ازمة_ثقة الجزء_التاسع_عشر والعشرون بقلم_مريم_اليوسف

عم يتصرفو معك هو صراع بين قلبو وعقلو .. وعفكرة مؤيد مابهمو انك كنتي رقاصة ..ولا حتى بنت ميتم ولا حتى انك مطلقة .. يلي بهمو انك تكوني صادقة معو وبس
ساكتة
عصام انا حبيت خبرك مشان تعرفي مشاعر مؤيد تجاهك ..واذا انتي بتبادليه نفس المشاعر حاولي تتجاوبي معو .. ليقدر يعرف شو يتصرف ..
ميسون بقلبا يعني مبارح لما قلي تتزوجني كان قاصدا بس انا ماصدقتو و هو قلي انو عم ېكذب
عصام شو وين شاردة يابنتي
ميسون معك ..
عصام شو قلتي .. عفكرة مؤيد حنون كتير ورومنسي .. برأيي لاتضيعيه من ايدك
ميسون وانتو يعني اهلو ماعنكن مانع انو يرتبط بوحدة متلي
عصام ليش شبك انتي .. يابنتي لاتفكري هيك .. وكمان مافي غير انا ومؤيد امو توفت من لما كان صغير وانا ربيتو .. اذا انا ماعندي مانع وهو يلي بدو اياكي شو لسه بدك اكتر من هيك
ميسون الله يرحما
عصام تعيشي
ميسون انا بدي فكر حاليا .. وبعدا بخبرك الك شو رأيي
عصام ومؤيد 
ميسون هههه بنطرو ليعترف بمشاعرو وبفاجئو اني موافقة
عصام يعني رح توافقي
ابتسمت وقالت بدي فكر
عصام خدي راحتك
ميسون وانا هلأ بالاذن
عصام اذنك معك
قامت ومشت لعند الباب
عصام ميسون
التفتت بدون ماتحكي
عصام مؤيد بحبك كتيير .. كتييير
ابتسمت وطلعت .
ماشية بالكوريدور وهية مبتسمة .. وقفت وقالت انا ليش مبسوطة كتير .. عنجد حاسة حالي اول مرة بفرح لهي الدرجة هههه لروح فكر لكن ههه
وقفت بيان بكراج سيارات تابع لشركة .. فتحت باب السيارة ومدت ايدا واخدت بوكيه ورد كان ع المقعد يلي جنبا .. فاتت ع الشركة
بيان لموظف شافتو قداما وين بلاقي حكم
اتطلع عليها وعلى بوكيه الورد وقال الاستاذ حكم 
بيان اي حكم .. وين ممكن لاقيه
ومين بتكوني حضرتك
بيان عفوا .. وانت شو دخلك .. عم اسألك عن حكم بتعرف وينو دلني مابتعرف بتقول مابعرف وبتمشي
الاستاذ حكم مانع المواعيد الغرامية .. وخصوصا اذا شي وحدة جاي لعندو متل اشكالك .. وكمان يا انسة بحب خبرك انو الاستاذ حكم خطب وعرسو قرب
بيان العما ما اوقحك .. شكلي باين انو بنت فلتانة
صوت من الداخل بيان !!
الټفتو لمكان الصوت وكان حكمت
حكمت بيان عنا .. شو هالزيارة الحلوة
بيان جاي شوف حكم بس الاستاذ هون عم يقلل معي ادب
حكمت محمود .. شو عم تقلل ادب مع الانسة بيان
محمود الاستاذ حكم منبه انو اي حدا مالو شغل ممنوع يفوت
حكمت بس ما بيان يا فهمان
محمود ومين بتكون بيان بلا صغرة
حكمت خطيبة الاستاذ حكم
محمود عنجد 
حكمت اي عنجد
محمود مشان الله لاتواخذيني ياخانم يلي مابيعرفك بيجهلك
بيان حصل خير
حكمت لك اهلين ببيان والله نورت الشركة
بيان تسلم منورة بصحابا .. وينو حكم
حكمو بمكتبو تعي لوصلك لعندو
بيان ياريت
حكمت شو ورد احمر وجوري شو القصة 
بيان بدي دلل خطيبي حدا الو عندي شي
حكمت لا ياعمي .. الله يهنيكن ههه .. الله يبعتلي وحدة متلك
بيان المشكلة انا وحيدة كنت عطيتك اختي هههه
حكمت شايفة انتي على هالحظ ههه
وصلو ع مكتب فيه موظفة وباب لمكتب تاني
حكمت اشر ع الباب وقال هون غرفتو
بيان بصوت واطي ومين هي
حكمت السكرتيرة
بيان حلوة كأنو
حكمت هههه شامم ريحة حريق
بيان ههههههه
بيان للسكرتيرة يعطيكي العافية
السكرتيرة اهلا .. يعافي قلبك
قطعتا ودقت الباب
حكم ادخل
فتحت الباب وفاتت وسكرت وراها
هو كان عم يشتغل ع الابتوب وما انتبه مين فات
بيان شكلك مشغول برجع بوقت تاني
لما سمع صوتا رفع راسو واتفاجئ فيها وتلقائيا انرسمت ابتسامة على وجهو
وقف وقال اهلا وسهلا
بلشت تمشي لعندو وقالت خبرتني العصفورة انك زعلان
حكم وماخبرتك العصفورة من شو زعلان
بيان لا جيت لحتى اعرف شو السبب
وصلت لعندو ورفعت حالا وقبلتو على خدو
هو كان مصډوم منها ومن تصرفاتا المتغيرة
بيان تفضل
حكم لأ هيك كتير .. بوسة وورد .. مين بدو ېموت
بيان شوبدنا نعمل المعاملة مع الله ههههه
حكم لك دخيلو ل الله
بيان عم تلطشني كأنو
حكم فيكي تقولي هيك شي
بيان اي قلي ليش زعلان
حكم حسيت كأنو مانو مرغوب فيني .. وانا مابحب كون عالي على حدا
بيان دخيل احساسك ..
حكم وبعدين شفتي كيف انبحتي علي هداك اليوم .. بس لانو كنت بغرفتك
بيان انو تفاجئت .. واول فيقتي يعني لسه ماني مصحصة منيح
حكم لأ مو هيك .. انت مابدك اياني قرب منك .. وفكرت فيها انوو اكيد مارح تتقبلني بعد الزواج .. فقررت عود حالي على بعدك
بيان ليش عم تحكي هيك
حكم هي الحقيقة
بيان بس انا حاليا بمرحلة التفكير .. يعني لاتبلش تخمن من عندك ..
حكم يعني عم تفكري بالموضوع
بيان عم فكر بكل حواسي
حكم وشو قررتي
بيان تسؤ .. ليوم العرس بخبرك فيه
حكم اممم يعني من تعاملك الحلو اليوم ممكن خمن انك رح تكملي معي
بيان بأبتسامة قالت ممكن
حكم عنجد ماني عم صدق انا بحلم ولا بعلم
بيان ههههه لا بعلم
حكم بخبث اممم ..
مسكها من اديها ونزل 
انفتح الباب وبعدو بسرعة عن بعض
حكمت بخجل اسف .. جيت بوقت مو مناسب
بيان خجلت ونزلت راسا
وحكم عم يحك دقنو بخجل قال لا مافي شي .. اصلا ماكنا عم نعمل شي
حكمت ههه اي واضح ..اسف بس دقيت بس شكلكن ماسمعتو
حكم المهم شو كان بدك
حكمت نسيت .. برجع بعد شوي
طلع وسكر الباب
بيان عجبك هيك .. هي اخوك شافنا
حكم اي دخيلو يلي خجل ..
بيان عنجد مابصير هيك .. لك انا كيف بدي حط عيني بعينو
حكم هههه لك خلص ولوو ما مستاهلة وكمان شغلة عادية
بيان بالنسبة الك
حكم يقبرني المؤدب .. اي ياحبي شو تشربي
بيان بدي نطلع نفطر برا .. انا ماني فاطرة
حكم تكرم عيونك ..
سحب جاكيتو من على الكرسي .. ومد ايدو لبيان هية قربت ومسكتلو ايدو وطلعو
_______________
ببيت بلال
فاق بلال .. تجلس وقام اتطلع حواليه كان لحالو بالغرفة .. طلع وهو عم يتاوب
بلال سلوى .. يا سلوى
من غرفة مهند اي حبيبي انا هون
مشي لعندن كان الباب مفتوح .. كانت سلوى عم تلبس مهند
بلال صباح الخير
سلوى والولاد صباح النور
قرب باس وعد وقعد جنب مهند ع التخت وضمو لعندو وباسو من راسو
بلال شو عم تلبسو ع وين
سلوى امك قال بدا تفطر الولاد عندا
بلال قلتيلا تنتبه ع اكل مهند
سلوى اي قلتلا
بلال منيح كتير .. وصلكن انا
سلوى لأ قال بدا تبعت الشوفير
بلال طيب شو لزومو هالفطور
سلوى خطي مهند كتير ضايج .. وقال بعد الضهر حيدر بدو يطالعن يفتلن شوي
بلال وانا شو شغلتي هون
مهند بابا خلي عمو حيدر ياخدنا انا بحبو كتير
بلال وانا مابتحبني
مهند مبلى بحبك .. بس عمو حيدر بضحكنا
وعد يا بابا انت الاصل .. بس خلينا مع عمو حيدر وعمتو بيان
بلال طيب متل مابدكن
صوت زمور
بلال هاه اجا
سلوى تعا مهند حبيبي لاسندك
بلال لا انا بسندو .. هات ايدك بابا
وصلو للسيارة
بلال للشوفير بتسوق ع اقل من مهلك
امرك بلال بيك
بلال وشغل الشوفاج
شغال
بلال منيح .. الله معكن
مشت السيارة وبلال رجع ع البيت
سلوى حضرلك الفطور .. مشان تروح ع شغلك
بلال شقد الساعة
سلوى يمكن تسعة ونص
بلال لهلأ في شغل .. ليش مافيقتيني بكير
سلوى مبارح نمنا متأخرين .. قلت خليك نايم وكمان الشغل مارح يهرب
بلال خلص معد محرزة روح اليوم
سلوى اصبح تعا نلبس ونلحق الولاد
بلال طيب ليش مابتقولي دوبنا لحالنا خلينا نستغل الفرصة
سلوى شو فايق ورايق .. مابدي نفسيتي تعبانة
بلال هو مشان حنسلك اياها
سلوى هههههه
مسكها من ايدا وقال تعي تعي هههه
________________
ببيت ميسون
ميسون كانت عم تبدل تيابها وتلبس بجامة.. اجت لعندا عزة وسندت حالا عحاجب الباب
عزة بدك تنامي
ميسون لأ مبسوطة ماجاي عبالي نام
عزة من شو مبسوطة
ميسون روحي عملينا فنجان قهوة من اديكي الحلوين لنحكي
عزة ما تكرمي
................
طلعت ميسون بعد ما لبست بجامتها وراحت قعدت بالصالون وحملت الريموت وصارت تقلب فيه
اجت عزة ومعا القهوة
عزة يلا بسرعة احكيلي
ميسون بالاول حكيلي انتي شو صار معك
عزة صار لفهد اخراج قيد وصار مسجل نظامي بالنفوس
ميسون مبروووك
عزة الله يبارك فيكي .. والله فرحتي ماني عاطيتها لحدا
ميسون ان شاء الله عطول يارب
عزة بكرا اذا الله راد بدي انزل سجل فهد بروضة وانا رح سجل بمعهد الموسيقا
ميسون لسه الك مراق تدرسي .. روحي اتزوجي واقعدي
عزة رجعنا لنفس القصة
ميسون والله مشانك وكمان حيدر مافي منو
عزة انا جربت حظي ومشي الحال
ميسون لك لسه الدنيا قدامك .. روحي شوفي حياتك .. وكمان اذا اسامة طلع مانو منيح ما معناتو كلون مانن مناح
عزة خلصنا ميسون
ميسون يعني انا بكرا رح اتزوج انتي بدك تضلي هيك لحالك
عزة بفرح ليش بدك تتزوجي
ميسون اي
عزة ميين .. يلا احكيلي
ميسون البروفسور
عزة اي لأ
ميسون والله
عزة ييي .. الف مبروك
ميسون الله يبارك فيكي
عزة وانتي وافقتي
ميسون لسه
عزة اصبح هاد هو الشي يلي مفرحك
ميسون صح
عزة يلا احكيلي ..احكيلي
___________________
بالمطعم
بيان وحكم قاعدين على طاولة وعم ياكلو .. بيان حطت الشوكة والسکين على الصحن وقالت حكم بدي اسألك سؤال
كمان هو حط الشوكة والسکين وقال اسألي
بيان يعني مثلا .. لو نحنا بنحب بعض من زمان .. وانا صار معي متل يلي صار بيناتنا .. معد حدا تاني .. فهمت علي
ابتسمت وقال اي فهمت .. كملي
بيان وانا جيت قلتلك شو بتتصرف .. بدي تحكيلي الصدق .. مو لانو صار معنا هالشي نحنا .. الصدق ها
حكم هاد الموقف مريت فيه ورح احكيلك شو تصرفت
بيان عنجد .. مريت بنفس الموقف
حكم اي عنجد .. هاد يا ستي كنت حب وحدة .. وتسربتلي صور عنها نايمة مع رفيقي
بيان ايي
حكم رحت واجهتا وقلت اذا بتنكر او بتقول انها مظلومة لدور ع الحقيقة .. لانو مابدي اظلما اذا مظلومة عنجد
بيان وشو قالتلك
حكم هية خاڤت مني وفورا اعترفت
بيان انو .. الصور حقيقة
حكم اي
بيان وشو عملت
حكم تركتا لانو هية بدا هيك
بيان بس مانو جواب على سؤالي .. انا بدي نفس حالتي بالظبط
حكم مثلا لو انو حدا عمل معك متل ماعملت معك انا ضحك وانت جيتي بكل صدق وقلتيلي هيك صار .. اول شغلة كنت رحت طلعت بروحو لشخص يلي تجرأ ولمسك
بيان بتقتلو
حكم ومابتردد
بيان وانا
حكم وانتييي .. اممم .. انتي .. كنت جبتك وحبستك بغرفة وكنت اخترتلك عقاپ مناسب الك .. وضل عذب فيكي ليشفى غليلي منك .. وبعدا برجعك لحضني
بيان مصډومة واذا ما انشفى غليلك
حكم بقټلك .. اي بقټلك لانو انا كرجل شرقي صعب اتخيل انو حبيبتي كانت بحضن واحد تاني
بيان بس هلأ قلت انك تركتا
حكم اولا هديك ماكانت حب ولاهية كانت بتحبني يعني مابتهمني .. بس انتي اذا متأكد انك بتحبيني مستحيل اتركك يا اما الي يا اما مالحدا غيري
بيان طيب كنت عم تقول بتعاقبني .. انا شو عملت لحتى تعاقبتي
حكم لانو لما صار هالشي صار بأرادتك
بيان