لا أحد سواك

رأسه تحسى كأن الاتنين حاجة واحدة كأنهم اتنين اصحاب متعلقين ببعض اوى
ريهام...ممكن يكون الحصان ده بتاعه من زمان علشان كده مرتبطين ببعض
سچى بحب...ممكن لأن اللى يعرف رائف يلاقى نفسه بيحبه من غير ارادة منه بيسيطر على القلوب بسرعة
ريهام...يا عينى يا عينى على الحب ويا عينى على الحلو لما تبهدله الأيام
سچى...على اساس ان حضرتك مش متنيلة وبتحبى جوزك انتى كمان
ريهام...كرومتى دا انا بعشق امه ابو غمازات الحلو ده
سچى بابتسامة....ربنا يسعدكم يا حبيبتى يارب
ريهام...ويسعد قلبك انتى كمان يا سچى
سچى...مش عارفة من غيرك كنت عملت ايه يا ريهام احلى حاجة انك فضلتى معايا برضه كنت صاحبتى وحبيبتى بقيتى كمان سلفتى
ريهام بمزاح...كنتى هتعملى ملوخية يا روحى
سچى... ههههه مبتعرفيش تتكلمى جد ابدا يا ريهام
ريهام...دا انا اموت لو اتكلمت جد ومهزرتش احلى حاجة ان الواحد يبقى فرفوش كده
سچى...بعد الشړ عليكى يا قمر 
ريهام...حبيبة قلبى هى فين السلسلة بتاعتك صحيح
سچى بدهشة...السلسلة
وضعت سچى يدها تلقائيا على عنقها ولكنها لم تجدها فهى تتذكر انها لم تقوم بخلعها ابدا منذ ان البسها اياها رائف بنفسه فأين تكون الآن
سچى بحزن... السلسلة راحت فين 
ريهام...اهدى جايز تكونى قلعتيها فى اوضتك
سچى...انا مش پقلعها من رقبتى ابدا انا خاېفة تكون ضاعت دى هدية رائف ليا فى عيد ميلادى وغالية عليا اوى
ريهام...تعالى ندور عليها في اوضتك يمكن نلاقيها
ذهبت ريهام وسچى للبحث عن تلك السلسة فى غرفتها قامت بالتفتيش فى كل مكان ولكنها لم تجدها
سچى...برضه مش لقياها
ريهام...ولا انا برضه لقياها هتكون راحت فين يعنى
سچى... ريهام دورى عليها مكان ما كنا قاعدين فى الجنينة وانا هروح ادور فى الاسطبل جايز تكون وقعت منى هناك
ريهام... ماشى
ذهبت سچى إلى الاسطبل للبحث عن تلك السلسلة فهى غالية عليها جدا لأن من اهداها اياها هو زوجها
سچى...هتكون راحت فين بس ياربى
اثناء بحثها سمعت صوت عصام خلفها يسألها عن ماذا تبحث
عصام...بتدورى على حاجة يا دكتورة سچى
سچى...فى حاجة يا استاذ عصام
عصام...ممكن تقوليلى عصام من غير استاذ وانا ممكن اقولك يا سچى احنا بقينا معرفة
سچى...انا مش بشيل التكليف بينى وبين حد مليش صلة بيه
عصام...ما انا مبقتش غريب
سچى...بالنسبة ليا غريب انت اه معرفتهم هم لكن مش معرفتى انا فأنا لازم اتعامل معاك على الاساس ده
عصام...ما احنا ممكن نتعرف عادى يعنى
سچى... حضرتك عايز ايه يا استاذ عصام بالضبط وجايلى انا هنا ليه
عصام...مالك متنرفزة ليه كده
سچى...انا مش متنرفزة حضرتك عايز ايه دلوقتى
عصام...عايز اديكى حاجة تخصك
سچى...وحاجة ايه اللى تخصنى دى
عصام...هى دى الحاجة اللى تخصك
اخرج من جيبه تلك السلسلة التى تبحث عنها سچى فاستغربت سچى كيف وصلت تلك السلسلة الى يد عصام
عصام...مش السلسلة دى بتاعتك ولا انا بيتهيألى
سچى...ايوة دى سلسلتى بس انت لقيتها فين او وصلتلك ازاى
عصام.......
رأيكم يا حلوين
لا أحد سواك رائفى
البارت الحادى والعشرين
اخرج من جيبه تلك السلسلة التى تبحث عنها سچى فاستغربت سچى كيف وصلت تلك السلسلة الى يد عصام
عصام...مش السلسلة دى بتاعتك ولا انا بيتهيألى
سچى...ايوة دى سلسلتى بس انت لقيتها فين او وصلتلك ازاى
عصام...انا لقيتها واقعة منك هنا فى الاسطبل لما جيت اول مرة وشوفتك انتى ورائف
سچى...ولما حضرتك لقيتها مدتهاش ليا ليه ليه خلتها معاك او كنت تديها لرائف وهو كان هيديهالى
قامت بسحب السلسلة من يده بحركة غاضبة فهو يتعمد ان يشعرها بالڠضب والقرف من تصرفاته
عصام ببرود...مش عارف ايه اللى خلانى اخليها معايا اصل انا لقتها بعد ما جوزك هو كمان سابنى ومشى فمردتش اتعبه وانادى عليه وقولت اجى اديهالك
سچى... تديهالى ! على العموم شكرا وعن اذنك بقى
عصام...وانتى مستعجلة ليه كده مستعجلة تروحى لرائف لحق وحشك بسرعة كده
سچى بتساؤل....انت عايز ايه بالظبط يا استاذ عصام علشان انت كلامك مش مريح وانا مبحبش كده
عصام...ليه هو انا قولتلك ايه علشان كلامى ميبقاش مريح او علشان انتى متحبيش كلامى انا بتكلم عادى اهو
سچى...انا عايزة اقولك حاجة واحدة بس لو عقلك مصورلك انك تقدر تتجاوز حدودك معايا احسنلك متفكرش
عصام...هو فين التجاوز اللى حصل منى ده يا دكتورة سچى انا قولتلك ايه لده كله
سچى...لا تقولى ولا اقولك و عن اذنك بقى علشان متأخرش على جوزى
شددت على تلك الكلمة حتى تفهمه انها لن تسمح له بتجاوز حدوده معها فالافضل له ان يظل بعيد عنها فهى اصبحت لا تطيق رؤية وجهه ولا تلميحاته المستفزة
ابتسم عصام نصف ابتسامة وكأنه لديه الاصرار الكامل على ان يجعل رائف يعانى مثلما عان هو من مقارنته به منذ ان كانوا صغارا
عصام... هنشوف يا دكتورة سچى هتفضلى على عندك لحد امتى
عادت سچى الى غرفتها وهى تشعر بالقرف لان هذا الشخص لمس تلك الذكرى الغالية عليها لاحظت ان قفل السلسة به عيب ويجب اصلاحه وربما هذا ما تسبب فى فقدانها كان رائف دخل الغرفة لاحظ وجود السلسلة فى يدها وليس فى رقبتها مثلما اعتاد ان يراها
رائف...انتى قلعتى السلسلة ليه يا سچى
سچى...القفل بتاعها فيه مشكلة عايز يتصلح يا حبيبى
رائف...خلاص هبقى اخلى أكرم يا خدها يصلحها لما نرجع البيت
سچى...ان شاء الله انت جيت الاوضة ليه فى حاجة حصلت ولا ايه
رائف...لاء بس لما اتأخرتى جيت اشوف فيكى ايه وخصوصا ان ريهام رجعت وانتى لاء انتى كويسة ولا فى حاجة ضايقتك
سچى...انا كويسة يا حبيبى مفيش حاجة متقلقش انا تمام
رائف...سچى
سچى...نعم يا قلب سچى
رائف بغيرة...هو عصام كان بيقولك ايه وانتوا فى الاسطبل وكان عايز منك ايه
سچى...وانت عرفت منين ان احنا كنا هناك فى الاسطبل هى ريهام اللى قالتلك
رائف...لما سألت ريهام عنك قالت انك روحتى الاسطبل علشان السلسلة بتاعتك ضاعت وانتى بتدورى عليها لما روحت اشوفك لقيت عصام هناك هو كمان وانتى سبتيه ومشيتى فعايز اعرف حصل ايه علشان لو هو ضايقك انا مش هعديهاله على خير وهطلع روحه فى ايدى لو كان عمل حركة مش ظريفة من حركاته المستفزة
سچى...هو ميقدرش يضايقنى لانى مش هسمح له بحاجة زى دى فى حدود فى التعامل لازم ميتخطهاش ولازم يلزم حدوده
رائف...عصام انا عارفة كويس انسان سمج ورزل ومش بيبطل حركاته الغريبة دى وخصوصا ان انا اعرفه من واحنا صغيرين وعارف كل الاعيبه
سچى...على نفسه مش عليا مش انا اللى اسمح لاى حد ان يرزل عليا او يضايقنى انا بتعامل مع الناس باحترام اه لكن كل حاجة بحدود وبحساب وانا مش من طبيعتى ان انا اتكلم مع اى حد وانا عشت معاكم فى البيت وعرفت انا ماما مربيانى ازاى
رائف...انا عارف يا حبيبتى كل الكلام اللي قولتيه ده لأن انتى مفيش زيك يا عمرى وطبعا انا واثق فى اخلاقك وتربيتك بس انا مش بطيق حد يقرب منك وخصوصا هو ببقى نفسى اكسرله رقبته
سچى...وتجيب لنفسك مشكلة ليه بسببى يا حبيبى انا اعرف اتجنبه ازاى ووقفه عند حده انا شريرة بس انت لسه متعرفش ههههه
رائف....ههههه فى شريرة حلوة كدة ومؤدبة بالشكل ده
اقترب منها اخذها فى أحضانه بقوة وضعت يديها حول خصره تضغط بوجهها على صدره فكان صوت دقات قلبه عاليا كأنها تخبرها بمدى عشقه لها الذى اصبح يسرى فى كل خليه من خلاياه
رائف بعشق... بعشقك اوى اوى يا قلبى
سچى...وانا