سنمار بقلمى منال_الشباسى

لا معلش مش جعانة.. عايزة بس قهوة على ما اخد حمام
حاضر حالا 
.. ذهبت لتطمئن بنفسها على طفلتها .. 
.. ثم جذبت ملابسها من خزانتها لكى تتوجه لأخذ حمام دافىء .. ولكنها جلست على فراشها ..أفكارها شاردة فيما حدث .. معقول شخص يفضل إنسان غريب على والده ! والأهم إن الموضوع يخص المال والميراث .. ولكنها تذكرت تفاصيل وجهه .. تحاول أن تقدح زيناد فكرها أين رآت هذا الشخص .. ملامح وجه ليست غريبة عليها.. مؤكد تقابلا قبل ذلك .. جذبت أغراضها ودلفت للحمام لعله يهدىء من تفكيرها .. ولكنها مازالت تسأل نفسها.. أين ومتى رآته...!!
نهاية الفصل
رواية_سنمار..
بقلمى منال_الشباسى
الفصل الرابع ...
ضاقت بى الدنيا وضاق بى حالى
مددت لى طوقا قلت هذا نجاتى
غمرتنى بحنانك فأنت لى حلالى
سرقك منى القدر فأظلمت بعدك أيامى
ليساء
....البلد...
..هل يعتبر ظهورها له فرصة من القدر..أم محض أفكاره فقط الذى عاش فيها شهور عدة هى من تخيل له ذلك..فكر كثيرا كيف يجدها أو يستطيع أن يعلم عنها شيئا.. فجأة يعثر عليها اليوم بدون ترتيب.. ليكتشف أنها نفسها زوجة إبن عمته الراحل ...
..سنمار ....السلام عليكم ..
..عبدون .... وعليكم السلام ..حمدلله على السلامة.. طمنى صاحبك بخير 
أيوة الحمد لله....
..يعنى خلاص كدا ولا لسه هتروحله تانى 
عادى ياحاج يمكن ابقى اروح اشوفه تانى.. فى حاجة ولا ايه..
... نظر له أبيه وقال لا أبدا أصلك بتسافر كتير الأيام دى .. وأنت عارف الشغل هنا فى حاجات كتير عايزة تتظبط .... 
..متقلقش ياحاج أنا هشوف كل حاجة.. وكله هيبقى مظبوط إن شاء الله ..
.. طيب ياولدى إن شاء الله هنزل إسكندرية أخر الأسبوع مش هتيجى معايا ....
.. لا ياحاج أنت عارف أنا مش موافق على تصرفك دا.. ومش ممكن أجى معاك أبدا....
.. يابنى تصرف ايه دلوقت هى خلفت بنت يعنى دا حقنا ...وكمان لازم نقف جنبها ونراعيها ... مش دا اللى إنت قلته وعايزنى أعمله 
ايوة هو دا اللى لازم نعمله.. لأن دا الصح ..
قال سنمار ذلك وهو يعلم داخله أن والده ېكذب.. ويجمل تصرفاته أمامه..حتى يقنعه بالمشاركة معه....
..عاد من شروده أه قلت كدا ياحاج .. ربنا يقدرك على فعل الخير والصح إن شاء الله معلش هروح اصلى و أنام لأنى تعبان من المشوار تصبح على خير....
ماشى يا بنى روح ارتاح...وأنت من أهل الخير  
.. ثم حدث نفسه ياترى مخبى ايه يا ولدى وبتعمل ايه معرفوش !!
..الإسكندرية...
.. تجلس ليساء على فراشها ..تحتضن أبنتها تحكى لها ماحدث خلال اليوم.. وكأنها صديقتها التى تؤنس وحشتها فى لياليها الباردة ....
ادى يا ست تمارا اللى حصل إنهاردة .. بس لحد دلوقت مش قادرة افتكر شوفته فين قبل كدا.. الزهايمر يابنتى نعمل ايه ....
...وإبتسمت وهى تضم أبنتها لصدرها ثم خلدت للنوم لعلها ترى حبيبها بالمنام ..!..
... صباح اليوم التالى..
...ذهبت ليساء للشركة لتتابع عملها اليومى ...
..التقطت هاتف المكتب لترد على اتصال السكرتيرة..
ايوة يانهلة 
. مدام ليساء الأستاذ سنمار على التليفون طالب حضرتك ..
... تلعثمت قليلا ثم قالت ماشى حولى الخط ..
.. حالا حضرتك..
..بادرت بالرد وهى تلقى التحية ....الو السلام عليكم....
.. رد عليها.. وعليكم السلام ورحمة الله .. ازى حضرتك عاملة ايه....
.. الحمد لله بخير .. اتفضل اى خدمة....
.. ابدا انا حبيت اطمن عليكى وعلى تمارا .. واسألك لو محتاجة اى حاجة .. احنا أهل دلوقت 
..شعرت بالإرتباك ولكنها تماسكت قائلة..
طبعا أكيد أهل.. متشكرة قوى لذوق حضرتك 
.. لو حضرتك معندكيش مانع يعنى انك تقبلى انى ابقى على اتصال بيكى علشان اطمن عليكى.. قصدى عليكم دايما....
.. تلعثمت بردها. ت ت ..تمارا بخير الحمد لله... مفيش مشكلة حضرتك تتصل فى اى وقت 
.. سنمار .. ..متشكر جدا اسيب حضرتك علشان معطلكيش....
عادى مفيش عطلة.. وشكرا على السؤال مع السلامة...
..نطق بإسمها مترجيا ....مدام ليساء....
.. نعم ....
... ممكن اخد رقم موبايل حضرتك لو مفيش ازعاج..
... قالت بتردد .... بس !!... ماشى اتفضل ......
..شكرا شكرا جدا مع السلامة ...!!!
... راحت تتحدث مع نفسها...
ايه دا !! انا ليه وافقت واديتو الرقم كدا على طول ... عادى يعنى هيجرى ايه..كان ممكن ياخده من السكرتارية... بس هو طلبه منى بذوق ...
..خلاص ياليساء متشغليش نفسك.. وانسى وشوفى الشغل اللى وراكى ....
.. البلد ...
... سنمار بعد المكالمة يحدث نفسه...
....معقول وافقت تعطينى موبايلها ..معقول افتكرتنى بس مش عايزة تقول ...طب أنا اصلا ليه طلبت منها الرقم ..
..بس الحمد لله أنها مرفضتش وكسفتنى ..مش عارف كان هيبقى شكلى ايه وقتها...
...خلاص محدش عارف ايه اللى هيحصل فى الأيام الجاية ..كله على الله.....
..منزل سالم ...
.. وفاء .... مالك ياحبيبى من ساعة مارجعت وانت سرحان ... هو حصل حاجة ولا ايه ..!
... مفيش حاجة حصلت ..بس بفكر فى موضوع خال شاهر.. واللى أبنه حكى عليه....
.. انت خاېف يكون أبنه بيكدب صح ! وتكون لعبة هو وأبوه عاملينها سوا .!!
.والله أنا فعلا خاېف تكون لعبة.. بس نظرتى كمحامى بتأكدلى أنه صادق فى كلامه إلا إذا كان ممثل محترف! ..بس حصل حاجة كدا هى اللى قلقانى ...!!
.. قالت بقلق حاجة ايه 
أول مادخل المكتب وبص على ليساء..فجأة تسمر مكانه لحظات..وبعد كدا انتبه ودخل..وكانت نظراته مركزة قوى عليها .!!
..طب مايمكن عجبته ولا حاجة ! مهما كان هى حلوة وصغيرة ..!
.. يعنى من أول نظرة ياوفاء !! .. لا لا نظراته كأنه عارفها وشافها قبل كدا . !!!
.. طب مسألتهاش يمكن فعلا تعرفو.!
.. سألتها طبعا.. وقالت لا.. وهى كمان كانت مستغربة ..!! 
..وأكمل عموما انا هدور وراه وهعرف كل حاجة عنه وبالتفصيل كمان إن شاء الله....
متقلقش ياحبيبى.. مش هيحصل حاجة وحشة ... وطالما نظرتك الاولى بتقول انه صادق .. يبقى الجاى خير وكله هيظهر باذن الله ....
.. ان شاء الله .. عندك حق يلا ننام علشان عندى محكمة بدرى ..تصبحى على خير....
وانت من اهل الخير يا قلبى ..
بعد ثلاثة أيام فى الشركة....
..دلف شخص إلى مكتب السكرتيرة .. السلام عليكم ورحمة الله....
.. وعليكم السلام .. اتفضل اى خدمة....
..الشخص ... ممكن اقابل شاهر بيه لوسمحتى... 
... برقت عينيها وقالت... ..أفندم..
..الشخص ... لوسمحتى عايز شاهر بيه قولى له خالك عبدون..
... قالت له .. لحظة واحدة ....
... ثم طرقت باب مكتب ليساء ودخلت حينما أذنت لها...
...رفعت وجهها ونظرت لها قائلة .. فى حاجة يا نهلة  
. ..أيوة يافندم واحد برة عايز يقابل المرحوم وبيقول خاله..!
.. برقت بعينيها ونظرت بذهول وقالت نعم يقابل مين !! 
... صمتت قليلا تفكر ثم سألتها...
.. سالم بيه وصل ولا لسه !
.. أيوة يافندم وصل من ربع ساعة..!!
طيب خليه يجى على طول وعطلى الراجل اللى برة شوية .. ويدخل بعده بخمس دقايق مفهوم...
.. مفهوم يافندم ....
...خرجت نهلة