ازمة_ثقة الجزء_التاسع_عشر والعشرون بقلم_مريم_اليوسف

.. اااه قلي بعد شو
بلال قوليلي شو بدك انا مستعد دمر الدنيا كرمالك بس قوليلي شو اعملك
بيان معد ينفع شي .. خلص يلي راح راح كنت على امل يرجعلي .. بس هلأ راح وخلص الامل .. كنت ناطرتو والله كنت ناطرتو .. ليش راح وتركني .. مع انو والله قلتلو الحقيقة وماكذبت عليه ..
بلال الڼار عم ټحرقو من جوا لانو هو السبب يلي وصل اختو لهون ..
بيان انا بدي روح ع البيت .. بدي ابقا لحالي
بلال انا بوصلك
بيان لاتخاف علي
بلال بيان هلأ بروح بخربلك العرس ومابخليه يتزوج المهم انتي يا اختي
بيان لا اخي مابدي اعملو شي .. اصلا هو مابدو اياني .. هو يلي تركني ما انا .. مسحت دموعا وقالت يومين وبنسى بتمرق متل مامرق غيرها
طلعت من باب المطبخ وراحت
بلال ضل قاعد مكانو ومقهور كتير ومبين انو ندمان
رجعت بيان مدت راساوقالت انت مادخلك وكمان شكك طلع بمحلو واصلا هو مابيستاهلني لانو حقېر .. لاتزعل اخي انت بس دليتني وين مصلحتي .. بس انا قلبي شرشوح شو اعملو
بلال يعني مانك زعلاني مني
بيان ابدا .. وانك بعدتني عنو هو احسن خيار .. شكرا الك
رجعت راحت ركبت بالسيارة وربطت الحزام .. رن تلفونا بمسج فتحتو وكان مقطع فيديو من العرس .. كان سعد عم يرقص ومبين عليه فرحان وماسك ايدو بأيد عروستو .. وامو من هي الجهة .. وام نهلا من الجهة التانية
بيان معقول مبسوط لهل الدرجة .. معقول نسيتني .. نسيت بيان .. الله يسامحك .. عاقبتني بذنب مو ذنبي وحكمت علي انو انحرم منك طول عمري .. الله يسامحك يا بلال ..لو ماعملت معو هيك ... كان اليوم لازم يكون عرسي انا واياه
دورت السيارة ومشت
..........................
وصلت ع البيت ودخلت على غرفتا بدون ما تضوي الاضوية رمت حالا على التخت وضمت المخدة بقوة وصارت تبكي .. وتشد عليها اكتر وتبكي بصوت عالي اكتر
__________________
عباب شقة سعد واقف سعد ونهلا
فتحو الباب وفاتو ..
سعد بمجاملة نورتي بيتك
نهلا منور بوجودك
سعد فوتي بدلي تيابك بغرفة النوم .. انا شوي وبجي
نهلا ماشي
رفعت فستانا وفاتت وهو فتح براد وطلع منو قنينة مشروب فتحا وصار يشرب بدون كاس ..
سعد سعد اليوم انت عريس .. انسى الماضي كلو وبلش صفحة جديدة .. ولاتنسى انو نهلا كانت حبك القديم ..
رجعلا الغطا للقنينة ورجعا ع البراد وراح ع غرفة النوم دق الباب وفتح وفات
كانت نهلا قاعدة بفستانا الابيض على التخت
سعد ليش مابدلتي لهلأ
نهلا قبل مابدل في شي لازم تسمعو
سعد شو هو .. صار شي بالعرس وانا ما انتبهتلو
نهلا لأ في شي من زمان عم حاول خبرك اياه وانت ماعم تخليني احكي
سعد ياعمي مابدي اسمعك ... ماوقتو هالحكي بكرا بتحكيه هلأ نحنا عرسان
نهلا بس انا ماني عروس
سعد مافهمت شو يعني
نهلا يلي كان خاطبني ..
سعد ايي .. شبو
نهلا نحنا كنا كاتبين الكتاب .. يعني جوزي .. والله مابعرف كيف ضحك علي واخد يلي بدو اياه ..
سعد نعم .. نعم .. نعم
نهلا والله ماعملت شي بالحرام ويغضب الله .. هو كان جوزي .. وبعد ما اخد يلي بدو اياه فسخ الخطبة وتركني .. وانا كتمت هالسر بقلبي لجيت انت .. عرفت انك رجعت لانك بتحبني بس والله حاولت خبرك قبل العرس وانت ماتعطيني مجال احكي
سعد كاان لازم تخبريني حتى لو ماعم اسمعك .. كان فيكي تكتبلي رسالة ع الزفت الموبايل وتبعتيها .. كان لااازم تحكي ...ليش هيك عملتي فيني
نهلا والله
سعد هسسس .. مابدي اسمع صوتك .. انقبري غيري تيابك انا طالع
طلع وهو مقهور كتير وكلشي عم يصدفو عم يكسرو .. سعد ليش هيك عم تعملو فيني .. ليييش .. ليش هيك عملتي يا بيان .. ليش .. بسببك وبسبب خطيتك طلعت مرتي مانها بنت .. اكيد انا ظلمتك مشان هيك الله عم يعاقبني .. لانو ماصدقتك انو ڠصب عنك .. مزال التنين مانن بنات .. كنت اخدت بيان .. لا لا محدا مظلوم .. كلن كلبات ومابينوثق فيهن .. ومستحيل اوثق ببنت مرة تانية ..
رجع ودق الباب عليها بقوة وقال وليه حقېرة بتضلي مسكرة عحالك الباب لبكرا الصبح لانو اذا شفتك قدامي ممكن ابتلى فيكي عم تسمعي .. ومن هون لبكرا لكل حاډث حديث .. نفسك مابدي اسمعو .. قلتيلي جوزك يا بنت الكلب .. وبالحلال .. تفيييه عليكن قذرات كلبات
_______________
الصبح .. فاق سعد كان نايم ع الكنبة .. تجلس وحط اديه عراسو كان صايبو صداع .. تصفن شوي بالبيت وكيف مكركب ومكسر .. قام دق الباب على نهلا
سعد فايفة .. اكيد مانمتي .. تعي خلينا نحكي .. طلعي لاتخافي
انفتح الباب وهية لابسة بجامة ووجها كلو مسكرة سايحة
سعد غسلي وجهك وتعي
قعد بالصالون وهية غسلت وجها واجت وقفت جنبو ومنزلة راسا
سعد قعدي
قعدة پخوف وخجل
سعد كيف صار هيك
ماردت
سعد احكيي .. كيف صار هيك
نهلا والله ..والله هو
سعد بلا ماتحلفي هلأ واحكيلي
نهلا كانو اهلي مانن بالبيت وهو اجا .. وصار يقنعني انو مافيها شي وانا مرتو وانو مارح يأذيني .. مابعرف شو لعب بعقلي وانأ سلمتو حالي .. وصار يلي صار .. وتاني يوم عمل مشكلة واختلف هو واهلي شلح المحبس ورمالي اياه
سعد وليش ماخبرتي اهلك .. او المحكمة وقت الطلاق
نهلا مابعرف .. كنت خاېفة من الڤضيحة والله ابي بېقتلني
سعد عكل حال صار يلي صار .. واسمعي يابنت الحلال انتي مابتلزميني .. بس مارح ابعتك لعند بيت اهلك حاليا .. بنضل مع بعض كم شهر وبعدين بطلقك .. ورح نعيش بالبيت متل الاخوات ما اكتر
نهلا متل مابدك .. والله يستر عليك متل ماسترت علي ..
سعد قومي ضبي البيت .. وعمليلي فنجان قهوة بدي صحصح .
نهلا حاضر
اندق الباب وقام سعد يشوف مين .. اتطلع من العين وشاف عامل توصيل
فتح
مرحبا
سعد اهلين
الاستاذ سعد
سعد اي
تفضل هاد الظرف الك
اخدو وصار بتفحصو
لو سمحت وقعلي هون
وقع ودخل وفتح الظرف .. كان فيه مبلغ منيح من المصاري مرفقين بورقة مكتوب عليها مبروك
سعد مصاري .. مين بدو يكون باعتن .. مامعقول يكونو نقوط لانو كتار .. ياترى مين .. معقول بيان .. لا لا ليش لحتى تبعتلي مصاري .. ضربن ع كف ايدو وفات
فاقت بيان .. حركت راسا يمين وشمال .. وشبكت ايدها ببعض ورفعتن لفوق لتشد حالا .. سبحت موبايلا من جنب التخت فتحتو ماكان في اشعارات ابدا شافت الساعة .. كانت ٨ونص
فتحت ع اسم حكم بالواتس وشافت اخر ظهور من عشر دقايق
بيان هاد اكيد زعلان
رفعت الغطا عنها وقامت ووقفت ع المراي كانو عيونا منفخين
صارت تلمس على جفونا وتقول سامحوني ياعيوني الحلوين بكيتكن .. وعد معد خليكن تزعل وتزرفو دموع .. انا دموعي غالين .. باست حالا من قبل المراي وفاتت ع الحمام
________________
بالمشفى
ميسون بغرفتا .. فاتحة جزدانا وعم تحط فيه شاحن الموبايل والسماعات موبايلا .. وشوي اكلات طيبة كانو بالدرج .. اندق الباب وفات الدكتور يلي بدو يستلم مكانها
الدكتور صباحو
ميسون اهلا صباحو
حطت جزدان ع جنب واخدت ملف عن الطاولة وعطتو اياه وقالت تفضل دكتور الملفات
الدكتور فتحن .. تفحصن ورجع سكرن وقال شكرا
ميسون العفو
طلع وهية لبست جاكيتا وشعرا اجا تحت الجاكيت .. رفعت اديها وسحبت ونثرتن على ضهرا .. اخدت الجزدان وطلعت
اجت ممرضة لعندا منيح لحقتك قبل ماتروحي
ميسون شوفي
الممرضة المدير الدكتور عصام بدو اياكي
ميسون ماعرفتي شو بدو
الممرضة لا
ميسون طيب كان معصب رايق شو وضعو
الممرضة عادي
ميسون الله يستر ههه
..................
دقت الباب
ادخل
فتحت الباب ودخلت
عصام اهلا دكتورة .. تفضلي يابنتي
ميسون بقلبا بنتي 
قعدت وقالت كيف حضرتك
عصام الحمد لله بخير .. انتي كيفك وكيف هالشغل معك
ميسون الحمد لله ..كلو تمام
عصام شو تشربي
ميسون مافي داعي.. انا كنت رايحة ع البيت
عصام مابتشربي شي معي
ميسون بتلبك طبعا .. الي الشرف
عصام رح اطلب تنين قهوة.. كيف بتشربيها
ميسون متل مابتشربها حضرتك
عصام لكن رح نشربا وسط .. خير الامور اوسطها ههه
اجت القهوة .. اخدو كل واحد فنجان
ميسون اخدت رشفة منو ورجعتو ع مكانو ..
ميسون دكتور ممكن اعرف شوفي بصراحة انا بلشت اتوتر
عصام هههههه .. لا لاتخافي .. الموضوع بصراحة .. بخص ابني مؤيد
ميسون البروفسور مؤيد 
عصام اي .. مؤيد
ميسون اي شوفي
عصام مؤيد مابعرف اذا بتعرفي كان متزوج ومطلق
ميسون سمعت هيك شي
عصام مابعرف شو سبب الطلاق .. المهم مؤيد لانو ربي برا .. عقلو شوي منحرف هههه .. سهر وطلعات وفوتات وبنات ومن هالقصص .. ماكان عم يفكر ابدا انو يرتبط مرة تانية بعد طلاقو
ميسون مابدي اقطع حديثك .. بس ممكن اعرف شو المشكلة وليش عم نحكي عن مؤيد وحياة مؤيد
عصام هههه ليش مستعجلة خليني كمل حديثي
ميسون سوورري .. بس انا هي الليلة كنت مناوبة ومانمت غير ساعة بدي روح نام نعسانة وتعبانة كتير ..
عصام طيب رح اختصر حديثي .. مؤيد كان يتصرف معك اوقات تصرفات مو طبيعية مو هيك
ميسون بصراحة اي .. اوقات بكون حباب .. اوقات بحسو قليل ادب معي .. واوقات لئيم وبارد
عصام الحقيقة هية مؤيد حبك من اول مرة فتي عليها على هالمشفى
ميسون شوو .. حبني الي
عصام اي حبك الك .. فيكي تقولي حب من اول نظرة ..
ميسون مين قلك انت
عصام هو طبعا
ميسون وهو طلب منك تقلي اليوم
عصام لأ طبعا .. بس حبيت ساعدو لوصلك مشاعرو .. ماعم يقدر يعترفلك
ميسون فرضا .. كيف بدك اياني ارتبط فيه وانت هلأ قلت انو بحب السهر والطلعات والفوتات والبنات
عصام لانك ماخليتني كمل الحديث واختصرتو
ميسون شو كنت بدك تقول
عصام مؤيد كان يحبن بس بعد ماحبك ترك كل هالقصص .. مؤيد بعمرو ماسهر معنا بالبيت .. صاير ماعم يطلع
ميسون قدامي اكتر من مرة يواعد الدكتورات والممرضات مشان يطلعو يسهرو
عصام صح .. هي ببداية شغلك .. بس بعدين شفتيه واعد حدا
ميسون قدامي لأ .. بس مابعرف اذا عم يواعدن بغيابي
عصام اذا بتحبي تتأكدي وتسألي مين مابدك
ميسون وبالنسبة لتصرفاتو معي ..
عصام هو بحب ويلي بحب بصير يتصرف پجنون .. اول شي حاول ياخدك تسهرو انتي رفضتي كبرتي بعينو وصار يعاملك منيح .. بعدين خبر انك كنتي تشتغلي رقاصة .. حطي حالك مكانو شو ممكن تعملي ..
ميسون مصډومة
عصام لاتنصدمي مؤيد بخبرني بكلشي .. حتى يوم يلي عطيتيني مصاري خبرني شو القصة .. رجع حاول يصلح الوضع .. ظهر بلال وزاد قهرو لما عرف انو كان زوجك .. يعني مؤيد كتير مخربط لا عم يقدر يكرهك ولا يتقرب منك ولا يبعد عنك .. يعني كلشي