لا أحد سواك

نجيب مربية علشان ترتاحى
سچى...هو تعب اه بس تعب لذيذ ثم ده ابنى محدش ياخد باله منه غيرى
رائف...طب وابوه مين اللى ياخد باله منه
سچى...انا برضه يا روحى مفيش اهم منكم عندى
بعد ان انتهت سچى من حمامها ذهبت سريعا وارتدت ملابسها لكى تذهب الى ابنها وجدت رائف ينادى عليها
رائف...سچى
سچى...نعم يا حبيبى
رائف...نسيتى تقفليلى زراير القميص يا عمرى
سچى...هههه معلش نسيت
رائف..اه ما استاذ باسل واخدك منى
سچى...على اساس ان باسل ده مش ابنك انت كمان
رائف..ماهو علشان هو ابنى انا ساكت ومش قادر اتكلم
سچى...طب يلا بقى زمانه ڤاضح الدنيا بسبب عياطه وجاب لطنط هدى وتيتة الصداع
رائف...لو معملش كده ميبقاش ابنى
بعد ان انتهت مما تفعله لم يتركها تذهب قبل ان يعانقها ذلك العناق الذى ينسيها ماذا كانت ستفعل ولا تتذكر سوى انها بين ذراعيه وفى أحضانه
شادى...حبايب عمو هاتيهم يا ماما
هدى...بلاش عض يا شادى انت شايف هم مش ساكتين اصلا
شادى... لسه بدرى عليهم فى مرحلة العض دلوقتى هبوس بس
صفية...عقبال عندك لما نفرح بيك انت كمان يا خبيبى ونشوف ولادك انت كمان
شادى....ربنا يباركلنا فيكى يا تيتة بس لما اخد الدكتوراة الأول
هدى... احلى دكتور يا ناس
ماهر...انت قدمت على الماجستير خلاص
شادى...ايوة يا بابا خير البر عاجلة
صفية...ان شاء الله تبقى اشهر عالم فى الدنيا
شادى...ايوة كده ادعيلى يا تيتة وركزى فى الدعاء ليا اوى
بعد مرور سنوات
كان الله رزق سچى ايضا بتؤام بعد باسل اسمتهم أسر حور وريهام رزقها الله بطفلة بطفلة اسمتهامريم وايضا انجبت أروى طفلتين جودى وبسملة
كانت هدى وماهر وصفية ينظرون الى احفادهم بشعور السعادة فالمنزل اصبح مثل الجنة بسبب وجود هؤلاء الصغار بالرغم من شقاوتهم
كانت ريهام مازالت تلك المچنونة ذات التصرفات الطفولية التى لا تتركها ابدا
ريهام...يلا يا حبايبى قولوا ورايا سمكة يعنى fish طبق يعنى dish يلا قولوا
سچى...انتى بتعملى ايه يا ريهام انتى دماغك لسعت
ريهام...بتسلى يا سچى يا حبيبتى اعمل ايه ماهو الشغل ومش عارفين نشتغل بسببهم فبمارس مهنة التعليم
سچى...دا الحمد لله انك مش مدرسة دا انتى فاشلة
ريهام...بقى كده يلا خدى ولادك من هنا مش هذاكرلهم
سچى...ولا تذاكرى لولادك كمان دى العيال بيتكلموا انجليزى احسن منك
ريهام...اه والله انتى بتقولى فيها
سچى...مش بقولك فاشلة
ريهام...ماشى هوريكى يا سچى
قامت ريهام تجرى خلف سچى كعادتهم ولكن سچى اصطدمت بذلك الرجل الطويل الذى تأسرها رؤيته وابتسامته حتى بعد مرور تلك السنوات
رائف...بتجروا ورا بعض ليه كده
سچى... عايزة تضربنى يا رائف الحقنى
رائف بضحك...سكت مراتك يا اكرم ومتخلهاش ټضرب مراتى احسن اضربك انت
أكرم...الله وانا مالى يا لمبى تضربنى انا ليه عجبك كده يا ريهام هتجبيلى الضړب بعد العمر ده كله
رائف...هو انا اقدر اضربك برضه يا حبيبى
ريهام...شوفت سيبونا بقى نصفى خلفاتنا براحتنا تعالى هنا يا سچى
سچى...بس يابت انتى اياكى تمدى إيدك عليا
ريهام...وانا اقدر اضربك يا قمر هو شادى وصل ولا لسه
كان شادى مسافرا لحضور مؤتمر علمى مهم فهو حصل على الدكتوراة
سمعوا صوت شادى خلفهم وقد عاد من سفره للتو وعلى وجهه ابتسامة عريضة
شادى...اهلى وحبايبى والمجتمع والناس وحشتونى
رائف...حمد الله على السلامة يا عالمنا الكبير
أكرم... حمد الله على السلامة يا زويل
شادى...الله يسلمكم يا حبايبى احلى حاجة الواحد يرجع ويشوفكم
سچى...اخبار المؤتمر ايه
شادى...كان تمام اوى وهتكرم قريب ادعولى
ريهام...ربنا يوفقك يا شادى
هدى...انا فرحانة اوى وجه اليوم اللى شوفت فيه احفادى مالين عليا البيت وابنى حبيبى رجع بالسلامة
ماهر...البيت بقى زى الجنة يا هدى حبيب بابا حمد الله على السلامة
شادى...تسلمولى كلكم فين تيتة
صفية...انا اهو يا واد يا شادى
شادى...لسه بتقولى يا واد يا صفصف بعد العمر ده كله 
صفية...اه هقولك يا واد انت ورائف وأكرم كمان
رائف بمزاح...الله دى تيتة هضيع هيبتنا قدام العيال خالص ليه بس كده
أكرم...يعنى يرضيكى العيال تقولى يا بابا يا واد
صفية...انتوا حبايب قلبى وعشت لليوم اللى شفت فيه ولادكم
رائف...وعقبال ما تجوزيهم كمان يا تيتة
صفية...ياه يا رائف يا مين يعيش
ماهر...ربنا يباركلنا فى عمرك يا أمى
هدى...يلا عملالكم حفلة شواء صغيرة كده احتفالا برجوع شادى
شادى بحماس...يلا بينا دا انا ھموت من الجوع وانا اللى هشويلكم
صفية...انت مش ناوى تتجوز بقى يا شادى انت كمان
شادى بابتسامة...لسه ملقتهاش يا تيتة لسه صاخبة النصيب مجاتش مش عارف اتأخرت ليه كده
ريهام...جايز المواصلات زحمة
شادى...تقولى وانا ابعتلها هليكوبتر بس خلينا فى الشوى دلوقتى انا جعان
سچى... وتأكل اللى تشويه صح يا شادى زى ما كنت بتعمل دايما
شادى...يااااه انتى لسه فاكرة يا سچى
أكرم بهمس لرائف...وفاكر كمان يا رائف لما كنت قاعد هتولع لما سچى كانت بتضحك مع شادى
رائف...اخرص ياض انت انت بتنسى كل حاجة وتفتكر اللى كنت بعمله بس
أكرم...دا انت فى الايام دى كنت فظيع يا اخى وكنت مجننى برضه
رائف...خلاص بقى يا أكرم دى ايام وعدت
أكرم...ربنا يسعد ايامك يا حبيبى
رائف...ويسعدك انت كمان انت ونعم الاخ يا أكرم
أكرم بضحك...شوفت بقى من غيرى ما تعرفش تعيش
رائف...انا غلطان ان انا قولتلك كلمتين حلوين أكرم
ضحكوا جميعا فالله قد حباهم الحب والسعادة وكل منهم تزوج ممن احبها قلبه
فى غرفة أكرم
كان جالسة تنظر اليه بتلك الابتسامة التى يعرف ان خلفها طلب ستطلبه منه
أكرم...ها خير عايزة تقولى ايه
ريهام...وانت عرفت منين
أكرم...علشان عارفك كويس طالما بتبتسمى الابتسامة العريضة دى يبقى فى حاجة انتى عيزاها فبقولك خير
ريهام...انا عايزة اشتغل يا أكرم زهقت من قعدة البيت
أكرم...طب والاولاد
ريهام...الاولاد بيبقوا فى المدرسة وانا وسچى بنبقى قاعدين مبعملش حاجة
أكرم...خلاص انتوا تيجوا بس هتشتغلوا ساعتين تلاتة وتروحوا علشان الاولاد
ريهام...ماشى يا حبيبى اى حاجة المهم شوية تغيير
أكرم...زهقتى يا قمر
ريهام...مزهقتش منك اكيد يا ابو غمازات انت انا بس قاعدة البيت بتزهق
أكرم بهمس...وحشتينى يالمضة انتى
ريهام...وانت كمان وحشتنى اوى يا أكرم
ارتسمت ابتسامة على وجهها وهى تعلم مدى اشتياقه اليها وهى ايضا تشتاق اليه فى كل دقيقة
بعد ان اطمأنت سچى ورائف على اولادهم بعد ان ناموا بكل براءة عادوا الى غرفتهم اراد مفاتحته فى موضوع ذهابها للعمل فى المستشفى
سچى...رائف
رائف... عيون وقلب رائف
سچى..انا عايزة اروح اشتغل فى المستشفى
رائف...بس هتعرفى توفقى بين الاولاد والشغل
سچى...انا هشتغل بس كام ساعة فى اليوم مش اكتر ولو حسيت ان الموضوع هيأثر على الاولاد خلاص مش هروح تانى
رائف...خلاص ياعمرى اللى انتى عيزاه
سچى...يعنى انت مش هتضايق
رائف...لاء طبعا اهم حاجة انك انتى تكونى مبسوطة يا قلبى
سچى..انا مفيش واحدة اسعد منى علشان انت حبيبى وجوزى وابو ولادى
وجدت نفسها بين ذراعيه واطبق عليها بقوة جاذبا اياها نحوه وتذكرت كل تفاصيل حياتهما معا منذ ان دخلت الى هذا المنزل حتى الآن فهى لا تريد شئ سوى ان تكون بين ذراعيه تلتصق به حتى يعلم مدى عشقها له وضمھا اليه بقوة كأنه يحميها فاحاطته بذراعيها
رائف بهمس عاشق.... بحبك يا احلى ما فى عمرى كله انا بحمد ربنا انه خلاكى انتى من نصيبى وكمان بقيتى انتى ام اولادى اللى واثق ان شاء الله انك هتربيهم احسن تربية وهيبقوا احسن الناس بأخلاقهم
سچى بابتسامة...وانا كمان يا حبيبى بعشقك وخصوصا لما اشوفك بتبتسم ابتسامتك دى بتخلى قلبى يدق جامد كأنه هيخرج من مكانه
رائف...حتى بعد السنين دى كلها يا سچى
سچى...حتى اخر لحظة فى عمرى واخر نبضة من نبض قلبى بحبك يا رائفى
رائف... احلى اسم بسمعه منك انتى ولما تقوليلى
رائفى بحبك اكتر واكتر ياقلب رائفك 
سچى...رائفى انت اعز الناس وهفضل اقولك رائفى طالما لسه قلبى بينبض بحبك انت 
وكانت هذه هى حالتهم دائما امرأة عاشقة وغارقة فى عشق رجل احتل كيانها وملك قلبها منذ ان قابلته وهو يسرى عشقها فى عروقه فهى من تحملته فى اصعب حالاته حتى اصبح ماعليه الآن زوج وأب لثلاثة ابناء وايضا رجل ناجح فى عمله فهو لايعرف ماذا يفعل اكثر من ذلك حتى يعبر لها عن عشقها الذى تمكن من قلبه وكل جوارحه فهى كانت تردد على مسامعه دائما انها لم ولن تحب و تعشق احد مثلما عشقته فكانت تقول له انت حبى عشقى ولا أحد سواك رائفى 
رأيكم يا حلوين