قال صباح الخير بوجه بارد ومانطر عزة لحتى ترد عليه
عزة اكيد زعل مني .. لازم اشرحلو وضعي وقلو انو الموظفين عم يفكرو بينا شي ..
سكرت الملف وراحت لعندو
دقت الباب وفاتت كان واقف ومنحني لعند المكتب عم يوقع على وراق
عزة حيدر بيك ممكن نحكي
حيدر مستعجل جاي اخد كم ورقة وطالع بنحكي بعدين
عزة مارح اخد من وقتك كتير
بدون مايرفع راسو قال احكي بسرعة عم اسمعك
عزة انا بعتذر كتير على نبرة صوتي وحكيي معك .. بس بصراحة انا كتير مدايقة ومقهورة هالفترة ومن اي كلمة عم انزعج .. وحتى اذا هيك وضعي مابحقلي حكيك بهل الطريقة .. بس انا عم اتجنبك لانو بصراحة الموظفين عم يحكو علي
رفع راسو وقال شو عم يحكو
عزة قال انا وانت في بينا شي .. وانا ماني منيحة وقدرت سيطر عليك وخصوصا انا مطلقة وقال اهتمامك الي مو طبيعي وحكي كتير ..وانا مابدي حدا يحكي علي انا سمعتي فوق كلشي ..
حيدر محدا بحقلو يحكي عليكي .. ويلي عم يحكي هلأ بقصلو لسانو
عزة حيدر بيك الامور ماهيك بتنحل .. حتى لو قلتلون رح يضلو يحكو .. انا من سميرة ماخلصت مع انو اعتبرتا رفيقتي ومقعدتني عندا بالبيت .. انا قررت اقصر الشړ ورح اترك الشغل بس لبين ما لاقي شغل
حيدر انتي شو عم تحكي
عزة متل ماسمعت
حيدر انا مستحيل خليكي تتركي الشغل
عزة مابتقدر تجبرني .. وانا اخدت قراري .. من اناصغيرة بسمع حكي وبنجرح والعالم مصرة تجرحني ... ما ذنبي انو ريبت بميتم وماذنبي انو زوجي طلقني .. مع انو لازم كون متعودة ع الحكي عقد مابسمع بس ماعم اقدر .. كرامتي كتير غاليه علي
حيدر بتشتغلي بالشركة
عزة ولا حتى بالشركة .. خلص انا بدي ابعد بدي بلش من جديد .. انت فضلت عراسي ومابدي عذبك معي
حيدر انتي شو عم تحكي انتي يلي فضلتي ع راسي .. وفضلك بعمري مابنساه واذا ضليت طول عمري وفيكي فيه مابكفي
عزة صدقني مابدي منك شي الا انك تكون بخير
حيدر يعني هاد قرارك النهائي
عزة اي بس بدي تستحملوني شي اسبوع لحتى لاقي شغل
حيدر المصنع مصنعك واذا بتضلي تشتغلي فيه على طول مابقول لأ
عزة شكرا كتير
لفت ضهرا ومشت
_________________
واقف قدام