بينما يعشق التنين

كده كتير عليا .. في ايه يابنتي مالك.. سكت شويه وحك دقنه اه مفيش رد برضو. يابنتي ردي قربت اقلب ارجوز 
عم الصمت مره أخرى ... فنظر لها وفهم أنها ليست على ما يرام... فتركها لتحكم زمام أمورها ومسك فونه يقلب فيه ... لا يعلم كم من الوقت مر عليهما على هذه الحالة 
أيهم بصلها وضحك يابنتي هتفضلي ساكته كده كتير.. عندي شغل 
كانت تلمع بعيناها دموع متحجره .. خائفه أن تضعف في وقت ليس مسموح لها فيه الضعف ايه آخرة مشيي معاك 
أيهم اټصدم .. مشيك معايا انتي بتقولي ايه 
غزل بصتله الحقيقة يا أيهم باشا ... حياتي اتلخبطت من بعد ما انت ظهرت فيها كل حاجه غلط وبصلح الغلط بغلط أكبر 
أيهم غمض عنيه غزل أنا عارف ان كلامك ده مش من جواكي... فقولي باختصار ايه اللي حصل! 
غزل مسحت دموعها محصلش حاجه ... أنا فوقت من الغلط اللي بعمله ولازم أصلح غلطتي 
أيهم بنفاذ صبر يابنتي هو أنا كنت عملتلك ايه! 
حاولت استجماع قواها ومسحت دموعها بهدوء متقدملي عريس يا أيهم..
يتبع
توقعاتكم 
انتهى الفصل الثاني من الجزء الثاني وعلى لقاء جديد أحبتي في الله 
والسلام عليكم ورحمة الله وبركاته

نوفيلا_بينما_يعشق_التنين
الجزء_2
الفصل_الثالث
أيهم فضل شويه يبصلها زي المغيب وهو بيسمع كلامها مش عارف ياخد قرار مش عارف يقولها ايه بالضبط .... بصلها كتير اوي وبلع ريقه واضايق وحس انه مخڼوق 
غزل عيطت بحرقه عارف كل ده معاك وحبيتك فعلا زي ما انت بتقول ... لكن انت عمرك ما هتفهم ولا عمرك هتحس پالنار اللي جوايا.. سمعت ان الحب من طرف واحد عمره ما بيدوم ومع ذلك كذبت وداني وصدقتك.. أنا فقدت الأمل فيك 
أيهم بۏجع ونبرة حزن ف صوته اللي بيحب حد يا غزل عمره ما بيفقد الأمل فيه 
غزل بدموع عمري ما فقدت الأمل فيك يا أيهم إلا لما لقيتك مش شايفني اصلا تلات سنين عدوا من حياتي ف انتظارك لكن انت عايش على مستوى عدم التنازل .. للدرجة دي ما استاهلش منك كلمة من أربع حروف ايه المهلك ف الموضوع... كل مره بتفكرني اننا مجرد أصحاب مش اكتر... عارف يعنى ايه أرفض اي حد يتقدملي عشان خاطرك وانت للأسف مش موجود... من كتر ما أنا موهومه بحبك حلمت انك بتقولهالي وانت مش حاسس بيا.. أنا فشلت معاك فشلت اني اغير فيك صفة واحده يا أيهم وفشلت حتى ف انتظارك ! 
أيهم بمقاطعة وصدق ملموس بحديثه غزل أنا فعليا اتغيرت من ساعة ما ډخلتي حياتي 
غزل مش انت اللي تحكم انت اتغيرت ولا لأ... انت لسه بتشرب وتسكر وتعرف بنات ... انت ما اتغيرتش ابدا ولا يمكن هتتغير .. عارف ليه عشان ديل الكلب عمره ما يتعدل... مسحت دموعها وبصتله أنا مش اسفه غير على الوقت اللي ضيعته معاك تحت مسمى اني ممكن اخد بايدك من الوحل ... هو عاجبك والناس اللي فيه عجباك يبقى أنا مليش وجود فى حياتك ابدا .. عن اذنك 
كانت هتنزل فمسك ايدها فوزعت هي نظراتها المشوشه من كثرة الدموع وقالت بسخرية واه انا فوقت لنفسي وعرفت اني مينفعش أكون رخيصه لدرجة انك تمسك ايدي 
كان يود أن يقول لها انك بالنسبة له لستي كما تفكرين انتي أصبحتي الآن قلبه وعقله وروحه ولكن لسانه لم ينطق بعد هو الآن يود قطع لسانها على ما تتفوه به في حق نفسها فأبعد يده عنها سريعا وكأنه بفعلته تلك ېصرخ بها ويقول لها لالا تتحدثين هكذا ابدا ولكن لم تسعفه الكلمات ولا الحروف فابتلع ريقه بهدوء متحدثا غزل أنا بحبك بجد 
قهقهت بسخرية واڼفجرت الدموع فكانت تبكي وتضحك بنفس الوقت .. وجهتها تلك قطعت بشرايين قلبه ولكن سكت حتى تكلمت هي بۏجع ونبرة تريقه طب ما أنا بحبك اوي اوي برضو.. بس عادي مهو الكلام سهل جيت متأخر اوي يا أيهم باشا العسيلي .. 
أيهم اتنهد پألم وۏجع وحرقه وحزن شديد غزل .. انتي واثقه ان الحياة بينا مستحيله! 
غزل بنظرات قوية احنا مفيش بينا حاجه عشان يكون في حياة احنا كلامنا من الأول كان حرام وخروجي معاك من الأول كان حرام واللي بيبدأ بالحرام ربنا مستحيل يبارك فيه 
أيهم بصوت هادى هتقدري تحبي حد بعدي! 
غزل بتريقه بجد والله! يعني هتخرج من حياتي وعاوزني اقولك مش هحب غيرك! الدنيا موقفتش ولا هتقف على حد .. واحب اقولك اطمن انا مبحبش حد غير نفسي ... أنانية! ايوا أنانية 
ونزلت من عربيته بسرعة البرق قبل ان ټنفجر تلك الدموع .. كانت منتظره انه حتى يتمسك بيها لكن كنتي غلطانه من البدايه يا غزل ! 
ظل هو يراقب ظلها حتى اختفت من أمامه نهائيا وكل كلمه قالتها بتتردد في خياله مره ورا مره .. وكلمة متقدملي عريس يا أيهم مش بتفارق تفكيره.. كل حرف نطقته بيتردد في مخيلته مية مره 
.......... 
في فيلة سامر 
ظلت صغيرتها تبكي پهستيريا وهي ترى والدتها في حالة لا تحسد عليها قط .. ذهبت إلى والدتها الحنونه لتمسك يدها بيديها الصغيرة مامي مامي بثيلي
كانت شذا تفتح عيناها الحمراء من كثرة البكاء والدموع المترغرغه بداخلهما ببطء شديد وتوهان هاا .. ن.. عم يا كارما .
كارما مسحت دموع أمها ببراءة مس انتى قولتي يا مامي مس ينفع اعيط عسان انا كميلة.. وانتي كميلة اوي يا مامتي مس ټعيطي اوك 
ابتسمت شذا باڼهيار وحزن عميق بداخلها حاضر يا حبيبتي مش هعيط .. اممم هاتي بوسه بقا 
كارما بسعادة ايوا هي دي مامتي القمر .. وقبلتها من خدها ثم احتضنتها أنا بحبك اوي اوي يا مامي 
شذا وانا يا قلب مامي بعشقك.. فين زيزو 
كارما زين راح مع بابي السركه 
شذا بمشاكسة اممم وانتي بتصحي مامي ليه بقا 
كارما بضحكة طفولية بريئة عسان المغرب اذن ومس يضيع علينا صح 
شذا ابتسمت بحب اه يا قلبي شطوره انتي حبيبت قلب مامي .. يلا قولي لنانا مامي هتلبس ونازله 
كارما اوك... باي مامي مس تتأخري 
شذا اتعدلت وحاولت تمسك نفسها وتبطل ټعيط ولازم تفهم هو ماله وايه اللي غيره كده من ناحيتها معقول حبه ليها كان زمان وخلاص خلص! لالالا هزت رأسها برفض وأمسكت بصورتهما سويا وضحكت على جنونهم كانت صورة لكلاهما في وسط الثلوج بإحدى المدن الاوروبيه وهي كانت تتخبط أسنانها ببعضها والثلج يصل حتى أعلى قدميها وتتمسك به بقوة وهو ېصرخ ويحاول الإبتعاد عنها من امساكها له من رقبته ويده مرفوعه فوق رأسها على هيئة قبضة ليضربها ففرت دمعه خائڼة وحشتني اوي يا سامر 
........... 
غزل باڼهيار تام وعياط هستيري قولتله يبعد عني يا شهد... أنا بحبه بحبه ومقدرش أعيش لحظة من غيره بس كان لازم اعمل كده ... كان لازم أكون أنانية مره 
شهد حست بۏجع لأنها جربت