ازمة_ثقة الجزء_التاسع_عشر والعشرون بقلم_مريم_اليوسف
المحتويات
من عندو وهية عم تحكي حالا .. فكرة حلوة ... بس هو ليش متقل حالو كتير .. وكمان عم يحكيني بنفسية .. معقول انقهر من هداك اليوم لانو هنتو بالحكي .. هه مع انو انا يلي لازم ازعل .. ع كل حال مابهمني رح مر شوف مهند ورح استمتع بعطتلي .. بس صحي بدي نفذ خطة بلال .. يلا بنضل ساعة مابتفرق
فتحت الجزدان وطلعت موبايلا وطلبت عزة
ميسون الو عزة .. حبيبي .. بدي عزبك نسيت مغلف ابيض بغرفتي بترجاكي جيبيلي اياه وتعالي .. انا بلش دوامي ومعد فيني اجي .. بليز .. يلا ناطرتك .. يسلمووو كتير
سكرت وراحت اتجاه غرفة مهند دقت الباب وفاتت
كان بس سلوى وبلال وبنتن وعد
ميسون مرحبا
الكل اهلين
ميسون انتي وعد ماهيك
وعد اي انا وعد
ميسون اخوكي صرع راسنا وهو يسأل عنك .. شو استاذ مهند شفت اختك
مهند اي شفتا ههه
ميسون اي كيفك استاذ مهند
منهد منيح .. الدكتور سمحلي اشرب مي وعصير بس
ميسون اي الحمد لله
سلوى ايمت رح يصير ياكل
ميسون رح ياكل بس عمهلو .. حكت بصوت واطي .. هي العملية صارت بالمعدة يعني لازم نصبر شوي .. وكمان مابعرف اذا خبركن الدكتور بس انشال جزء من المعدة
بلال كيف يعني
ميسون خلينا نحكي برا
بلال تفضلو
طلعو لبرا وسكرو الباب
ميسون الدكتور ماخبركن
بلال لأ
ميسون اجباري بدنا نشيل جزء من المعدة
سلوى وكيف رح ياكل ويشرب
ميسون لاتخافي .. بتسمعي بعمليات قص المعدة ... بيعملوها مشان التنحيف
سلوى اي
ميسون نفسا يعني مارح يأثر عليه بس انو اكلو رح يكون محدود
بلال مافي خطۏرة لقدام
ميسون بصراحة هية عملية قص المعدة في عالم بصير عليهن مضاعفات مع الايام .. بس ان شاء الله مهند مايكون منن ..بس انتو لاتشغلو بالكن وتفكرو بشغلات ممكن ماتصير .. خلص خليكن ريلاكس .. اي سلوى كيف معنوياتك
سلوى الحمد لله
ميسون اي الحمد لله ... ااه صحي وين حيدر
بلال بالشغل
ميسون ومشان .. الل...
بلال جاي
ميسون ع الطريق
بلال ولايهمك انا بتصرف
ميسون لكن انا بمكتبي
بلال اي
ميسون بالاذن
سلوى عن شو عم تحكي
بلال تعالي.. هلأ بحكيلك
________________
بالشركة
حيدر قاعد ورا مكتبو قدامو معاملات عم يشتغل فيها
رن موبايلو
حيدر اهلين اخي .. في شي ... مهند بدو يشوفني .. طيب لخلص الشغل .. هلأ طيب بتأمر انت ومهند يلا مشوار الطريق .. تكرم عيونك وعيون مهند .. جبلكن شي معي .. طيب ماشي
سكر الملف يلي قدامو وقام طلع وحكا السكرتيرة الملفات يلي ع الطاولة ماخصلو خطيلي اياهن عجنب
امرك حيدر بيك
___________________
ببيت اهل حيدر
سلمى للخادمة بيان طلعت شي
الخادمة لا مدام بيان نايمة بغرفتا
سلمى نايمة اووف منك يا بيان رح تصير العصر .. طالعة فيقا
اندق الباب
سلمى تعي انا بفتح وانتي طلعي فيقيها
حاضر
راحت سلمى فتحت الباب وكان حكم
حكم مرحبا طنط
سلمى اهلين حبيبي .. فوت فوت
حكم بدي اسألك بنتك وينا
سلمى اااخ من بنتي تعال تفضل
حكم يعني هون
سلمى اي هون .. نايمة
حكم لهلأ نايمة الساعة ٣
سلمى اااخ منها
دخلو ع الصالون
نزلت الخادمة مدام.. بيان مابدا تفيق
سلمى طالعتلا
حكم طنط خلي عنك ممكن انا فيقا
سلمى اي طلاع نزلا وتعالو رح نعمل قهوة
حكم ماشي
طلع حكم لعندا فتح الباب وفات كانت نايمة وحاضنة مخدة
ابتسم ونزل ع ركبو وصار يفيقا
حكم بيان .. يا بيان ..
فتحت عيونا ولما شافتو قدام فزت بسرعة
بيان شوو عم تعمل هوون
حكم جاي فيقك
بيان مين طلب منك .. طللااع لبرا
حكم شبك ليش هيك خفتي
بيان عم قلك قوم طلاااع لبرا
حكم طالع بس تعالي الحقيني نشرب قهوة
بيان ماشي هلأ بلحقك .. وبعدين بأي حق بتفوت عغرفتي اساسا مين سمحلك
حكم فتت بحقي رفيقك .. ومين سمحلي امك
بيان طيب طلاااع
طلع وهو شايفا كيف متوترا وكيف انفعلت لوجودن بغرفة وحدة .. دخل الحزن لقلبلو وقال اكيد مارح يصير يلي ببالي
نزل ع الصالون كانت سلمى طالعة بالقهوة
سلمى شو فاقت
حكم اي
سلمى لكن تعال نشرب قهوة نحنا قبل ماتبرد
حكم صحة وهنا
سلمى شو هي صحة وهنا
حكم بدي روح .. اتصلو فيني من الشركة
سلمى اشرب فنجان القهوة ع القليلة
حكم والله مستعجل
سلمى اذا صرلك رجاع
حكم ان شاء الله
طلع ونزلت بيان
بيان وين حكم
سلمى راح
بيان ع وين
سلمى راح قال عندو شغل ضروري
بيان اي الله معو .. وانتي كيف بتسمحيلو يدخل لعندي ع الغرفة
سلمى شوفيها .. دخل يصحيكي وكمان انا هون مارح ياكلك
بيان حتى والو مابصير يفوت لعندي ع الغرفة وانا نايمة
سلمى خلص لاتنقي تعي اشربي قهوة ... وبعدين ليش لهلأ نايمة
بيان ما بتتذكري ايو ساعة نمنا مبارح .. وبيت اختك بلطو ومعد راحو
سلمى كانو جايين يطمنو على مهند وبعدين حضرتك شو زاعجك
بيان وينو مهند يلي جايين يطمنو عليه وكمان واحد جاي يتطمن عحدا مابفل للساعة ٢ بعد نص ليل
سلمى يافتاح ياعليم .. شو حابة تناقري انتي هلأ
بيان لا خلص خرسنا .. وينا وعد
سلمى اخدها حيدر ع المشفى لعند اهلا
بيان اي منيح .. تروحي ع المشفى
سلمى اي بعد ما تشربي قهوتك بنروح
بيان ماشي .. صحي ماما اهل سلوى ماشفتن بالمشفى .. ليش
سلمى مين قال هالحكي .. مبارح بعد مارحتي انتي هنن اجو ضلو حصة وبعدين راحو .. اصلا بليل مابخلو حدت ينام عند مهند غير امو ..
بيان بلال وين عم ينام
سلمى عم ينام ببيتو .. عجزت فيه يجي ينام هون مافعل
بيان يلا بيتنا وبيتو واحد
سلمى شربي قهوتك ع السريع وقومي نروح اليوم مارحنا
بيان ماشي
بالمشفى
دخل حيدر عغرفة مهند لقاه نايم
بلال هلأ نام
حيدر مامشكلة خليه مرتاح .. اي في شي جديد
بلال لأ
طلعو لبرا قعدو كلن
سلوى بلال في شغلة شاغلتلي بالي .. ماسمعت ميسون لما قالت انو قصولو جزء من المعدة .. انو مهند معقول بكرا مايسمن
بلال اي احسن .. مشان يصير جسمو سمبتيك هههه ومابيسمن وبصرلو كرش
سلوى خاېفة يصير نحيف كتير
بلال ليك يا رجل ع تفكير النسوان .. دغيري بيشطح خيالن وبفكرو لقدام ميتين سنة .. المهم يا حبيبتي يشفى ومابدنا شي
حيدر ههههه ..
بلال رن تلفونو شافو وكانت ميسون
بلال اتذكرت ميسون عأساس تكتب على دوا لمهند .. وراحت وما كتبت .. لقوم روح شوفا وذكرا
سلوى خليك انت تعبت اليوم انا بروح
حيدر انتي واياه خليكن انا بروح
بلال بتعرف غرفتا
حيدر ماعليك انا بتصرف .. بس شو قلا
بلال اسألا شو الدوا يلي كانت بدا توصفو لمهند مشان نجيبو
حيدر اوكي
__________________
بغرفة ميسون
ميسون عذبتك ماهيك
عزة لك ټضربي وين العڈاب .. بس هاد هو المغلف
ميسون اي هاد هو .. يسلمن .. وين فهد
عزة حطيتو عند جارتك .. هي يلي مقابيلك دغري .. مهضومة هالمخلوقة
ميسون والله تعرفتي ع الجيران كمان
عزة ههه شوبدي اعمل عم مل لحالي .. عم روح اسهر عندا وهية اوقات بتجي .. عندا ولاد من جيل فهد
ميسون حلو كتير
اندق الباب
ميسون ادخل
انفتح الباب وفات حيدر .. وهو وعزة اڼصدمو ببعض
ميسون اهلا حيدر في مشكلة مع مهند
حيدر وعيونو على عزة قال كيفك عزة
عزة الحمد لله
وقفت وقالت اذا بدك شي ابعتيلي
حيدر عزة لحظة
عزة نعم
حيدر بدي احكي معك
عزة عن شو
ميسون تفضل حيدر فوت .. وانتي عزة كمان فوتي
عزة مستعجلة انا فهد لحالو
ميسون عيب عليكي .. فوتي انقلعي
رجعت وهية معصبة
ميسون ارتاحو
قعدو وعزة برمت وجها ناح الباب وصارت تهز برجلا
حيدر عزة ليش هيك تعملي فيني
عزة عم اعمل فيك شو عم اعمل
حيدر خلص ماعم تعملي شي .. بدي اطلب منك طلب واحد مافي غيرو
عزة تفضل
حيدر تقبلي تتزوجيني
عزة شووو
ميسون ابتسمت
حيدر من زمان ناطر هيك فرصة .. واعترفلك بمشاعري واعرض عليكي الزواج
ميسون بتحبو اتركن لحالكن
حيدر لا مافي داعي .. ماعندي شي يتخبى
عزة لأ .. لأ مابقبل فيك
حيدر طيب فكري بالموضوع ع القليلة
عزة مابدي فكر .. جواب واضح وصريح لأ
ميسون عزة ...
عزة ميسون لا تتدخلي خليكي عجنب .. انا بالرجال معد اوثق حتى لو كان نازل من السما .. هلأ في عندي شي اهم وهو كمل تعليمي وحقق حلمي وسجل فهد بالمدرسة وربية ودير بالي عليه
حيدر بحققلك احلامك كلا
عزة ههه شو شاطرين توعدو وعود كاذبة
حيدر طيب جربيني
عزة هههه لانو انا بدي قضي حياتي وانا عم جرب .. لا دخليلك لابدي جرب ولا بدي اتجرب .. ويلي بجرب مجرب بكون عقلو مخرب .. مابدي ارجع للماضي بتتذكر شو عملت معك وانت شو عملت معي
حيدر حطي حالك محلي كنت تصرفتي نفس التصرف
عزة مابدي حط حالي مكان حدا .. خلص تروكني عيش بسلام ياعمي ..
حيدر لايمت بدك تضلي هيك سنة سنتين وبعدين .. ابنك بيكبر وبيتزوج وبعيش حياتو وانتي .. بدك تضلي وحيدة مابدك حدا يونسك وحدتك
عزة من هون لوقتا بيفرجا الله وكمان يمكن غير نظرتي بالرجال وحب شي واحد وكمل هالحياة معو .. بس انت لأ
حيدر عفكرة احسن مني مارح تلاقي
عزة هه واثق من حالك كتير
حيدر اكتر ما بتتصوري
عزة لأ في احسن منك وكتير
حيدر طبعا في احسن مني بس قصدي انو مارح يجيكي احسن مني
عزة هي ماشغلتك
حيدر عفكرة عرضي مارح كررو انا عملت يلي علي .. بس بدي قلك شغلة وهية رح ټندمي
عزة ان شاء الله عمري مابندم
حيدر وضميرك مارح يسامحك
عزة على شو
حيدر اولا لانك كسرتيلي قلبي .. وتانيا لانك بتحبيني وماعم تعترفي
عزة عم تحاول تبين انها هادية قدامو وقالت خلصت
حيدر اي
قامت وقالت بالاذن . وطلعت
حيدر ليش هي هيك عنيدة
ميسون ماقليل يلي عاشتو
بعد كم يوم
بالمشفى
الصبح دخلت ميسون على غرفتا شحلت جاكيتا ولبست المريول الابيض .. اندق الباب وفات الدكتور الجديد
صباح الخير دكتورة
ميسون صباح النور
تفضلي هي ملفات المرضى ..في مريض بالغرفة خميسن دخل بليل حالة اسعافية
ميسون شو مرضو
نوبة رمل
ميسون ماشي .. ومهند شو وضعو
تخرج
ميسون ايمت
هلأ .. بس لسه ماطلعو من المشفى
ميسون ماشي يعطيك العافية حكيم
شكرا
طلع الدكتور وطلعت وراه .. وشافت مؤيد بالكوريدور
مؤيد يلا تعي عندي ضغط بالعيادة
ميسون جاي بس بدي شوف مهند قبل مايطلع
مؤيد بدك تشوفي مهند ولا ابو مهند
اڼصدمت من جوابو بس ردت عليه لتقهرو وقالت التنين
تركتو ومشت
وهو عصب وكمل بطريقو
وصلت ع الغرفة
دقت الباب وفاتت كان موجود بلال وسلوى وبيان عم يضبو الغراض وسلوى كانت عم تلبس مهند
ميسون صباحو
صباح النور
ميسون الحمد لله عسلامتك مهند
مهند الله يسلمك
ميسون مبسوط لانك بدك تطلع من هون
مهند اي .. بس رح اشتقلك
ميسون وليي على قلبي .. رح تشتقلي خلص ياعمري انا براسي بجي بزورك
مهند اهلا وسهلا
سلوى شوصار مع التحليل ماطلع
ميسون اليوم شو
بيان الخميس
ميسون لازم اليوم يطلعو .. المهم اذا طلعو دغري بتصل فيكن وبخبركن
سلوى شكرا كتير
ميسون العفو حبيبتي
اندق الباب وفاتت ممرضة
الممرضة دكتورة تفضلي هدول
عطتا ظرف
ميسون اخدت الظرف وقرت عليه مهند اليوسفي
ميسون فتحتو وطلعت الورقة وصارت تقراها
ميسون شافن البروفسور
الممرضة اي .. وقلي
متابعة القراءة
