ازمة_ثقة الجزء_التاسع_عشر والعشرون بقلم_مريم_اليوسف

ازمة_ثقة
الجزء_التاسع_عشر والعشرون 
بقلم_مريم_اليوسف
ميسون لك انا ماقلتلك
عزة شوبدك تقوليلي
ميسون اتصل فيكي وانا رديت .. هاد الحكي اول ما طردك .. وقلتلو انا بدا ترجع لجوزا لاتحاول معا
عزة اممم .. بكل الاحوال انا مابدي اياه وماعم فكر فيه حاليا ماعم فكر غير بفهد
ميسون صحي شو المستجدات
عزة رح يحكو مع محامي مشان نكتب عقد مشان محدا يخلف بحكيو
ميسون حلو هالحكي
عزة بتنهيدة خفيفة ايه .. شوبدنا احلا من هيك ... المهم اعملك فنجان قهوة لحتى تخلصي من الطاقة السلبية نهائيا
ميسون ياريت
عزة لك تكرمييي
بالمشفى
مؤيد مبين عليه متوتر وعم يضل شارد
دخلت الممرضة لعندو بروفسور .. المرضى خلصو .. ودكتور الجراحة بعتلك خبر انو عملية الطفل مهند رح تم ع الساعة ٤
مؤيد الدكتورة ميسون اجت
الممرضة لا دكتور هية مابتجي الا ع ٢
مؤيد خبرو اهل الطفل بموعد العملية وخبروهن بشكل سري لانو يمكن الطفل مابيعرف انو بدو يعمل عملية
الممرضة بروفسور بدك تحضر العملية انت
مؤيد لا مافي داعي لوجودي هي مهمة الدكتور الجراح والدكتورة ميسون هية يلي تحضرا
الممرضة طيب بدك شي غيرو هلأ دكتور .. عفوا بروفسور
مؤيد اي لاتنسي تخبرو الدكتورة ميسون بموعد العملية
الممرضة بأمرك .. بالاذن
دخلو حكم وبيان مطعم فخم
حكم شو رأيك بهديك الطاولة
بيان حلوة
قربو منها .. حكم سحب الكرسي لبيان لحتى تقعد قعدت وهو قعد قبالا
بالطاولة يلي ورا حكم بتصير .. جالس عليها سعد وسامر ... سامر ضهرو لضهر حكم وسعد وبيان متواجهين بس لسه ما شافو بعض ..
سعد عم يقلب بالمينو
سامر شو صار معك صرلك ساعة عم تقلب بالمينو اخترلنا شي نتزهرمو خلصنا
سعد ماحلك ترتقي بألفاظك
سامر ليش بقا .. انت بأمر الله موديرن ولازم تكون ع الاتيكيت انا شو طبو ياربو
سعد سكوت .. سكوت دخيلك .. خلص نقيت .. رح ناكل جوردون بلو
سامر ياعفو الله .. شو هاد جردون .. بدك تطعمينا جرادين .. هي اخرتنا
سعد لك خررااس الله يسود وجهك .. اسمو جووردون بلوو... مو جردون لك جردون يعضك
سامر طيب من شو مكون هاد الجردون يلي بدك تطعمينا اياه
سعد هلأ بتعرف .. بس سكوت ڤضحتنا
سامر انت من وين بتعرف هالمكان
سعد حكي بعدم انتباه انا وبيان كنا نجي عليه وسكت
وسامر حاول يتدارك الامر وقال يلا طلبنا
سعد خلينا نروح .. اصلا انا كنت نسيان انو كنت اجي عليه مع بيان .. جبتك لانو اكلو طيب
سامر لك ټضرب بيان وسيرة بيان ... مانا رايحين طلبلنا خلينا ناكل
سعد شو كنا بدن نطلب
سامر جرادين مقلية
سعد ضړب على جبينو وقال جرودون بلوووو
سامر اي هاد هو بس دخيلك لاتعصب
عطاولة بيان
حكم شو تطلبي
بيان عأساس نشرب شي
حكم وبناكل شوفيها
سحبت المينو وفتحتو
حكم رن تلفونو شافو ووقف وقال رح رد وراجعلك شوفي شوبدك تطعمينا
هزت براسا مع ابتسامة مجاملة مشي حكم وسعد شاف بيان لانو حكم كان حاجز بيناتن .. اڼصدم وقت شافا بس ماحرك ساكن بس ثبت نظرو عليها بهدوء .. هية كانت عم تقلب بالمينو بزهق.. سكرتو ورفعت راسا لتجي عينا بعين سعد .. طبعا تفاجئت بس كمان ماحركت ساكن .. اكتفو انو يتطلعو على بعض بنظرات مليئة بالشرار .. نظرات سعد كانت نظرات زليلة او ندم ونظرات بيان كانت حقد وعتب
اجا حكم اي شو طلبتي
بيان حملت جزدانا وقالت خلينا نغير المحل
حكم ليش شوفي
بيان ولا شي خلينا نروح واتطلعت على سعد
حكم لاحظ انها عم تتطلع على حدا برم وشاف سعد عيونو عليهن
حكم مين هاد .. عم يداقك شي
بيان لا بس خلينا نمشي
حكم حط ايدو ع ايدا وقال مانا ماشين وهلأ بدك تقوليلي مين هاد
بيان مابعرفو
حكم ما عأساس اصدقاء
رجعت الجزدان وثبتت قعدتا
حكم مين هاد. رجعت اتطلعت عليه
بس هو زح نظرو عنها وصار يحكي سامر
حكم بيان احكيلي مين هاد
بيان طلبنا شي نشربو مابدي اكل
حكم تكرمي
حكتلو كلشي وشو عمل بلال وشو صار بالمشفى
حكم ماعلق نهائيا على القصة لما انتهت قال نروح
بيان ياريت
دفع الحساب وبيان وقفت لتمشي حكم حط ايدو بأيدا ومشو ورمقو لسعد نظرة نصر وشماتة ..مماأدى لأنزعاج سعد مع تغير ملامحو وشد على السکين والشوكة يلي كان ماسكن
سامر شبك سعد
سعد ولا شي خلص اكل لنقوم
سامر الټفت ناح الباب فكر انو سعد شايف حدا .. بس مالقى حدا لانو بيان وحكم كانو طالعين
بالمشفى
دخلت ميسون لعند مهند وكلن مجتمعين
ميسون كيفو مهند البطل
مهند الحمد لله
ميسون حبيبي انت پتخاف من الابرة
سكت
ميسون والو ما انت شب پتخاف من ابرة
مهند لا مابخاف
ميسون لكن هلأ بدك تروح معي نسحبلك شوية ډم
مهند بس انا عطشان وبدي اشرب .. وماعم يخلوني اشرب
ميسون ليش هيك ماعم تخلوه يشرب
مهند سامعين الدكتورة قالت انو معلش اشرب
ميسون بس بعد الابرة ههه
مهند حاضر
مسك بأيد ميسون وطلعو والكل طلعو وراهن .. وسلوى ضمت بلال وصارت تبكي
دخلو ع غرفة العمليات
مهند هي غرفة عمليات
ميسون اي
مهند شفت متلا بمسلسل .. بس ليش جايبيني لهون
ميسونهون مكان معقم مشان الابرة .. وكمان الاوكسجين ناقص بجسمك بدنا نحطلك اوكسجين .. يلا قعود ع الكرسي هون .. كانت غرفة العمليات فاضية بس فيها دكتورة التخدير
الدكتور عطاها ماسك الاوكسجين لميسون
مهند والابرة
ميسون بعد الاوكسجين بتكون جهزتا
مسك المساك وحطو ع وجهو مافي ثواني وكان نايم وقبل مايميل سندوه ونيموه عتخت متحرك
طلع دكتور التخدير ونده للممرضات دخلو مجموعة
ميسون غيرولو تيابو وخدوه ع غرفة العمليات التانية وانا رح البس واجي
ممرضة ليش مو بهي العملية بدا تصير
ميسون لا وكمان هديك معقمة وجاهزة للعملية اما هي فتنا بتيابنا فيها وكمان مانها جاهزة منيح
ممرضة اوكي دكتورة
......................
برا غرفة العمليات واقف بلال وسلوى وبيان وحيدر وحكم وكم شخص من الاقرباء
التوتر واضح على وجوهن ورايحين جايين
بعد مرور ساااعات
انفتح باب العملية وطلعت ممرضة
قربو منها بلهفة طمنينا شو صار 
الممرضة مابعرف اسفة
تركتن ومشت
حكم شو عملية هالزايدة صرلن اكتر من ٣ ساعات جوا .. والله طولو
حيدر حكي حكم مظبوط
سلوى واقفة ع زاوية الباب وعم تبكي بصمت وبلال نفس حالتها بس بدون بكي
بيان عم تروح وتجي وتنفخ .. وسلمى رجعت قعدت على المقعد
انفتح الباب مرة تانية قربو كلن وكانت ميسون
سلوى ميسون مشاان الله ابني
ميسون نزلت الكمامة عن وجها والتعب واضح ع وجها وقالت الحمد لله عسلامتو لاتخافو العملية نجحت .. هلأ دكتور الجراحة بيطلع وبخبركن بالتفاصيل .. الحمد لله عسلامتو مرة تانية
تبدلت ملامحن لملامح فرح وردو عليها الله يسلمك
دخلت ع غرفة التبديل بدلت مريولا وغسلت منيح وطلعت وراحت ع غرفتا سكرت الباب وتمددت على التخت الموجود بمكتبا .. وصارت تلمس ع رجليها
ميسون ااااخ .. حاسستن تكسرو
اندق الباب
ميسون ميين هلأ اووف ... تفضل
انفتح الباب وكان مؤيد
تجلست ونزلت رجليها ع الارض
مؤيد كيف العملية
ميسون منيحة
مؤيد نسبة نجاحا
ميسون ١٠٠
مؤيد والورم
ميسون راح ع المخبر
مؤيد شو شكلو
ميسون مبين ورم طفيلي ومانو عادي
مؤيد يعني بتشكي انو سړطان
ميسون ٩٠
مؤيد يعطكي العافية
ميسون شكرا
تركها وطلع
ميسون شبو هاد وليش هيك عم يحكي بنشافة .. اي يحمد ربو انو رديت عليه .. قتلني وبكا سبقني واشتكى هه
رجعت مدت رجليها وتسطحت
__________________
طلع الدكتور الجراح من العمليات
الدكتور بهنأكن العملية نجحت ١٠٠ والحمد لله انو استأصلنا الورم تقريبا ببدايتو ولاتخافو نسبة الشفاء كتير كبيرة والفضل بعود للدكتورة ميسون
حيدر لحظة .. لحظة ورم شو
بيان ورم شوو دكتور
بلال كتف اديه وبرم ضهرو ومشي خطوتين
الدكتور صار يتطلع على بلال والاهل بأستفسار وحس كأنو حكي شي مالازم ينحكى
سلوى يعني ابني بخير هلأ 
الدكتور ااه .. اي .. اي بخير رح يضل ٢٤ ساعة تحت المراقبة
سلمى دكتور ورم شووو
بلال رجع الټفت عليهن وقال احكي دكتور
الدكتور مهند كان معو ورم بمعدتو
بيان بعيون باكية والله قلبي حسني .. شو هالزايدة يلي بدا اربع ساعات
سلمى دخليك يا ربي .. شو هالخبر
الدكتور ياجماعة لاتتوترو .. نسبة النجاح كبيرة بترجاكن لاتنفعلو وخلي ايمانك با الله كبيرة
سلمى لاحول ولا قوة الا بلله .. لاحول ولا قوة الل بلله .. دخيلك يا رب
حيدر حسبنا الله ونعم الوكيل
قرب من امو وسندا وقربا من الكرسي لحتى تقعد
حيدر ماما ارتاحي هون
الدكتور اسف فكرت بتعرفو ..
سلوى بحزن ولايهمك دكتور
الدكتور بالاذن
بيان اختارت زاوية وصارت تبكي
حيدر ليش ماخبرتونا
بلال ماكنت بدي انزع فرحت بيان .. مبارح لسه خطبت
ماحكت بيان واكتفت بالبكي
حكم يا جماعة اذا بدكن تبكو ابكو لتشبعو بس قدام الطفل لازم تكونو اقوياء .. وكمان كل هاد البكي مالو داعي لانو الدكتور عم يقول نسبة النجاح كتير كبيرة .. يعني لازم تتفائلو
حيدر حكي حكم مظبوط .. هاد البكي والنواح كلو مالو داعي .. ولازم نكون قدام مهند قوايا ومانضعف لانو اذا ضعفنا هو رح يضعف وتدهور حالتو النفسية .. وهاد المړض اكتر شي بأثر عليه هو الحالة النفسية
حكم قرب من بيان وعطاها كلينكس
بيان عم تتنشوء شكرا
حكم بصوت واطي بيان لاتبكي لازم انتي تقويهن
بيان ماعم اقدر .. هاد مهند الغالي يا حكم .. انا بدو مين يقويني
حكم وانا جنبك ومارح اتركك .. وانا يلي رح قويكي
رفعت نظرا عليه وصفنت فيه بعيون ملقلقة بالدموع .. وهو عم يبادلا بأ بتسامة دفئ وطمأنينة
حكم يلا مسحي دموعك
مسحت دموعا بصمت
حكم لازم نواسيهن ونوقف جنبن .. يلا تعالي
هزت براسا وقالت انا رح احكي مع سلوى
حكم وانا رح حكي مرت عمي
بيان سلوى مهند رح يشفى بأذن الله
سلوى ما تمالكت اعصابا وفرطت بكي
بيان ضمتا لحتى تهديها
حكم مرت عمو بترجاكي لازم تكوني قوية .. انتي الكبيرة انتي يلي لازم تقوليلن لايبكو .. وكمان مشان صحتك ..
سلمى اااخ يا حكم شو صار فينا .. اااخ يا ابني هالمرض ما احقرو ..
حكم حقېر والله يشفي كل المرضى منو
سلمى امين
حكم بس هلأ اذا بكيتو شو رح تستفادو .. لازم نصليلو وندعيلو ونذكيلو ..
سلمى معك حق
حكم وبعدين انتو عم تبكو هلأ يعني عم تفاولو عليه
سلمى بعيد الشړ عن قلبو ..
حكم امين .. ليكي مرت عمو انتي الكبيرة والكل بيسمعلك كلمة قومي حكيهن خليهن يوقفو بكي .. ليكي كل يلي بالمشفى عم يروحو ويجو ومفكرين عنا شي مېت لاسمح الله .. قومي صړخي فيهن وقوليلن البكي ممنوع
سلمى معك حق يا ابني .. كلامك جواهر
مسحت دموها واخدت نفس عميق ووقفت سمعوني كلكن بكي ممنوع .. ويلي بدو يبكي ع مهند يعني عم يفاول عليه وبردلو المۏت وانا رح قلعو من هالعيلة وامنعو يشوف مهند .. عم تسمعوني .. الولد بخير والحمد لله .. عم تسمعي ياسلوى
سلوى حاضرت مرت عمو
بلال ... حيدر ... بيان
الكل حاضر ماما
حيدر هاي هية ام بلال يلي بعرفا ..
سلمى يلا تعالو ننزل نشرب شي نشف ريقنا .. الولد واطمنا عليه وشوفة مارح يخلونا نشوفو هلأ
___________________
ماشية عزة بالطريق وعم تتلفت يمين