رواية دكة الساده الفصل السادس والسابع بقلم فاطمه محمد علي النعيمي حصريه وجديده

بعيد وتُشعرهُ بوجودها.
يومها دخلت الغرفة ووجدت امها تضحك وقالت لها
يابنية.. لو تظلين تروحين وتجين هيچ، راح اطش حنطة على دربج حتى تسويها طحين من كثر طلعاتج وفوتاتج!
احمر وجه وضحى وأطرقت برأسها. جلست أمها إلى جانبها وقالت
عاجبچ نمر الأحمد؟
لم تجب، لكن ارتباكها كان جواباً كافياً. ابتسمت الأم وقالت
اسمعيني يوضحى.. كل رجل بالدنيا له مفتاح. أكو رجل إذا شاف المرا تدور حواليه يركض وراها، بس هذا ماينفرح بيه عبنو راح يركض ورا غيرها، وتگضي عمرها مثل الواگف بالمطر والرعد مالي السما ومايعرف بيا ساعة تجيه صاجعة صاعقة تذبحو! وأكو رجل إذا شافها هيچ، ترخص بعينو.. ونمر من النوع الثاني.
صمتت وضحى وقالت بخجل بعد لحظة تردد
يمة، اشلون المرا تكدر تحسس الرجل الي تحبو بحبها له بلا ما تگول؟ يعني ماترخص نفسها بس تخليه يشوفها ويحس بيها؟
اجابت امها قائلة
شوفي يبنتي، نمر الأحمد رجل عاجل وفاهم وراعي ديوان أبوه وضيوفو.. هذا يحب المرا الشاطرة الثگيلة الي تحچي مع الرجل چنو مثلها، يعني لا اتكشكش منو وتسوي نفسها مستحية اكثر من الازم چنها تريد تحسس الرجال انها انثى، ولا تزت نفسها عليه فرد مرة. وخلي ابالچ نگطة ابد لاتنسيها ترى الرجل يسمع كلماتچ الي تكوليها بگلبچ.. كلشي تكوليه بينچ وبين نفسچ يبين عليچ؛ على وجهچ، على عيونچ، على اديچ. نظفي كلماتچ لنفسچ راح يحس بيج نمر الاحمد أنچ نظيفة، ويجي يخطبچ ويدفع مهرچ وهو الممنون! تدرين يبنتي اشگد الزلم غشم؟ الزلم مقتنعين انهم هما الي يخطبون المرا، والصحيح المرا الذكية هي الي تخطب الرجل لما تسوي للرجل الشي الي يخليه يفكر بيها أم لبيتو وعيالو، مو كل تفكيرها بسالفة وحدة تخليه يشوفها وحدة رخيصة ويكدر يلعب عليها. المرا يبنتي بالصحيح هي اساس هالدنيا، والرجال بالصحيح لعب بيد النسوان المضبوطة.. النسوان الي تبني الرجال مثلما هي تريد.
رجعت وضحى من ذكرياتها وقد استقر في ذهنها ان تحل هذه المعضلة عن طريق النساء. قررت ان تذهب لزينة وتحدثها امرأة لأمراة بعد ان تاخذ منها عهد ان لايعرف السيد نمر بهذه الزيارة، وهي قد احسنت لزينة فيما مضى وتعرف قيمتها وقدرها عند زينة.
في اليوم الثاني، خرجت وذهبت الى زينة. حين دخلت وضحى بيت زيد، رأت نفلة في فناء البيت تكنس.. لم تسلم عليها بل ولم تنظر لها حين استقبلتها نفلة مرحبة، وانما سالتها بخشونة
وين أمچ؟
صمتت نفلة واشارت بالمكنسة التي بيدها لدام العيال دون كلام.
دخلت وضحى وقالت لزينة
گوچ يزينة، اشلونچ؟
كانت زينة تغطي العجين فنهضت واستقبلت وضحى وقبلتها وجلستا. حين دخلت نفلة، دارت ام عبدالله وجهها لزينة وقالت
اريدچ بجوز كلام وحدنا.
اشارت زينة لأبنتها بمعنى اخرجي وتوجست شړا من وضحى، والتفتت الى وضحى وسألتها بقولها
خير يأم عبدالله؟
قالت أم عبدالله باسلوب لين
يزينة، من يوم ماټ ابوچ وانتي ابيتي.. وصحيح جيتينا وانتي صبية بس اني عاملتچ چنچ بنتي، وماذاك الفرگ بيني وبينچ؛ آني اكبر منچ بعشر سنين، وما أتذكر اني عزيت عليچ شي، صحيح لولا؟
ردت زينة بقولها
لا والله وحشا، ماشفت منچ غير الخير يبنت عمي.. عسى ماشر يا اختي؟ گولي والي تريديه يصير.
ردت ام عبدالله وقالت
گبل كلشي اريد منچ تحلفين يمين ان الكلام يضل بينا ومايصل احد ابد.
قالت زينة بصدق
براس زيد والواليد فلا يطلع الكلام، بس احچي والله ضل بالي!
قالت أم عبدالله
يزينة، عبدالله مايريد نفلة وابوه خطب نفلة بلا مايگلو.. وجيت حتى بلكي تقنعين نفلة هي الي ترفض الزواج. وسيد نمر تعرفيه، ملا مايگبل زواج الجبر! يخيتي الولد مايريد البنت، والله مو للسبب الي تعرفيه.. نفلة تعجب الملوك، بس... ترى عبدالله صار عمرو واحد وثلاثين سنة وماگبل ايتجوز، وكلما اگلو على بنت مايگبل! يخيتي اخاڤ الولد بيه شي ويستحي يسولف.. فلا تورطين بنتچ، أخاف حچي الناس عن ابني صحيح.
نظرت زينة اليها وفهمت ان وضحى رافضة لهذا الزواج، وفهمت ايضا ان البنت اذا دخلت في بيت واهل البيت لايريدونها ستعيش تعيسة. لكنها ايضا لم تجد اي طريقة كي تخرج نفلة من ڤضيحة ابن عمها، لهذا هادنت وضحى وقالت لها
ابشري يبنت عمي، ومايصير خاطرچ الا طيب.. واني راح أگول هذا الحجي لنفلة وبلچي هي الي ترفض منها ومن ذاتها.
ونهضت وضحى وهي تقول
عفية ام نفلة، هذا ظني بيچ.. ومثلما وصيتچ لاتجيبين طاري اني كلتلچ شي.
وخرجت.
وقفت زينة في باب غرفة العيال وقد وضعت يدها على ملبن الباب وهي تراقب وضحى تغادر البيت وتقول لنفسها ياوضحى خل يتزوج عبدالله نفلة حت لو شهر بس يثبت برائتها لناس ونطلعها من حلوك العالم وخل يطلگها! والله مابعد استجري انزل للمي من ورا عيون الناس الي يحجون شي ويقصدون شي ثاني.
حينها خرجت نفلة من المطبخ وجائت تسال امها عن سبب زيارة وضحى. قالت أمها وهي تبتسم
عمتج تگول عبدالله فرحان ومكيف!
ابتسمت نفلة للحظة، ثم ماټت ابتسامتها على شفتيها وقالت
والله يمة شكل عمتي وضحى وهي فايتة مايگول هالحچي.. حت ماسلمت عليا! بالله عليچ عليش جت؟
ولم تتركها نفلة حتى قالت لها
بصراحة ام الولد تخاف لايكون ابنها مو رجل.. وانتي تعرفين هاي السالفة، ترى كل اهل الجرية يگولون عبدالله لا عشگ ولا تجوز وهسع عمرو عبر الثلاثين، فتگول اخاڤ نشيل خطية البنية.
ابتسمت نفلة وقالت
سبحان الله! اني وعبدالله عدنا مشكلة وحدة؛ هو متهوم برجولتو واني متهومة بشرفي.. بس اني اگبل بيه يمة، واشلون ماچان اني راضية.
وضعت امها يدها على قلبها وصمتت، وهي تدعو الله ان يأتي لأبنتها بالخير.
في نفس الليلة، جاء السيد نمر ليعرف رد نفلة، وابلغه زيد ان نفلة موافقة. فخرج يمشي سريعا كي يبشر اهله، ويجمع الجاهة في اليوم الثاني لخطبة نفلة وعقد قرانها ويحددون موعد الزفاف.
يتبع............
1 إضاءة حول الإيمان بالقدر
الحقيقة ان الايمان بالقدر خيره وشره جاء في اخر اركان الايمان لسبب عظيم؛ حين قرات علم التقديم والتاخير في الفقه عرفت أن هذا الركن الأخير هو الذي يُمْتَحن فيه المؤمن بما سبق من الأركان، لانه على تماس مباشر مع انفعلات النفس وتقبل العقل للغيبيات.
فلو كان الانسان قد آمن بالاركان السابقة لهذا الركن عن اعتقاد راسخ، لايمكن ابدا انه سينهار في ساعة المصېبة.. تلك الساعة التي يصبح ايمان المؤمن على المحك الحقيقي بين التصديق المطلق بالغيبيات والنفاق. فألإيمان بالقدر خيره وشره يقضي على الخرافة والوهم والحقد ويرفع المؤمن الى مصاف الأنبياء، وهو اصعب اركان الأيمان.
ملاحظةالتدقيق النحوي والترقيم لجمناي
اي اخطاء ماليا ذنب بيها
3073 كلمة
الفصل السابع
قدر أم تدبير ظالم؟
في تلك الليلة
حضر جميع رجال قرية الحويدة والقرية المجاورة
أم الگرون
ابناء عم عبدالله واقارب نمر الاحمد
وذهبوا لخطبة نفلة رغم اعتراض الكثير منهم
بل كلهم 
ولكل واحد منهم سبب
بعضهم معترضين بسبب سمعة البنت الملوثة
والبعض الآخر يرى أن السيد نمر خطب فتاة لا اصل لها 
بل غريبة حتى عن الديرة
واخرون يلومون السيد نمر لانه لم يخطب منهم
فهم ابناء عم وهم احق بعبدالله من واحدة لايعرفون اصلها وفصلها
لكنهم جميعا ذهبوا مع السيد نمر
للخطبة وابتلعوا ارائهم بصمت مع جرعة من النفاق
الأجتماعي.
تمت الخطبة بسلاسة لحكمة السيد نمر وطيبة زيد
فقد اهداها