رواية ندم صعيدي الفصل التاسع عشر بقلم مريم محمد حصريه وجديده

عليه سلمى بغموض  مجهزالك حاجات كتيره اوى هتعجبك جدااا.
تحدث عيسى بضعف و قهره  يعنى ايه يا سلمى يعنى كل ده كان تمثيل اهتمامك بيا كان تمثيل معاملتك ليا كانت تمثيل
ده انا بحبك ده انتى مش هتلاقى حد يحبك قد حبى ده انا بحبك من اليوم اللى انتى اتولدتى فيه عايزه تفهمينى أن ممكن حد يحبك قد حبى.
ردت عليه سلمى ببرود  متقوليش انا بحبك و بعد كده توجعنى بتصرفاتك و تكون سبب فى عياطى متبقاش قايلى كلام يخلينى احس انى وحشه و بعد كده بكل اعتياديه تقولى اصل انا بحبك و انتى مش هتلاقى حد يحبك قدى فمتزعليش منى لا معلش متزعلش انت منى انت لو اكتر واحد بتحبنى فى الكون بس بتأذينى يبقى خلى حبك لنفسك عشان انا محتاجه حد يريحنى و يحسسنى بقمتى مش حد يأذينى و يقلل منى بحجه انه بيحبنى.
عم الصمت لمده قصيره إلى أن قاطعته سلمى بصوتها البارد  فاكر الكلام ده يا عيسى الكلام ده انا قلتهولك ساعه اول مره تزعقلى فيها لما انا كنت فى إعدادى و كان فى ولد بيحبنى فأنت وقتها هزقت بكرامتى و كرامته الأرض قدام المدرسه كلها وقتها انا قلتلك الكلام ده و كنا مخطوبين و انت وقتها اعتذرت و وعدتنى انك عمرك ما هتزعلنى تانى.
بس انت خلفت بوعدك يا عيسى انت زعلتنى تانى و تالت و رابع ومش كده و بس انت كسرتنى و مرمت بكرامة اللى خلفوا أهلى الأرض و كنت عايز ټقتل عيالى مش عشان كنت فاكرهم ولاد حرام لأ عشان ميبقاش فى أى صله تربطنى بيك عشان لما سيادتك تسافر محدش يقولك ارجع ابنك عيان ارجع ابنك محتاج اب ارجع ابنك محتاج يدخل مدرسه.
انت عمرك ما كنت موجود فى ولا ذكرى من ذكريات عيالى اسألهم كده حتى ولا اقولك هسألهم انا استنى.
نظرت سلمى لسالم بهدوء و بدأت حديثها بهدوء أكبر  سالم مين اللى علمك التهكير زى ما كنت عايز و مين اللى بيجيلك المدرسه فى اجتماعات أولياء الأمور و مين اللى وقف جنبك لما كنت بتتعرض للتنمر عشان باباك مين اللى كان بيسهر معاك و يتفرج معاك على ماتشات الكوره أو كان بيوديك كافيه و تلعبوا بلاى ستيشن و مين اللى كان بيوديك تمرين الكوره عشان انت نفسك تبقى زى محمد صلاح مين اللى بيوديك لدكتور نفسانى عشان تقدر تسيطر على عصبيتك و تبقى طبيعى من غير برودك ده و عشان تعرف تواجه التنمر اللى انت بتتعرضله.
رد عليها سالم بجديه و برود  انتى يا ماما.
نظرت سلمى لسليم و قالت له بهدوء ايضا  سليم مين اللى بيوديك ورش التمثيل عشان انت نفسك تبقى ممثل و مين اللى بيوديك للدكتور على طول عشان تتابع حالتك و مين اللى اول ما بتعمل مصېبه بيجرى عليك و يسيب شغله بقى أو جامعته ايا كأن و مين اللى مهتم بأدويتك وب حالتك النفسيه قبل الجسديه عشان انت الزعل غلط عليك و مين اللى ساعدك لحد ما عرفت تواجه التنمر اللى انت اتعرضتلوا.
سليم ببرود أول مره يراه الآخرين  انتى يا ماما.
نظرت سلمى لعيسى و قالت له ببرود  و غيره حاجات كتييير اوى هو يبانلك انها حاجات قليله بس هى مش قليله بالنسبالى خالص و زى ما انت مكنتش موجود زمان انا هبقى حريصه انك متبقاش موجود فى المستقبل.
رد عليها عيسى پغضب  يعنى ايه