سنمار بقلمى منال_الشباسى

بالخۏف ليه بتقول كدا . بعد الشړ عليك.. ربنا يخليك ليا ياحبيبى .. وبعدين انت هتعيش لحد ما تبقى جدو عجوز وبرضو هاحبك 
..عادت ليساء للبكاء مرة أخرى و تحدثت بصوت مسموع علشان كدا كنت بتصمم تعلمنى كأنك كنت حاسس انك هتسيبنا بسرعة .. بس أنا مش عايزة كل دا .. انا عايزاك انت... مين هياخد باله مننا .. مين اللى هجرى عليه وارتمى فى حضنه .. وأحس بالامان معاه من غدر الدنيا والأيام  
..استمرت بالبكاء حتى غلبها النعاس ونامت على صورة حبيبها التى تضمها وتغمسها بصدرها .. لعله يزورها بأحلامها فتراه...
.. تحققت الأمنية جائها يبتسم لها .. يملس على شعرها كما كان يفعل دائما .. يسمعها كلمات الحب والغزل .. يطمئنها أنه بجوراها..
..انتفضت تبحث عنه يمينها ويسارها فلا تراه.. اذا هو مجرد حلم ...والحقيقة أن شاهر أصبح حلم ..إحتمال أن تراه أو تحرم حتى منه 
..تانى يوم .. استيقظت وقررت أن تنفذ وصية زوجها ...اتصلت على سالم..ردت عليها زوجته فهى صديقة لها ولكنها لم تستطع الحضور لها.. لأنها عائدة من ولادة طفلتها تيا منذ فترة قصيرة..
.. ليساء ازيك ياوفاء عاملة ايه حمدلله على سلامتك ومبروك على البيبى 
الله يبارك فيكى ياحبيبتى.. البقاء لله .. أسفة انى مش قادرة أكون معاكى انتى عارفة ظروف تعب الحمل أخر شهر والولادة... وكمان تيام تعبان بدور برد شديد .. بس هجيلك إن شاء الله فى أقرب فرصة 
لا ألف سلامة عليكى وعليه..أنا عارفة ومش زعلانة إحنا أخوات وتشرفى فى اى وقت ياحبيبتى 
.. وبعد أن باركت لها ليساء وقدمت لها وفاء واجب العزاء فى زوجها ... واعتذرت عن عدم الحضور .. تركت الهاتف لزوجها ليكمل المكالمة ...
..سالم اهلا ياليساء أخبارك ايه انتى كويسة...
الحمد لله بخير.. أنا فكرت وقررت خلاص انى أكمل مشوار شاهر.. مش ممكن أضيع تعبه .. وكمان دا حق بنتى ولازم أحافظ لها عليه ... بس انت عارف ان باقى شهر على ولادتى.. فممكن نأجل إستلام الشغل لبعد الولادة والبركة فيك تاخد بالك الفترة دى ..
تمام مفيش مشكلة.. كدا كدا فى إجراءات لازم تتم أعلام الوراثة وخلافه.. واثبات احقيتكم وأوراق قانونية .. هتاخد تقريبا الفترة الباقية لرجوعك أو أكتر شوية 
خلاص يا سالم اعمل كل اللى تشوفه صح .. اكيد انت بتعرف أحسن منى بكتير .. وشكرا على تعبك وانشغالك معايا 
متقوليش كدا انا دايما موجود.. فى اى وقت تحتاجى حاجة اتصلى على طول.. دا بيت اختك واخوكى مفهوم  
حاضر مع السلامة 
...جلست ليساء تضع يدها على بطنها تخاطب ابنتها..
ياترى الأيام مخبية لينا ايه تانى ياحبيبتى.. وحياتنا من غير بابا هتكون ازاى .
البلد ...
..كانت هدية تبحث عن ابنها وتنادى عليه..
الحاجة هدية الاسيوطى زوجة عبدون .. سيدة بسيطة كل ما يشغلها سعادة ابنها وزواجه .
.. اجابها الابن أيوة ياحاجة أنا هنا 
..الام ايه يابنى لسه مش ناوى تيجى تشوف العروسة  
ياامى انسى انتم بتبصو على العروسة عندها ايه.. لكن أنا عايز واحدة أحبها و ارتاح فى العيشة معاها  
طب جرب يمكن لما تشوفها ترتاح ليها 
.. لا يمكن أدخل أى بيت الا إذا كنت ناوى ارتبط بالانسانة دى ... لو سمحتى سيبنى على راحتى. 
اسمعنى ياحبيبى شوفها بس 
خلاص ياامى الموضوع منتهى 
..دخل أبيه وبصوت عالى فى ايه كل يوم نفس الموال.. انا خلاص زهقت منك .. وشكلى ھموت ڠضبان عليك ..
..استغفر بخفوت ثم قال ياحاج أنا مقدرش على زعلك .. طب بس إصبر عليا شوية كمان .. وربنا هيفرجها ان شاء الله 
.والده پغضب لما نشوف !!
.. هدية انت ناوي تنزل إسكندرية امتى ياحاج ان شاء الله 
.. رد . مش دلوقت  
..تكلم الابن انت لسه مصمم على الموضوع دا !! 
..عبدون طبعا بس عرفت انها حامل... فقلت انتظر لما تولد ونشوف هتجيب الولد اللى هيقش .. ولا هتجيب بنت ووقتها هيبقى لينا نصيب ڠصب عنها وهتبقى الأمور أسهل 
..رد بضيق من والده طب وليه مانخليها فى حالها واحنا فى حالنا.. وأساسا مش محتاجين فلوسها ياحاج 
اسكت انت وخليك فى العروسة .. وربنا يهديك ياولدى .. أبدا على تصرفك دا ..المفروض أننا نراعيها ونأخد بالنا منها ..مش نطمع فيها .. سيبنا ايه للغريب ! ..
..لمعت عيون عبدون بفكرة شيطانية فقال..
تصدق كلامك مظبوط وعندك حق ياولدى إحنا لازم نراعيها .. وناخد بالنا منها ونقف جنبها ...خلاص نستنى بس تقوم بالسلامة ... وبعدين نروحلها على طول
..كان يعلم أن والده يفكر فى شىء ولكنه قرر أن يسايره حتى يكون على علم بتصرفاته دائما.. فأومأ رأسه بالموافقة واستأذن منه وغادر المكان...
.. دلف لغرفته يجلس مع نفسه يفكر ويحاول ان يتوقع ماذا سيفعل والده مع زوجة شاهر وما هى خطته .. ولكن خانه عقله عندما انحرف تفكيره لمكان اخر..وسأل نفسه ياترى حصل ايه
..الإسكندرية..
.. كانت ليساء ترقد على فراشها لشعورها بالألم والإرهاق الشديد ..
..وفاء خدى يا حبيبتى اشربى العصير دا .. معلش خلاص هانت استحملى الاسبوع الباقى وان شاء الله تقومى بألف سلامة .
تعبانة قوى ياوفاء شكلى مش هكمل الأسبوع دا !! 
مټخافيش خير إن شاء الله ولما تشيلى البنوتة هتنسى كل التعب..
يارب مستعجلة أشوفها قوى واضمها لصدرى .. لانى وقتها هحس انى بضم شاهر زى زمان....ثم صړخت فجأة مټألمة ااااه ياوفاء مش قادرة الحقينى مش مستحمله اااااه. 
.. هرولت وفاء لتجلب هاتفها لتتصل بزوجها وتخبره... 
.. الو أيوة ياسالم تعالى بسرعة ليساء تعبانة قوى وشكلها هتولد خلاص .
حاضر جاى بسرعة جهزيها علشان نوديها المستشفى بسرعة ..
..فى المشفى ..
.. تقف وفاء بجوار زوجها فى حالة شديدة من القلق على صديقتها وتنتظر ان يطمئن قلبها عليها..
.. الطبيبة وضع مدام ليساء صعب شوية ومضطرين اننا نولدها قيصرى.
..رد عليها ..اعملى اللى تشوفيه مناسب يا دكتورة المهم انها تكون بخير ...
..قاطعتهم وفاء ..بس المهم هى كويسه يادكتورة ولا وضعها ايه دلوقت ..
هى كويسة واخدة مهدأ وان شاء الله هنجهزها للعملية على طول لأن التأخير مش فى صالحها لا هى ولا الجنين. .. عن اذنكم..!!
انا خاېفة عليها قوى ياسالم.. وكلام الدكتورة ميطمنش !!..
ادعلها وان شاء الله خير ..وتقوم بألف سلامة 
..وقف كلا منهما يترقب باب غرفة العمليات حتى أتى إلى سمعهم بكاء لطفل صغير وأخيرا خرجت الممرضة ..
حمدلله على سلامتها هى والبنوتة ... بعد شوية هتتنقل لغرفتها .
.. وفاء يعنى هى كويسة وفاقت 
لا لسه شوية وتفوق من البنج والبنوتة فى الحضانة ممكن تروحو تشوفوها.
.. بعد قليل من الوقت بغرفة مليئة بالبلونات الوردية ..تنام ليساء على السرير تحتضن طفلتها وتبكى...
.. وفاء ليه بس كدا ينفع أول مرة تاخديها فى حضنك تبكى كدا  
ڠصب عنى