لا أحد سواك

بجانب السرير فى أحضانها ايضا لكى تشعر انه ما زال قريب منها نظرت الى صورته وكانها تكلمه
سچى...انت وحشتنى اوى من دلوقتى يا رائف امال هعمل ايه الايام الجاية دى كلها ترجعلى بالسلامة يا حبيبى
اثناء حديثها مع صورة زوجها سمعت صوت طرق على باب الغرفة قامت فتحت الباب وجدت ريهام على الباب ولكن يبدو عليها الحزن
سچى باستغراب...فى ايه يا ريهام مالك
ريهام........
رأيكم يا حلوين
لا احد سواك رائفى
البارت الثالث والعشرين
اثناء حديثها مع صورة زوجها سمعت صوت طرق على باب الغرفة قامت فتحت الباب وجدت ريهام على الباب ولكن يبدو عليها الحزن
سچى باستغراب...فى ايه يا ريهام مالك
ما تضحكينى كده 
ريهام...مش احسن ما ننجن انا وانتى يا سچى
سچى...خلاص يلا نامى واسكتى واياكى توقعينى من على السرير انتى فاهمة يا ريهام
ريهام...مټخافيش هنام مؤدبة ومش هعملك إزعاج دا انا نسمة والله
ظلت ريهام تتحرك كثيرا اثناء نومها حتى طار النوم من جفون سچى فصړخت سچى فيها
سچى... ايه انتى يا حجة كفاية ترفيص بقى حرام عليكى هو جوزك مستحملك ازاى كده يا ساتر عليكى
ريهام...بتقولى حاجة يا سچى فى حاجة ولا ايه
سچى... فى حاجة ! انتى مش حاسة بنفسك ولا ايه بقولك اتهدى بقى مش عارفة انام ايه ده ولا اربطك فى السرير احسن
ريهام...لاء خلاص هنام ساكته اهو معلش يا سچى استحملينى
سچى...دا انتى نومك طلع رهيب ازاى أكرم مستحملك كده ده له الجنة والله
ريهام...جوزى بقى يا ستى ولازم يستحمل لو هو مستحملش اجيب حد يستحملنى منين
سچى...الله يكون فى عونه بجد عليكى انا لو منه انيمك على الأرض ترفصى براحتك
ريهام...قصدك ايه يا سچى ها قولى انتى تقصدى ايه
سچى...دا انتى عماله تتقلبى يمين وشمال والاقى ايدك نازلة على وشى انتى بتتخانقى وانتى نايمة ولا بتحلمى بخناقة ولا فى إيه
ريهام...هههه معلش دى كوابيس بس علشان اكرم سابنى وسافر 
سچى...ما تسكتى بقى يا ريهام هو انتى كل شوية تفكرينى انهم سافروا اسكتى بقى ونامى ربنا يهديكى
كانت مايا عاقدة العزم على ان تنهى خطبتها من هانى بعد ان علمت من عصام ان رائف سافر لإجراء العملية التى سيصبح بعدها انسان طبيعى مثل ما كان سابقا لذلك اخذت قرارها ان تنهى هذه الخطبة حتى تستطيع ان تعود لرائف ثانية بعد عودته من لندن
هانى...مالك يا مايا فى ايه بكلمك مبترديش عليا في حاجة حصلت
مايا...هو الصراحة يا هانى انا عايزة اقولك حاجة مهمة
هانى...حاجة ايه دى قولى يا مايا خير
مايا...احنا مش هننفع نكمل مع بعض يا هانى احنا لازم نسيب بعض
هانى...نعم وجاية تقولى دلوقتى وخلاص فرحنا قرب انتى اتجننتى يا مايا ولا ايه
مايا...هانى احترم نفسك فى الكلام انت عارف مبحبش حد يكلمني بالاسلوب ده انت فاهم
هانى...احترم نفسى ! جاية تقوليلى دلوقتى ان احنا مننفعش مع بعض ولازم نسيب بعض واخنا خلاص كنا قربنا نتجوز
مايا...مش احسن ما نتجوز ونتعس بعض يا هانى ومنبقاش مبسوطين ونزهق بعض
هانى...والله وانتى اكتشفتى دلوقتى ان احنا مش هنبقى مبسوطين مع بعض فجأة كده
مايا...انا مقدرش اكمل فى موضوع انا مش مرتحاله يا هانى فخلاص كل واحد يروح لحاله وخلاص نسيب بعض واحنا مخطوبين احسن ما ييجى وقت ونضطر نطلق فيه
هانى...وايه السبب بقى يا مايا دلوقتى انك عرفتى انك مش هتبقى مبسوطة معايا ايه حنيتى لخطيبك الاولانى
مايا...ده شئ ميخصكش يا هانى واتفضل دبلتك وكل حاجتك اهى اتفضل سلام
وقامت بوضع دبلتها وكل الاشياء التى اشتراها لها اثناء خطبتهم امامه على المنضدة وتركته وذهبت وهو لم يستوعب بعد الطريقة التى انهت بها كل شئ بينهم
هانى...كده يا مايا صبرك عليا
ركبت مايا سيارتها وهى تشعر بالسعادة انها استطاعت ان تتخلص من هانى وربما ستعود الى رائف مرة أخرى فهى ترى انه يجب ان يكون لها هى فهو دائما ما كان يخبرها بحبه لها وربما مازال يحبها لذلك لن تدعه ان يكون لاحد غيرها حتى ولو كان متزوجا
مايا...اكيد رائف لسه بيحبنى بس اتجوز علشان يلاقى واحدة تساعده ودلوقتى هيبقى كويس والمشكلة دى خلاص هتخلص وممكن نرجع لبعض تانى
فى منزل فادية
كانت تقف امام المرآة تنهى زينتها عندما سمعت صوت جرس الباب قامت بفتح الباب وكان شريف ويبدو على وجهه علامات الحزن المصطنع فاستغربت فادية من حالته
فادية...انا خلصت اهو يلا بينا بقى علشان نخرج
شريف باستسلام...ماشى يلا بينا يا حبيبتى
فادية...مالك يا شريف فى ايه ملامح وشك متغيرة وباين عليك زعلان
شريف...مفيش حاجة يا حبيبتى متشغليش بالك انتى
فادية...مشغلش بالى ازاى بس مالك فيك ايه وايه اللى حصل زعلك اوى كده
شريف...انا اتسرقت يا حبيبتى كل فلوسى اتسرقت منى وانا جايلك
فادية...اتسرقت ازاى يا شريف
شريف...كان معايا خمس الاف جنية وانا جاى فشكلى اتسرقت لما حطيت ايدى فى جيبى ملقتش الفلوس وهى دى اللى كنت هفسحك بيهم فأنا زعلان علشان مش هعرف افسحك زى ما كنت عايز
فادية بابتسامة... خلاص يا حبيبى ولا يهمك ولا تزعل نفسك خالص انا هديك الفلوس
شريف...لاء انا ازاى اخد فلوس منك لاء مش هاخد حاجة
فادية...مش انا وانت بقينا حاجة واحدة ياشريف وخلاص هنتجوز
شريف...اكيد يا حبيبتى بس ازاى اخد فلوسك لاء طبعا مقدرش
فادية...فلوسى هى فلوسك واحنا خلاص قربنا نتجوز يعنى مفيش فرق بينى وبينك واحنا هنبقى واحدة مفيش فرق بين فلوسى وفلوسك لازم تتأكد من كده يا شريف
شريف...تسلميلى يا روحى
فادية...هدخل اجبلك الفلوس من جوا ثوانى بس
دخلت فادية الى غرفتها اخرجت صندوق من الدولاب الخاص بها به بعض المال اخذت المبلغ المطلوب ثم اعادته مكانه وكان شريف ينتظر على احر من الجمر حتى ياخذ منها المال فكل هذا لم يكن سوى خطة منه حتى يستنزف مالها بأكمله فماذا يريد منها اكثر من ذلك فهو شاب في ريعان شبابه لماذا اختار ان يرتبط بأمرأة فى سن أمه الا لكى يستطيع ان يأخذ منها المال 
فادية...اتفضل يا شريف الفلوس اهى ولا تزعل نفسك خالص
شريف...تسلميلى ياقمر وانا لما يجيلى فلوس هرجعهملك على طول
فادية...براحتك يا حبيبى على اقل من مهلك خالص
شريف...مش عارف من غيرك كنت عملت ايه يا حبيبتى ربنا ميحرمنيش منك
فادية... ولا منك يا شريف يلا بقى نخرج مش هتفسحنى