لا أحد سواك

سچى العملية تنجح لأن خلاص تعبت
سچى بتفاؤل...ان شاء الله انا قلبى بيقولى انها هتنجح وهترجع احسن من الاول كمان وكل ده هيخلص على خير
رائف...ولو العملية فشلت وفضلت حالتى زى ما انا كده
سچى..تبقى دى ارادة ربنا اهم حاجة انك تكون معايا بأى شكل وبأى حالة انا بحبك انت يارائف
رائف...ان شاء الله لما اعمل العملية وتنجح وارجع هعملك مفاجئة حلوة اوى
سچى...مفاجئة اى دى يا حبيبى قولى بقى
رائف...وتبقى مفاجئة ازاى لو قولتلك
سچى...قولى دلوقتى ولما تعملها هعمل نفسى متفاجئة واقول هاااى
ضحك رائف على طريقتها فى الهزار فيالها من ابتسامة جميلة ترتسم بأناقة على شفتيها
رائف...لا يا شيخة بجد الكلام ده انتى بتهزرى يا سچى
سچى..طب قولى بقى انا ھموت واعرف
رائف... بعد الشړ عليكى بس تؤتؤ مش هقولك يا سچى
سچى...هزعل منك والله يا رائف
رائف...كده هى حصلت كمان تزعلى منى انا
سچى...ما انت مش راضى تقولى وانا فضولى زايد أوى
رائف...هقولك يا ستى وامرى لله بقى
سچى..ها قول بقى قول قول خلص بقى يا رائف
رائف... فى ايه اهدى ما انا هقول اهو لما ارجع هاخدك ونسافر نعمل عمرة إيه رأيك
سچى بفرحة عارمة...بجد يا حبيبى الكلام ده
رائف...ايوة يا عمرى بجد وهنسافر كلنا كمان لأن انا عايز تبقى دى اول حاجة نعملها بعد ما ارجع من لندن
سچى...اهى دى احلى مفاجئة انت تعملهالى بجد يا رائف مفيش احلى من كده مفاجئة
رائف بحب...مبسوطة يا قلبى
سچى بفرحة...اوى اوى يا رائف
رائف...ان شاء الله تفضلى طول عمرك مبسوطة وفرحانة
سچى...انت عارف ايه كمان هفرح بيه اكتر
رائف...ايه يا روحى
سچى...ان انا اخلف منك عيال 
رائف...ان شاء الله يا حبيبتى دول هيبقى قمرات زى امهم
سچى...لاء دول هيبقوا عسلات زى أبوهم
رائف...دا ابوهم رخم ووحش وبيزعلك
سچى بهزار..بس لو سمحت متقولش على ابو عيالى كده ماشى احسن اقوله عليك وانت متعرفش هو لما بيضايق بيبقى عامل ازاى 
رائف بابتسامة.... ههههه ولا يهمنى منه ربنا يرزقنا بالذرية الصالحة يارب يا عمرى
سچى...اللهم آمين يارب
جذبها نحوه فنسيت اى كلام كانت ستقوله إذ كانت فرحة وسعيدة وهى بين ذراعيه
دخل حامد المنزل مناديا على أروى حتى تقوم بتجهيز الأكل له فهو اصابه التعب اليوم من البحث عن مكان يصلح لعمل ورشة جديدة له
حامد... أروى أروى انتى فين يا حبيبتى
أروى...ايوة يا بابا كنت فى المطبخ بعمل الأكل
خامد...كويس هاتى الأكل علشان انا جعان اوى
أروى...حاضر من عنيا غير هدومك والاكل جاهز
قامت بتغيير ملابسه وجلس على السفرة ليتناول الأكل لاحظت أروى ارهاقه فهو يبدو عليه الارهاق الشديد فهو اخبرها انه سيبحث عن ورشة جديدة
أروى...ايه يا بابا لسه ملقتش مكان ينفع ورشة
حامد...لاء لقيت بس مش هتبقى كبيرة أوى زى الورشة القديمة
أروى...كويس ابتدى فيها وبعد كده ان شاء الله تدور على مكان اكبر
حامد...ان شاء الله
أروى... طب ليه حاسة انك زعلان ومضايق
حامد...علشان امك باعت الورشة القديمة يا أروى
أروى...باعتها لمين
حامد...لمنير اللى كانت ورشته جمبى واللى كان نفسه ياخدها من زمان
أروى...متزعلش يا بابا كله نصيب
خامد...هو اللى مزعلنى ان الورشة دى قضيت فيها عمرى كله وبتبقى حاجة صعبة ان الواحد يخسر حاجة كانت بتاعته بقالها سنين
أروى...ربنا يعوض عليك
حامد...اللهم امين يمكن ده جزء من عقابى على اللى عملته فى نعمة وسچى
أروى...ربنا غفور رحيم
حامد...ربنا يسامحنى على اللى عملته
أروى...طب يلا كل قبل الاكل ما يبرد وعلشان هشام زمانه جاى كمان شوية
حامد...ليه فى حاجة
أروى...لاء دى زيارة عادية جاي يشفونى مش انا خطيبته
حامد...ربنا يسعدكم يا أروى ويتمملكم بخير يارب
أروى...تسلملى يا بابا
فى منزل ماهر زيدان
عادوا جميعا الى المنزل بعد قضاء تلك الايام فى المزرعة التى ساعدت فى تحسين الحالة النفسية لرائف والتى انعكست بدورها على جميع افراد عائلته
شادى...عمار يا مصر
ريهام...والله الواحد هناك كان حاسس كأنه فى الجنة
ماهر..ان شاء الله نبقى نروح تانى
هدى...ان شاء الله يا حبيبى يلا روحوا ارتاحوا من المشوار
أكرم...يلا يا ريهام
ريهام...ماشى يلا يا حبيبى عن اذنكم
صفية...اتفضلوا يا حبيبتى
شادى..انا رايح المعمل
هدى.. شادى حسك عينك تفرقع حاجة انا عندى صداع وعايزة انام انت فاهم
شادى... حاضر يا جميلة الجميلات هعمل الفرقعة على الصامت
رائف...شادى بلاها معمل دلوقتى وروح ارتاحلك شوية
شادى..حاضر يا ابيه
ماهر...شوف الواد بيسمع كلام رائف اكتر مننا
شادى...متقولش كده يا بابا دا انت الخير والبركة
سچى...طب عن اذنكم
هدى...اتفضلى يا سچى
ذهب كل منهم الى غرفته فهم بحاجة إلى ان يرتاحوا قليلا من الطريق
ولكن عندما ذهب رائف الى غرفته طلب من زوجته ان يذهبوا الى غرفة الجلسات
رائف...سچى انتى هتنامى
سچى...لاء يا حبيبى مش جايلى نوم عايز حاجة
رائف...عايزك تعمليلى الجلسة
سچى...طب مش لما ترتاح من المشوار شوية
رائف...لاء تعالى لأن انا حاسس ان ضهرى تاعبنى جامد
سچى...بعد الشړ عليك ماشى يلا بينا
ذهبوا الى غرفة الجلسات بدأت سچى بعمل الجلسة فهو بسبب امتناعه عن الجلسات طوال الفترة السابقة أدت إلى شعوره بالالم فى ظهره فهى شعرت به وسمعت صوت الأنين الصادر منه بسبب وجعه
سچى..ضهرك بيوجعك أوى
رائف...شوية
سچى...الف سلامة بس ده كان بسبب انك اهملت الجلسات الفترة اللى فاتت
رائف..يلا حصل خير
سچى...بعد الشړ عليك يا حبيبى 
رائف... تسلميلى يا حبيبتى
حاولت سچى التخفيف من المه بكل طريقة تستطيع بها ان تجعله يشعر بالراحة من ذلك الالم والۏجع الذى أصابه
بسبب احساسه بالراحة بعد عمل الجلسة ذهب فى نوم عميق لاتعرف سچى كيف توقظه لكى يذهب الى غرفتهم
سچى بهمس...طب اصحيه ازاى دلوقتى
اقتربت منه وهمست فى أذنه بصوت منخفض حتى لا تفزعه من نومه
سچى بهمس...رائف رائف حبيبى اصحى
رائف بنعاس...سبينى شوية بس يا سچى
سچى...طب قوم نروح الاوضة مش هينفع تنام هنا
رائف...الاوضة!
وتذكر رائف انه ليس فى غرفته وانه لن يشعر بالراحة وهو نائم على هذا السرير الصغير
رائف...انا نمت لدرجة انى افتكرت ان انا فى اوضتنا
سچى..طب تعالى نروح الاوضة ونام براحتك
وضع يده حول كتفها واستند عليها هى بدلا من عكازه حتى وصل الى الغرفة تمدد على السرير واغمض عينيه لكى يكمل نومه انحنت على وجنته وطبعت عليها قبلة صغيرة سمعته يهمس لها
رائف... بحبك
سچى...بمۏت فيك يا قلبى نام وارتاح
رائف...شوفى هتعملى ايه وتعالى
سچى...ماشى يا حبيبى
كانت تتحدث فى الهاتف الخاص بها وتعيش تلك الحالة المتأخرة من المراهقة فهى امرأة لا تخجل مما تفعل فهى بعد ان تطلقت من زوجها وهى تبحث الآن عن زوج اخر غير مهتمة بمشاعر ابنتها التى اصبحت على وشك الزواج هى ايضا
فادية...ايوة يا حبيبى ايه وحشتك
شريف....اوى اوى يا روحى انا مش هشوفك النهاردة
فادية...بلاش النهاردة مليش مزاج
شريف..ايه اللى معكر مزاج الجميل النهاردة
فادية....مش عارفة صحيت من النوم زهقانة كده مش عارفة ليه
شريف...طب ما تيجى نخرج نشم هوا على الكورنيش
فادية...لاء تعال نروح لبنتى أروى علشان اقولها ان احنا هنتجوز بعد العدة ما تخلص هى لازم تعرف
شريف....ولو قابلنا جوزك الاولانى هناك
فادية...لاء هو بالنهار بيبقى فى شغله مش فى البيت
شريف....خلاص ماشى نتقابل ونروح
فادية...ماشى نص ساعة كده ونتقابل
شريف.....ماشى وانا هستناكى
تقابلت فادية هى وشريف وقصدوا منزل حامد القديم لتبلغ ابنتها بشأن زواجها مرة أخرى
قامت برن جرس الباب فتحت اروى الباب بابتسامة ماټت على شفتيها مما رأته فوالدتها تصطحب شاب معها لا تعرفه وهى اول مرة تراه فيها
فادية...ازيك يا اروى
أروى...ماما اهلا مين ده
فادية...مش هتقوليلى اتفضلى
قامت فادية بازاحة اروى عن طريقها بدون ان تأذن لهم بالدخول
فادية...ادخل يا شريف
شريف...ازيك