لا أحد سواك

دبلتها وايضا لبس هشام دبلته الفضية كانت تسعر بسعادة غامرة فالله سوف يجعل الشخص الذى تمنته من نصيبها
تهانى بفرحة...الف مبروك يا حبايبى
هشام...الله يبارك فيكى يا ماما
حامد...الف مبروك يا أروى ربنا يسعدكم
أروى...تسلملى يابابا
هشام...احنا ان شاء الله نكتب الكتاب لما اروى تخلص السنة دى وتبقى تكمل دراستها بعد الجواز ماشى يا عمى
حامد...ربنا يسهل يا ابنى ان شاء الله
فى المزرعة
بحث رائف عن والدته حتى يستطيع مصالحتها فهو لا يريد ان تظل حزينة بسبب ماحدث وجدها تجلس بمفردها فجلس بجوارها
رائف...ماما
هدى...ايه يا حبيبى عايز حاجة
رائف..انا جاى اقولك انا آسف يا ماما
هدى باستغراب...اسف على ايه يا حبيبى بتتأسف ليه
رائف...اسف لو كنت ضايقتك او زعلتك او ان انا خليتك تحسى بالحزن والزعل الايام اللى فاتت دى
هدى...حبيب قلبى انا مش ممكن ازعل منك انا امك يعنى زعلى مش منك انا زعلى بيبقى عليك زعلانة علشان انت مضايق وزعلان يا رائف وانت عارف غلاوتك عندى قد ايه علشان انت اول فرحتى واول واحد اسمع منه كلمة يا ماما
رائف بابتسامة...خلاص بقى يادودو متزعليش ماشى
هدى...انت حبيب قلب دودو واول فرحتى يا رائف يعنى يا حبيبى انت واخواتك اغلى ما عندى فى الدنيا دى كلها
رائف بمكر... احنا اغلى حاجة عندك طب وبابا ايه النظام
هدى بابتسامة...بس يا واد انت بلاش شقاوة
رائف...انتى لسه بتقوليلى يا واد بعد العمر ده كله والطول والعرض ده
هدى...حتى لو بقيت ايه انت هتفضل طوا عمرك ابنى اللى كبر قدام عينى يوم ورا يوم ولسه فاكرة تفاصيل حياته من وانا حامل فيه لحد النهاردة لحد ما بقى بسم الله ماشاء الله راجل ومتجوز
قام باحتضان والدته بقوة فالله رزقه حنيتها ورزقه ايضا بزوجة كان يتمنى الحصول عليها منذ زمن فماذا يتمنى اكثر من ذلك
وجدوا شادى قادما اليهم بابتسامة على وجهه فهو لا يحب ان يرى اخيه حزينا أبدا فهو يعتبر رائف ليس اخيه فقط ولكن بمثابة اب ثانى له لأن رائف هو من كان يدلل شادى منذ صغره
شادى بتمثيل...اه اه قلبى خېانة ماما بتحضن ابيه رائف وانا لاء لاء مش قادر الحقونى انا هيغمى عليا ولا ايه
رائف بضحك...مش بقولك تمثيلك فاشل يا شادى يا حبيبى
شادى..ليه يا ابيه بس دايما تحبطنى كده اضحك عليا وقولى شاطر يا شادى برافو عليك يا شادى اى كلمة تشجيع
رائف بضحك...اضحك عليك اغشك اقولك البحر مليان تروح تلاقيه فاضى
هدى...وحشتنى ضحكتك وهزارك يا حبيبى
شادى...بقولك ايه يا ابيه انا عايز اركب الحصان بتاعك رماح قولت ايه
رائف پخوف...لاء يا شادى بلاش رماح انت عارف انه ممكن يوقعك ويجرالك حاجة اركب اى حصان تانى بلاش رماح فاهم يا شادى ومش هكرر كلامى انت فاهم
شادى...انت خاېف عليا اوى كده يا ابيه
رائف...طبعا انت مش بس اخويا يا شادى دا انا بحس انك ابنى اللى انا مربيه على ايدى
شادى...طب ما تجيب بوسة بقى يا أبيه بمناسبة الكلمتين الحلوين دول
رائف...يلا ياض غور من هنا
شادى...كده الحنية طارت من قلبك فى ثوانى بتقلب فى ثانية
رائف...علشان عارف انت هتعمل ايه يا شادى بعد ما تبوسنى
شادى...مبقاش عندكم ثقة فيا كده خالص شكرا ليكم
هدى بمزاح...انت ډمرت الثقة دى يا شادى خالص مبقتش موجودة
شادى... ماشى يا ماما خلاص يلا نخرج نقعد معاهم برا
كانت فادية عاقدة العزم على بيع الورشة حتى تستطيع ان تجعل حامد يشعر بالحسړة على تلك الورشة التى افنى عمره فيها لكى تكون بتلك الشهرة التى اصبحت عليها فهى ستقوم ببيعها واخذ المال لتتصرف به كيفما تشاء فحان الوقت لتوقيع العقود بعد ان اتفقت مع المشترى على السعر الذى تريده ثمنا لها
منير...خلاص يا ست فادية العقود جاهزة اتفضلى اهى
فادية...ماشى يا معلم منير مبروك عليك الورشة
منير..اتفضلى امضى على عقد البيع
قامت فادية بامضاء العقود ووقع ايضا منير فى خانة المشترى وبذلك قد اصبحت تلك الورشة ملكه
منير...اتفضلى فلوسك اهى يا ست فادية كاملين بالتمام والكمال
فادية بغل..شكرا يا معلم ومبروك عليك ورشة حامد
منير... الله يبارك فيكى يا ست فادية
فادية..عن اذنك انا بقى علشان امشى
منير..مع السلامة مع الف سلامة
فادية..الله يسلمك يا معلم
اخذت فادية حقيبة المال وذهبت سريعا الى المنزل بينما كان المعلم منير ينظر الى الورشة بابتسامة انتصار وتشفى فما كان يريده حدث بالفعل واصبح هو المالك لها حتى انه قام بعمل لافتة كبيرة تحمل اسمه وأمر عماله بانزال اللافتة القديمة التى كانت تحمل اسم حامد ووضع اللافتة الجديدة
منير..حاسب يابنى انت وهو على اليافطة لتقع ثبتها كويس
اثناء ذلك لمح منير مرور حامد من الشارع فنادى عليه ليريه انه هو من اصبح مالك لهذه الورشة التى كانت فيما مضى ملك له
منير..اهلا يا معلم حامد مش هتقولى مبروك ولا ايه
حامد..مبروك بس خير اباركلك على ايه
منير...ان انا اشتريت ورشتك قصدى ورشة الست فادية
حامد باستهزاء...مبروك عليك يا معلم منير
منير...اوعى تكون يا اخويا زعلان ولا حاجة ان انا اشتريتها ولا تكون مضايق
حامد...وانا ايه اللى هيزعلنى انت حر ومبروك عليك وعن اذنك بقى علشان ورايا مشوار مهم
منير...مع السلامة طريق السلامة ان شاء الله
قال حامد ذلك وانصرف بالرغم من ذلك الحزن الذى اصابه بعد معرفته انه خسر تلك الورشة الذى افنى عمره فيها فربما هذا عقاپ من الله على ما فعله بحق زوجته الراحلة وابنته فلابد ان يذيقه الله جزاء ما فعل فى حياته من ظلم لأقرب الناس اليه فهو اصبح الآن ضميره يألمه بشده فكيف سيطلب السماح من زوجته نعمة وهى قد رحلت عن هذا العالم بقلب غير راضى عن ما فعله بها وبأبنته
ذهبت مايا لاداء بروفة لفستان زفافها برفقة خطيبها الذى اصبحت الان تتأفف من ملازمته لها معظم الوقت فالوقت الوحيد الذى تتخلص منه فيه عندما تكون فى شركة والدها فأصبحت لا تتمنى ان ينتهى وقتها فى الشركة حتى لا ترى هانى
هانى باعجاب... واوووووالفستان الابيض هيبقى تحفة عليكى يا مايا ايه الجمال ده كله
مايا...شكرا يا هانى على ذوقك
اثناء ذلك لمحت مايا دخول نيللى فاستغربت لماذا اتت الى هنا وخصوصا ان برفقتها شاب تراه مايا لاول مرة
نيللى ....ايه ده مايا ازيك عاملة ايه
مايا من غير نفس...اهلا يا نيللى الحمد لله انتى اخبارك ايه
نيللى... تمام يا حبيبتى انتى بتعملى بروفة لفستانك فرحك
مايا..ايوة عندك مانع يا نيللى
نيللى...لاء وانا هيبقى عندى مانع ليه اصل انا جاية اعمل بروفة لفستان فرحى انا كمان
مايا....انتى هتتجوزى يا نيللى
نيللى..ايوة و الشاب اللى واقف هناك ده خطيبى
مايا ببرود....لايق عليكى فعلا يا نيللى مبروك
نيللى... الله يبارك فيكى لايقين على بعض بجد مش كده وكمان ايه دا ظابط شرطة
مايا... الظاهر انك متأترة اوى بموضوع الظابط ده يا نيللى مطولتيش واحد فلاقيتى واحد تانى شكل الموضوع ده يهمك اوى انك ترتبطى بواحد يكون ظابط
نيلللى بسخرية...انتى برضه لسه مفكرة ان انا كان عينى من رائف وكنت عايزة اخده منك
مايا...ما الدليل بان اهو انك حتى لما اتخطبتى اتخطبتى لظابط بتعوضى عقدة نقص عندك ولا ايه مش عارفة
نيللى...وليه متقوليش ان ده من حسن حظي ان اتجوز راجل بجد مش اتجوز واحد لا مؤاخذة يعنى