ازمة_ثقة الجزء_التاسع_عشر والعشرون بقلم_مريم_اليوسف

وشمال وتقرءاللافتات لحتى وصلت لعند لافتة مكتوب عليها مكتب المحامي خلدون الخالد
دفعت الباب وفاتت ووصلت لعند السكرتيرة
عزة لو سمحتي انا بدي شوف المحامي
هلأ عندو جماعة ليطلعو
عزة انا مع هدول الجماعة
انتي عزة
عزة اي
تفضلي ناطرينك
قربت دقت الباب وفاتت كان موجود اسامة وابوه والمحامي
عزة مرحبا
ردو السلام وقعدت
المحامي السيد اسامة خبرني شو المطلوب .. العقد رح اكتبو بس بدي اعرف شروطكن وطلباتكن
اسامة قبل العقد بدي احكي مع عزة على انفراد
عزة عندك شي احكيه قدام الكل
اسامة طيب رح احكيه .. عزة انا لسه بحبك وبدي اياكي خلينا نرجع لبعض ونربي ابنا سوا
ابوه شو عم تخبص يا ولد وبنت عمك
اسامة شبا بنت عمي بدا تعيش معي اهلا وسهلا مابدا الله معا
سحبو ابوه وهمس بأدنو وقال وورتت عمك بدك اياها تروح للغريب
اسامة بعد عن ابوه وقال انا مابدي شي .. بدي مرتي وابني وبس
عزة عم تراقب بصمت
اسامة شو عزة .. بنسجل زواجنا بالمحكمة وبعطيكي مقدم ومأخر وبسجلك بيت وسيارة باسمك وبتعيشي معززة مكرمة وطول ما انا عايش محدا بيزعجك بكلمة
اتأثرت بحكيو وكمان عم يوعدا انو يحفظلا حقوقا .. وكمان ابنا نقطة ضعفا مابدا اياه يربى بلا اب ..
صوت بداخلا وكيف بدي انسى يلي عملوه معي .. وكمان هيام بتحبو كتير وساعدتني لحتى وصل لهي المرحلة .. لا لا مستحيل ارجعلو .. مابيستاهل فرصة تانية .. وكمان ماني لا اول وحدة ولا تاني وحدة بتطلق ..
المحامي شو مدام .. عندك شي تحكيه
عزة اي .. بلش بكتابة العقد
اسامة زعل كتير .. نزل راسو لتحت بدون مايحكي
عزة اسفة اسامة .. بس مابتستاهل فرصة تانية
المحامي شو شروطكن
عزة بدي ابني يتسجل ع اسم ابوه وانا كون امو وكمان بدي ورقة طلاقي وبدي مليونين ليرة مقبوضين لايدي
ابو اسامة من وين طلعو هدول المليونين
عزة خليني كمل .. نفقة للولد مسامح فيها .. يعملولي هدول بتنازلن عن كل املاكن يلي اشتريتا منون
ابو اسامة قصدك يلي سرقتيها
عزة بالقانون مشتريتن.. وفوقن المصاري يلي كانو بالخزنة
اسامة بدي شوف ابني كل اسبوع يوم الجمعة كلو
عزة سكتت شوي وبعدين قالت موافقة
المحامي الطرف الاول موافق عطلبات المدام
ابو اسامة اي موافقين
المحامي وانتو شو طلباتكن
ابو اسامة ترجعلنا املاكنا وابنا بصير الها يعني موافقين على شروطا .. بالاضافة انو اسامة يشوف ابنو كل اسبوع متل ما قال
المحامي خلص كتابو وقال العقد متل ماحكيت بكرا رح جهزو .. وفي حال الطرف الاول خلف بالاتفاق بنرفع دعوة عليه بالمحكمة و الاملاك بتضل بأسم عزة وماوبحقلكن تاخدو شي .. وفي حال الطرف التاني وهو عزة خلفت بالاتفاق رح ينسحب منها الطفل وينعطى لابوه طبعا بعد مايعمل تحليل يأثبت انو ابوه .. مدام ممكن وراق الاملاك يلي معك
عطتو اياهن
المحامي هدول رح يضلو امانة معي لحتى يتم الامر
اسامة استاذ بدنا مساعدتك بتسجيل الطفل ع اسم امو مع الطلاق
المحامي ولا يهمك كلشي بالمصاري بيمشي
اسامة ياريت تستعجل
المحامي عطيني مهلة اسبوع
اسامة ماشي
____________________
المسا
ببيت سعد
ام سعد عم تلبس برجلا وسعد واقف وكتف اديه وقال ماما ع وين رايحين .. قومتيني كرفتة
ام سعد رايحين لعند خطيبتك
رفعت ضهرا وقالت يلا امشي
سعد شوفي عند خطيبتي هلأ
ام سعد هلأ انت شكلك خاطب .. لحد هلأ ماقعدت مع العروس ..
سعد بعد ما نتزوج بنقعد وبنحكي
ام سعد بس اليوم قلتلن انو جايين نسهر .. وبكونو ناطرينا .. امشي .. امشي
طلعو من البيت وراحو
...........................
ببيت اهل نهلا
سعد ونهلا قاعدين بغرفة لحالن
سعد لو قاعدين معن ما كان احسن
نهلا لا ما احسن .. سعد انت من اول ماخطبنا وانت عم تتجاهلني قصد ..شو قصتك .. بس ماتكون بدك ټنتقم مني 
سعد من وين عم تجيبي هالحكي
نهلا ببتعلك ع الموبايل مابترد .. ولما بتجي بتضل ساكت .. نحنا لازم نحكي
سعد عن شو
نهلا في شي ضروري لازم تعرفو
سعد شو هو
نهلا بحزن انت لازم تعرف قبل مانتزوج مشان تقرر يا تكمل معي يا تتركني وكل واحد راح بطريقو
سعد لا تبلشي تنكدي وشو ماكان السبب مابهمني .. خلص بكفي لهون معد بدي دور ع وحدة رابعة
نهلا شو قصدك بالرابعة
سعد ولاشي .. انسي .. قومي ضيفينا ولا مابتضيفو حدا اذا اجا لعنكن
نهلا بالاول لازم تسمعني
سعد مابدي اسمع شي .. قومي جيبلنا شي نشربو
نهلا طيب .. تكرم
قامت فتحت الباب واتطلعت عليه نظرة
سعد لك شبك عم تتصفني فيني روحيي
ابتسمت وطلعت
سعد بقلبو ياترى شو كان قصدو بهي النظرة .. معقول هو عمل هيك مع بيان عن قصد مشان يحصل عليها .. شو ماكان الله يهنيها .. بيان معد تلزمني ومالازم ضل عم فكر فيها
الصبح بالمشفى
الكل مجتمعين عند مهند ومهند صاحي بس ماعم يحكي
بيان حبيبي مهند بدك شي جبلك شي
هز براسو بالنفي
سلوى ماما عم يوجعك شي
مهند مكان العملية شوي
بلال هلأ بخبر الدكتور ..
مهند وينا وعد
حيدر وعد بالمدرسة .. حتى تطلع بجيبا لعندك
مهند ماما عملية شو عملتولي
سلوى عملية زايدة ..لاتخاف حبيبي شغلتا بسيطة .. بس يصح چرحك ان شاء الله بترجع من اول واحسن
اندق الباب وفاتت ميسون ومؤيد والدكتور الجراح وممرضة
ميسون كيفك حبيبي مهند
مهند برم وجهو لتاني جهة ومارد عليها
ميسون مهند زعلان مني .. ليش
مهند لانك كذبتي علي
قربت لعندو وباستلو راسو وقالتلو حقك علي .. ووعد انو معد اكذب عليك مرة تانية بس اتطريت اكذب كڈبة صغيرة لانو لو قلتلك انو عندك عملية كنت رح تخاف ماهيك ..
ماحكي
ميسون شايف مارديت .. يعني كنت رح تخاف وانا مابدي اياك تخاف ..
مهند معد تكذبي علي
ميسون لأ
مهند وعديني
ميسون برحمة اهلي ههههه
مهند خلص صدقتك
ميسون يسلملي البطل
دكتور الجراح عم يوجعك شي حبيبي
مهند اي هون واشر ع العملية 
الدكتور للمرضة مسكن كل ٤ ساعات
الممرضة حاضر دكتور
الدكتور طلعت ع الحمام شي 
مهند لا
الدكتور طيب ما بتطعموه شي نهائيا ولا حتى مي .. لحتى ارجع انا الضهر واطمن عليه
سلوى ماشي حكيم
الدكتور بروفسور عندك ملاحظات
مؤيد لا يعطيكن العافية
طلعو كلن من الغرفة .. ومؤيد قرب من ادن ميسون وهمس وقال قلتيلي برحمة اهلك هه
ميسون اي برحمة اهلي .. لانو لسه بدي اكذب عليه .. قلت بحلف بشي مانو موجود
مؤيد حس بالخجل من حالو ومشي والجراح كمان مشي
الممرضة بتأمريني بشي دكتورة
ميسون لا انا رايحة ع البيت .. يعطيكي العافية
مشت خطوتين ولا صوت من وراها عم يندهلا
التفتت ولا بلال
بلال ميسون بدنا نحكي
ميسون اممم .. تفضل ع مكتبي ..
مشو ع مكتبا قعدت هية ورا مكتبا وهو قعد مقبالا على الكرسي
بلال بدي اتشكرك مشان ابني
ميسون لاشكر على واجب
بلال بدي تسامحيني
ميسون على شو
بلال على كلشي ..
ميسون طيب الله يسامحك
بلال بس حاسستا ما من قلبك
ميسون من قلبي الله يسامحك وغيرو
بلال بدي مساعدتك بشغلة
ميسون مشان ابنك انا عم ادي واجبي ومافي داعي لحتى تطلب مني شي
بلال لا بخصوص شي تاني
ميسون اذا قدرت تكرم
بلال انا حاسس انو رب العالمين عم يعاقبني بأبني وبدي كفر عن كل اغلاطي
ميسون لاتفكر هيك بالنهاية هي حكمة ربك ..وكمان ماكل يلي عم ينصابو اهلن بكونو عاملين شي
بلال بس انا وعيت على حالي وعرفت انو غلطت كتير وبدي صلح اغلاطي وكمان ما بس مشان يشفى ابني .. مشاني انا بدي ضميري يشفى
ميسون تعاطفت معو وحستو صادق قلي بشو بقدر ساعدك
بلال طلع شيك وحطو ع الطاولة
اخدتو ميسون وكان عليه رقم كبير
ميسون شو هاد
بلال بدي توصليه للميتم
ميسون ماشي .. رح اخدو بس لانو للميتم وهي الرزقة اجت للولاد .. اما لو بدك تقلي الك ماكنت رح اقبل .. الله يجزيك الخير
بلال طلع شيك تاني وقال هاد الك
ميسون شو حكينا .. خلص رجعو
بلال مارح اجبرك
ميسون في شي تاني ولا بس هيك
بلال لأ في .. بدي نتفق انا واياكي لنجمع بين عزة وحيدر
ميسون شو غايتك من هالشي
بلال حيدر كان رايد عزة وانا شوهتلو سمعتا قدامو .. بس عرف الحقيقة وصار بدو يرجعلا بس هية ماعم توافق .. بركي اذا اجتمعو بيحكو وبترضا بحيدر .. حيدر كتوم كتير وبيقدر يخفي مشاعرو .. بس انا حاسس عليه انو بحبا ورايدا ..وكمان امي عم تحاول تخطبلو وتعرفو عبنات وهو عم يرفض
ميسون كمان مقدور عليها
بلال اصبح خلينا نتفق كيف رح نخليهن يجتمعو .. وعأساس صدفة ..
ميسون انت عم تفكر بشي خطة
________________
تاني يوم
ميسون وعزة قاعدين عم يتغدو
ميسون شوصار معك مشان المحامي
عزة العقد صار جاهز ووقعنا عليه وشي اسبوع بيرجع كلشي متل ماكان
ميسون شو ناوية تعملي
عزة بدي سجل بمعهد موسيقا
ميسون جد
عزة اي
ميسون حلوو كتير
عزة واستأجر بيت اقعد فيه حاج تقلت عليكي كتير هالفترة
ميسون ټضربي .. شو هية تقلت عليكي وكمان ليش بدك تنقلعي وتستأجري مابيتي فاضي
عزة والله حاسة حالي تقيلة عليكي
ميسون اذا بتطلعي من هالبيت بتنسيني
عزة ليش هيك انتي
ميسون خلص مزال بدك تستأجري استأجري عندي شو رأيك
عزة عنجد
ميسون والله
عزة ياريت .. هو انا اصلا ماني حابة اطلع من عندك قعدتك مريحة
ميسون لك ټضربي علواه
خلصت اكل ميسون الحمد لله شبعت .. ويسلمو على هالاكل الطيب .. يعني اذا بدك تتركيني مين بدو يطبخلي
عزة ههه خلص بطلت
ميسون لك فهد وينو ماعم شوفو
عزة عم يلعب جوا
ميسون يعني مطعميتيه
عزة اي سكبتلو صحن قبل ماتفيقي
ميسون صحة وهنا
عزة عقلبك
ميسون انا لكن لاهرب ع المشفى رح يبلش دوامي
عزة ميسون انتي بتداومي كتير بالمشفى وكمان كل يوم دوام ليلي
ميسون انا يلي اخترت يكون هيك دوامي وكمان راتبي بكون اكبر
عزة طيب بركي بدي اسهر معك شي يوم
ميسون باخد اجازة
عزة اصبح رح نجهز لشي سهرة وخبرك لحتى نغير جو
ميسون مو غلط
وصلت ع المشفى
وقفتا ممرضة دكتورة ميسون البروفسور بدو اياكي بعيادتو
ميسون ماشي
مشت اتجاه عيادت مؤيد دقت الباب ودخلت
ميسون مرحبا
مؤيد اهلين
كان عم يكتب روشتا لطفل خلصا وختم عليها وعطاها للأهل
مؤيد عسلامة
شكرا حكيم
طلعو ومؤيد الټفت لعند ميسون وقال في دكتور اطفال توظف جديد بالمشفى .. رح تتبادلو انتي واياه بالمناوبات
ميسون محاولة تطفيش مثلا اذا بدكن تطيروني خبرني بنسحب وبلاها هالحركات
مؤيد تطفيش وتطيير طبعا لأ .. ونحنا مارح نلاقي متلك .. بس بابا اقترح الاقتراح لانو شافك عم تتعبي وعطول عم تدوامي بليل .. . قعدنا وتناقشنا انا واياه ولقينا الانسب نجيب دكتور تاني بياخد عنك ورديات مثلا انتي ٢٤دوام و٢٤ استراحة.. يعني انتي بالنهاية انسانة ومن حقك تسهري وتقعدي مع العلية .. ااه اسف نسيان انو ماعندك عيلة .. بس انو هيك افضل
ميسون طيب يلي بتشوفوه .. وكمان الفكرة حلوة .. بس بالنهار وين بدي دوام هون هون معك ولا بالمشفى
مؤيد معي وبالمشفى بشكل عام
ميسون اممممم .. خلص وصلت الفكرة .. يعني هلأ روح وبكرا ارجع
مؤيد اي
ميسون بالاذن
طلعت