ازمة_ثقة الجزء_التاسع_عشر والعشرون بقلم_مريم_اليوسف

وصلن لعندك وقلي انو انتي هون
ميسون ماقلك شي تاني
الممرضة لأ
ميسون طيب يعطيكي العافية
بلال هدول التحاليل
ميسون اي
بلال شوو
ميسون ظني بمحلو
بلال طيب شو هلأ
ميسون خلينا نحكي برا
بيان حبيبي مهند انا بلبسك
طلعت ميسون وبلال وسلوى
ميسون هلأ انا طلبت بالتحليل يفحصو الورم وشو جنسو
سلوى كيف يعني
ميسون هاد الورم كائن طفيلي وفي منو الذكور والاناث
بلال شو بتفرق
ميسون الاناث بتتكاثر .. بس الذكور لأ .. يعني اذا الورم كان انثى بصير العلاج اصعب
بلال الورم يلي عند مهند 
ميسون اطمنو طلع ذكر ..
سلوى طيب مهند لسه الو شي علاج
ميسون طبعا .. حاليا رح نعاجلو بالاشعة .. وانشاء الله مانحتاج كيماوي
سلوى ان شاء الله .. وايمت رح نبلش
ميسون انا بخبركن
بلال ماشي .. يعطيكي العافية
ميسون بستأذن
بلال لحظة ميسون
سلوى انا فايتة شوف مهند
ميسون شوفي
بلال البروفسور
ميسون شبو
بلال حكي معي وطلب يعرف انو شو كان بيني وبينك
ميسون اي...
بلال قلتلو .. انا ماكنت بدي احكيلو بس هو قلي انو بيعرف كل ماضيكي وبيعرف انو انتي رقاصة ..
ميسون حتى والو .. ماكان لازم تقلو
بلال كمان ماكنت بدي قلو .. بس قلي انو بدو يتقدملك وحابب يعرف كلشي عنك
ميسون هو قلك هيك 
بلال اي .. حكيتلو الحقيقة مشان مايفكرك انك مانك منيحة .. وانو يلي صار بينا بالحلال وانو انتي بعمرك ماغلطتي
ميسون يعني انا منيحة 
بلال مافهمت
ميسون انا هلأ بنظرك منيحة 
بلال اكيد
ميسون بس ماكانت هيك نظرتك فيني
بلال انا عطول كنت شوفك منيحة .. بس كنت كڈب احساسي وقول مافي رقاصة منيحة
ميسون اممم .. طيب لسه في شي
بلال زعلتي شي
ميسون لا اصلا ماحكيت شي بزعل .. بس انا بسأل اسئلة سخيفة
بلال زعلتي لانو حكيتلو
ميسون عادي يعرف .. بس هاد واحد كذاب كڈب عليك مشان تحكيلو
بلال شوبدو منك
ميسون ولاشي انت لاتفكر
ازمة_ثقة
الجزء_العشرون
بقلم_مريم_اليوسف
بلال شوبدو منك
ميسون ولاشي انت لاتفكر
بلال اذا عم يزعجك بس خبريني
ميسون ههه ماوصلت لهون .. عكل حال شكرا لانك خبرتني ..
بلال اي بدي اسألك شو صار مع عزة ما اقتنعت
ميسون ميبسة راسا وماعم تقبل حتى افتح الموضوع ..
بلال تسطفل بالنهاية هي حياتا .
ميسون معك حق
بلال ميسون اذا احتجتو اي شي انا جهاز
ميسون كفو .. تسلم
لفت ضهرا ومشت
وهو رجع كانو طالعين
بلال خالصين
سلوى اي
بيان كانت ساندة مهند وماشين
سلوى شو كنت بدك من ميسون
بلال عم حكيها بموضوع حيدر
سلوى امم .. بس هيك
بلال لتكوني عم تغاري
سلوى من حقي .. وكمان هي كانت بيوم من الايام مرتك
بلال بتصدقي انو عم شوفا متلا متل غيرا .. لك يامجنونة انتي ملكة قلبي
سلوى بس عم حسك عم تهتم فيها
بلال مو اهتمام .. بعد ماعرفت مين ميسون .. شفقت عليها .. لو بتتطلعي عليها مظبوط .. بتقطع القلب ...يعني لابتعرف اهلا ودرست وتعذبت وماكانت تلاقي وظيفة .. والميتم وولاد الميتم اعتبرتن مسؤوليتا .. واشتغلت رقاصة لحتى تصرف ع الميتم .. وكانت تستحمل كتير .. وبالاخير انا طلعتلا کرهتا حياتا لحتى قبلت فيني وبعد ما اخدتا ماخلصت مني .. تركت الرقص ويمكن حدا دبرلا الشغل هون .. وهلأ هاد البروفسور ماعم تخلص منو .. كتير عانت هالبنت وبعدا عم تعاني
سلوى زعلتني عليها عنجد .. ليك حبيبي اذا فيك تساعدا بشي ساعدها
بلال عرضت عليها .. بس لاتخافي عليها قوية وبتعرف تتصرف
بمكتب المحامي
قاعدين عزة واسامة واخوه سام
المحامي عطاها لعزة اخراج قيد لفهد تفضلي هاد اخراج قيد ولما يصير بعمر ١٥ بطالعيو هوية نظامية .. وكمان هي ورقة بحضانة دائمة .. وهدول مليونين متل طلبتي
عزة شكرا
المحامي لو سمحتي وقعي هون
عزة شو هاد
المحامي تنازل الاملاك
سحبت الورقة ومسكت القلم ووقعت
اخد الورقة ومرراها لاسامة
المحامي وقع هون .. تنازل الك
وقع .. اخدها المحامي وقع مكان الشاهد الاول ونده للعامل يلي عندو وخلاه يوقع مكان الشاهد التاني
المحامي باقي اجرائات بيسطة وكلشي بيرجع متل ماكان
وقفت عزة بغرور وقالت فرصة .. مانها سعيدة
وطلعت
___________________
دخلت ميسون ع عيادة مؤيد وتصرفت عادي .. اخدت كفوف طبيات لبستن وقعدت على الكرسي
مؤيد ودعتيه لحبيبك
ميسون اي ودعتو لحبيبي مهند ..
مؤيد فهمانة قصدي كتير منيح
ميسون انت شودخلك فيني .. اذا بحبو او لأ وحاج ع الطالعة والفايتة بدك تحاسب فيني .. انت شووالك عندي
مؤيد ولاشي ..
سكت شوي بعدين حكي في بينك وبينو شي
ميسون ما دخلك
مؤيد لأ دخلني .. وهلأ بدك تحكي
ميسون ببرود اعصاب مابدي
مؤيد لا تعصبيني .. احكي في شي بينك وبينو
ميسون لوين بدك توصل
مؤيد احكي بالاول
ميسون لأ .. ارتحت
مؤيد لا شو
ميسون مافي شيي ..
مؤيد منيح
ميسون شو هو يلي منيح .. وبعدين انت شوبدك لحتى عن تسألو وتكذب عليه انك بدك تتقدملي
مؤيد حكالك
ميسون اي حكالي
مؤيد قلتلو هيك لشوف ردة فعلو .. اذا رح ينقهر او ينبسط اذا بدي اتقدملك
ميسون وشو لقيت
مؤيد مدح منك
ميسون وليش لتكذب عليه هالكذبة يلي مالا طعمة
مؤيد هي مانها كڈبة
ميسون شوو .. لحظة .. لحظة .. ارجاع عيد شو قلت
مؤيد متل ماسمعتي
ميسون بدك تتقدملي عنجد 
مؤيد اي .. اذا اتقدمتلك بتوافقي
حست حالا فرحت من جواها
ميسون طبعا
ابتسم
ميسون لأ
مؤيد ليش 
ميسون عم تحكي جد
مؤيد اي شوفيها
ميسون حاسة في شي مو ظابط
مؤيد متل شو
ميسون انو انت تتزوج وتاني شغلة تتزوجني انا .. غريبة موهيك .. عنجد هي مزحة ماهيك
مؤيد ههه طبعا مزحة .. من كل عقلك صدقتي
ميسون لا ماصدقت
مؤيد هو لانو الوضع متوتر بيناتنا قلت بلطف جو
ميسون بس هي شغلة مابينمزح فيها يا بروفسور .. كان ممكن تلاقي شغلة تاني تمزح فيها
مؤيد معك حق .. بعتذر
ميسون ما مشكلة
مؤيد وكمان بدي اعتذر عن هداك اليوم .. عنجد مابعرف كيف عملت هيك
ميسون كمان .. مامشكلة .. بس ممكن افهم ليش كنت عم تعاملين بتجاهل وكأنو محملني الذنب الي .. مع انو انت يلي غلاطان بحقي
مؤيد لانو الحق عليكي
ميسون الحق علي انا  من حكي معك
مؤيد لانك حلوة كتير .. ولما كنت قريب منك ماتحكمت بحالي .. يعني انتي السبب
ميسون شو هاد هلأ 
مؤيد انا بحب كون صريح .. وكمان انقهرت شوي من حكيك وشتمك الي
ميسون والله ماعم افهم عليك .. هلأ كمان بتطلع عم تمزح
مؤيد ههههه .. خلص انسي كلشي .. مد ايدو وقال انا اسف ع كلشي ..
ميسون ولايهمك وكمان انا قلبي طيب ودغري بنسى ومابحمل بقلبي
مؤيد وهلأ ممكن تخبري الممرضة تدخل اول طفل
ميسون يلا
وقفت ومدت راسا لبرا وقالت للممرضة بلشي دخلي المرضى
مؤيد عم يتطلع فيهاوبقلبو ايمت رح تعرفي انو انا بحبك
دخلت عيلة ومعن بنوتة صغيرة
مؤيد ميسون اهتمي انتي بالوضع انا جاي
ميسون في شي
مؤيد لا لا .. شوي وبرجع
طلع وراح ع مكتب ابوه .. دق الباب وفات
عصام شو يا بروفسور .. ما اعترفتلا
مؤيد كيف بدي اعترفلا وهية ماشافت مني الا كلشي ۏسخ .. كيف بدا تصدقني
عصام انت الحق عليك .. ماشفت كيف عم تتصرف معا
مؤيد بنقهر منها بقول بدي معد فكر فيها وانساها بصير عاملا بتجاهل بركي قلبي بيقسا بس بالعكس عم اتعلق فيها زيادة .. برجع بضعف قداما ومابعرف .. كتير مخربط وماعم اعرف شو عم اعمل .. معقول في مرةبتعمل فيني هيك
عصام هي جبنا دكتور تاني متل ماطلبت مشان تصير تداوم معك .. استغل الفرصة .. وحاول تتقرب منها
مؤيد اذا تقربت منها بتفكر بدي منها شي
عصام خلص روق والا ما نلاقي حل
________________
انفتح باب ودخلت معو اشعة الشمس.. وتقدمو بخطواتن ليفوتو على بيتن من جديد
ام اسامة واخيرا رجعنا ع بيتنا خييي
ابو اسامة الحمد لله فكرت انو بحياتي مارح ارجعلو
سام فات بدون مايحكي وكمل ع غرفتو
ابو اسامة ادخلي .. ادخلي خلينا نرتاح
ام اسامة اي والله.. هداك البيت الله لا يوفقو ماشفت فيه طعم الرياحة
________________
ببيت اسامة
انفتح الباب ودخلو واسامة كان عم يجر شنتة سفر دخلو وسكرو الباب .. وهيام قربت منو ضمتو واخيرا رجعنا ع بيتنا ماهيك حبيبي
بعدلا اديها عنو وقال اي هيك
هيام شبك حبيبي
اسامة ماشبني شي .. خدي الغراض وضبيهن
هيام حضرلك اكل
اسامة هلأ لا
هيام لك شبك ولوو .. مابحبك مكشر هيك
اسامة عنجد مافيني شي
مسكتو من ايدو وقالت لا فيك .. وتعال انا بدي روقك
وسحبتو ع غرفو النوم
_________________
المسا ببيت بلال .. بغرفة مهند كلن مجتمعين حوليه بغرفتو المزينة و عجنب علب هدايا وعم يحكو ويضحكو
كان موجود اهل سلوى واهل بلال
سلمى ماما بيان وينو خطيبك
بيان سكتت وتذكرت انو صرلا يومين ماحكت معو ولابتعرف عنو شي. بقلبا لك كيف هيك صرلي يومين ماعم حكيه ولا عم اسأل عنو .. اكيد بكون زعلان ..ياربي ليش هيك نسيت .. اووف
سلمى شو وينو
بيان يلا رح اتصل فيه
مهند ماما نعست
سلوى هات عنك كاسة العصير وتمدد لغطيك
بلال خلونا نكمل السهرة بالصالون
طلعو لبرا وبيان عم تدور ع اسم حكم ..بين الاسماء معو انو طلع قدامها ٣ مرات بالسجل وماتشوفو ..
بيان شو صايبني .. رجعت تدور من اول .. شافت اسمو .. رنتلو مارد
بيان اكيد بكون زعلان لانو ماني متذكرتو .. طيب شو اعمل نسيتو .. خلص لازم راضيه
رن موبايلا فكرتو هو بس ماطلع هو
سلمى هاد حكم
بيان لا رفيقتي مصورة
سلمى شوبدا
بيان بكون بدا تاخد شي كاميرا من الاستديو ..
بيان الو .. اهلين كيفك انتي ... ايو عرس ... عنجد بلا غلاظة والله ما انعزمت ع عرس قوليلي عرس مين .. سعددد 
الكل صار يتطلع عليها
انسحبت بهدوء وقالت شو عم تحكي .. سعد عروسو اليوم ... ومين العروس .. اسما نهلا .. لا مابعرفا ... لاوالله ماعزمني اصلا انا واياه هالفترة ماصحبة .. كنا رفقة بس هلأ لأ .. ليكي صوريلي مقطع صغير وبعتيلي اياه ع الواتس .. ماشي
نزلت السماعة عند ادنا وهية مکسورة وحزينة
بلال شوفي اختي
مسحت الدمعة يلي هربت من عينا والتفتت وقالت مافي شي
سلوى كانت حاملة صينة عليها كاسات العصير وماخدتا ع المطبخ .. ركضت لعندا وقالتلا هاتي عنك
اخدتن ع المطبخ حطتن على الطاولة وقعدت على كرسي ونزلو دموعا متل الشلال .. بكت كتير .. قلبا كان عم ېحترق .. حطت ايدا عقلبا وعصدرا وصارت تفرك عند عنقها كأنها مخڼوقة وبدا هوا نضيف بارد يبردلا قلبا ..
بيان لييش .. ليشش .. ااااخ .. لك اااااااخ ياربي
دخل بلال لعندا وشافا كيف عم تبكي پجنون
سكر الباب وقرب منها ..
بلال بيان ليش عم تبكي .. احكيلي مين مزعلك
بيان سعد عم يتزوج .. سعد اليوم عرسوو .. كلوو منك يا اخي .. كلو منك .. الله يسامحك .. روح الله يسامحك
بلال انا السبب .. انا السبب.. اذا بدك هلأ بروح بخرب للعرس وبجبلك اياه
بيان ضحكت وهية عم تبكي بعد شوو