لا أحد سواك

فى يوم من الايام
بدأت الامتحانات وضعت سچى وريهام وشادى كل تركيزهم فى اداء الامتحانات عندما عاد رائف ووالده من الشركة لاحظوا هدوء غريب فى البيت
رائف...هو البيت هادى ليه كده
هدى...انت عارف ان اللى بيعمل دوشة بيذاكر علشان الامتحانات
ماهر...وانا بقول برضه شادى مش باين ليه
صفية...ربنا يوفقهم كلهم 
رائف...هى سچى فين
هدى..كانت بتذاكر هى وريهام فى الاستراحة
قالت هدى ذلك ولاحظت دخول سچى وريهام فسچى تعلم ان ميعاد رجوع زوجها من العمل الآن وريهام ايضا وجدت زوجها يدخل المنزل بعد رجوعه من المستشفى
اكرم...السلام عليكم
جميعهم...وعليكم السلام
رائف...ماما لو سمحتى خليهم يحضروا العشا انا جعان
هدى...حاضر يا حبيبى غيروا هدومكم والعشا هيكون جاهز
على السفرة
كان شادى كعادته يجلس يضحك ويمزح فهو لا يكف عن الضحك لذلك يعشقه كل أفراد اسرته وخاصة اخيه رائف
رائف...عامل ايه فى الامتحانات ياشادى
شادى...عامل بالنصيحة يا ابيه وساعات بعمل عبيط
أكرم...ايه يا واد خفة الډم دى اللى انت فيها
رائف...هههه هو العبط بينفع فى الامتحان
شادى... مقولكش العبط بيجيب تقديرات كمان
ماهر..ربنا يوفقك يا حبيبى
شادى...تسلملى يا بابا
أكرم...والدكاترة بتوعنا عاملين ايه
ريهام...الحمد لله لا تقلق 
أكرم... طالما قولتى لا تقلق يبقى لازم اقلق
سچى...لاء بجد الامتحانات لحد دلوقتى ماشية تمام
رائف...بالتوفيق ان شاء الله
قال ذلك وابتسم لها ابتسامته الخاصة بها التى تجعل قلبها ينبض بقوة قلبها الذى اصبح هو مالكه دون سواه
كان عصام يبحث عن اى طريقة لايذاء رائف ولكن الله لم يجعله يتمادى فى تصرفاته ففى احد الايام عندما كان يستقل سيارته عائد الى منزله وجد سيارة تعترض كريقة نزل من سيارته وجد هانى ومعه اثنين يبدو عليهم البلطجة والاجرام
عصام...عايز ايه ياض انت
هانى...ياض ! انا هوريك انا هعمل ايه انا عايزكم تظبطوه 
وبالفعل قام الرجلان بضړب عصام بقوة حتى عجز عن الدفاع عن نفسه وتركوه غارق فى دماءه وذهبوا وجده احد المارة بالصدفة وذهب به الى المستشفى وهو فى حالة يرثى لها وبعد ان افاق وجد الدكتور بجانبه
الدكتور...حمد الله على السلامة
عصام بتعب...الله يسلمك انا حصلى ايه
الدكتور...الحمد لله جت سليمة بس كتر الضړب ممكن يخليك تفضل فترة متقدرش تمشى
عصام پذعر...ايه انا هبقى عاجز
الدكتور...الموضوع مؤقت على ما تخف وهترجع تمشى تانى متقلقش
بعد ان سمع عصام ذلك ادرك كيف كان إحساس رائف بالعجز فالله اذاقه ايضا من نفس الكأس حتى يشعر باحساس غيره فربما هذه رسالة من الله حتى يكف عما يفعل من تصرفات كانت ربما ستأذى انسان آخر
مرت الايام سريعا وانتهت الامتحانات وكان رائف عند وعده لها بأنه سياخذها لعمل العمرة وبالفعل سافر الجميع لتأدية العمرة بقلوب ممتلئة بالسعادة والفرح وشعور روحانى فكل منهم كأنه عاد انسان جديد
فى احد الايام سمعت أروى صوت جرس الباب فتحت وجدت خطيبها هشام ولكن يبدو على وجهه ان هناك کاړثة قد حدثت
أروى... خير يا هشام فى ايه
هشام...اروى تعالى بسرعة مامتك فى المستشفى
أروى بخضة.. فى المستشفى ليه ايه اللى حصل
هشام..الواد اللى كان اسمه شريف ده ضربها پسكينة وسرق فلوسها ودهبها وۏلع فى البيت وهرب وهى دلوقتى فى المستشفى بين الحيا والمۏت
سمعت أروى ذلك هربت الډماء من عروقها ذهبت سريعا مع هشام لترى امها وصلت إلى المستشفى بقلب كاد أن يتوقف من شدة الخۏف دخلت الغرفة وجدت والدتها وقد احړق جسمها باكمله حتى تغيرت ملامحها بكت اروى بشدة ولكنعا سمعت صوت هامس من أمها
فادية بهمس... أروى
أروى بدموع...ايوة يا ماما الف سلامة عليكى
فادية... سامحينى يا أروى
قالت فادية ذلك وصعدت روحها الى بارئها وقد اسدلت الستار على حياتها بحلوها ومرها بخيرها وشرها
أروى...ماما ماما ردى عليا
هشام...شدى حيلك يا أروى البقاء لله
عندما علمت سچى بما حدث ذهبت هى وزوجها سريعا الى المنزل حتى تكون بجوار اختها وتواسيها فيما حدث
سچى...حبيبتى شدى حيلك البقاء لله
أروى...ونعم بالله 
رائف...البقاء لله يا آنسة اروى
أروى...ونعم بالله وتسلموا على تعبكم
سچى...متقوليش كده يا حبيبتى انتى اختى وحبيبتى
أروى...ربنا ما يحرمنى منك يا سچى
حامد...سچى ممكن اتكلم معاكى شوية
سچى...اتفضل يا بابا
جلست سچى مع أبيها لتعرف ماذا يريد منها فهو يريد ان يطلب منها ان تسامحه
سچى...خير يا بابا فى حاجة
حامد...انا كنت عايزك يا بنتى تسامحينى
سچى...اسامحك على ايه
حامد...على اى حاجة عملتها وزعلتك على ان انا مكنتش الاب اللى انتى عيزاه على اللى عملته فيكى وفى امك سامحينى علشان ضميرى يرتاح وربنا يسامحنى هو كمان
سچى...بابا انت فى الاول والاخر ابويا يعنى انا مقدرش افضل زعلانة منك 
حامد...صدقينى وانا هحاول اعوضك عن الإحساس ده اللى باقى من عمرى وعايزك تاخدى بالك من أروى
سچى...ان شاء الله 
انتابت سچى وريهام أعراض الحمل ولكن كل من هن لم تعرف سبب هذا الشعور بالتعب
ريهام...بت يا سچى
سچى...فى ايه
ريهام...انا حاسة ان انا تعبانة على بردانة على جعانة احساسات غريبة كده
سچى...وانا كمان مش عارفة ايه ده معقول نكون واخدين برد
ريهام...احنا الاتنين مش عارفة بس تفتكرى ان احنا نكون حوامل
سچى بأمل...تفتكرى يا ريهام
ريهام...احنا احسن حاجة نروح نعمل تحليل حمل ونعرف
سچى...ماشى يلا بينا
ريهام...احنا نعمل تحليل ډم اضمن بس بلاش نقول لحد لغاية ما نتأكد
ذهبت ريهام وسچى لعمل اختبار الحمل وظهرت النتيجة وكانت ايجابية كانت كل من هن لا تصدق انها ستصبح ام 
سچى بفرحة عارمة...ريهام احنا حوامل بجد
ريهام...اه يا سچى هجيب عيال لابو غمازات
سچى..انا فرحانة اوى اوى اوى
ريهام...وانا كمان يا خرابى لو خلفت عيل حلو كده زى ابوه دا انا اكله اكل كده
سچى ...طول عمرك مفجوعة
عادوا الى المنزل ولم يخبروا احد قبل ان يخبروا ازواجهم بهذا الخبر السار
فى غرفة أكرم
عاد أكرم من عمله وجدها تنتظره فى الغرفة بلهفة شديدة وعلى وجهها ابتسامة عريضة
أكرم...السلام عليكم
ريهام...وعليكم السلام حمد الله على السلامة
أكرم باستغراب...فى ايه يا ريهام مالك حاسس ان فى حاجة
ريهام... أكرم انا عايزة رنجة
أكرم...عايزة ايه يا اختى رنجة واجبلك رنجة منين دلوقتى
ريهام... طب مانجة
أكرم... ايه طلباتك الغريبة دى يا ريهام النهاردة
ريهام...ما تفهم بقى يا دكتور بقولك عايزة رنجة انت مش فاهم
أكرم...لاء مش فاهم
ريهام...انا حامل يا دكتور حامل فهمت
أكرم...طب ما انا عارف بس حبيت استهبل عليكى شوية
ريهام...بجد يا أكرم
أكرم...ايوة يا روح أكرم دا احلى خبر سمعته النهاردة ان انا هيبقى ان شاء الله عندى اولاد منك
ريهام....مش اكتر منى اه لو يطلعوا بغمازاتك الحلوة دى
أكرم...الغمازات وصاحب الغمازات تحت أمرك
فى غرفة رائف
عاد من عمله دخل الى الغرفة اخذها فى أحضانه فهذه هى عادته دائما عندما يعود اليها
سچى... براحة يا حبيبى
رائف...فى ايه انا بحضن بلاش يعنى
سچى..كده هتفعصنى
رائف...وايه يعنى بلاش يعنى
سچى...ماهو مش هتفعصنى لوحدى كده
رائف...يعنى ايه مش فاهم
سچى بابتسامة...يعنى هتفعصنى انا وابنك ولا بنت اللى جوا دول
رائف...انتى قصدك انك حامل
سچى...ايوة يا حبيبى انا حامل وهتبقى انت بابا وانا ماما
رائف بفرحة...بجد يا سچى بجد الكلام ده انا هيبقى عندى اولاد منك ويطلعوا شبهك كده
سچى...مبسوط يا حبيبى
رائف...مبسوط! دا انا ھموت من الفرحة
سچى...بعد الشړ عليك يا حبيبى
كانت الدنيا لا تسعه من فرحته ان الله سيرزقه بذرية من زوجته وحبيبته
عندما علم من فى المنزل بخبر حمل سچى وريهام كانوا سعداء جدا