لا أحد سواك

شوية وتهدى
هدى...ماشى يلا بينا انا من كتر التفكير والقلق والتوتر هيجرالى حاجة
نزلت هدى برفقة زوجها وجدت ريهام وشادى وحماتها ولكنها لم ترى سچى جالسة معهم
هدى.. امال هى سچى فين مش قاعدة معاكم ليه
ريهام...فى اوضتها جوا قالت عايزة تصلى
هدى.. بس احنا صلينا من بدرى بتصلى ايه دلوقتى
صفية...بتصلى علشان تدعى لجوزها يا هدى
ماهر...ربنا يتقبل منها ان شاء الله
شادى بتفاؤل...ان شاء الله انا حاسس بتفاؤل وابيه رائف هيخف ويرجع احسن من الاول كمان
هدى...يارب يا شادى يارب
صفية....ان شاء الله بس حاولى تهدى نفسك يا هدى
هدى...والله ما قادرة يا ماما حاسة ان دماغى مش فيا من كتر التفكير حاسة كأنى عايزة اروح له دلوقتى علشان ابقى مطمنة عليه
ريهام...الف سلامة عليكى يا طنط احنا كلنا بالنا مشغول ان شاء الله هيرجعوا بالسلامة والعملية هتنجح وكل حاجة هتنتهى على خير
كانت سچى فى غرفتها راكعة على سجادة الصلاة ولسانها يردد الدعاء لله حتى ينجى زوجها من هذه العملية بكل سلامة وان يعود لها سليما معافا
سچى برجاء...يارب اكتبله السلامة والعملية تنجح ويرجع بالف سلامة واشفيه وعافيه واللهم اشفه شفاء لا يغادر سقما
ظلت تردد تلك الادعية وقلبها يأمن على دعاء لسانها فهى لا تتمنى سوى ان يعود اليها رائفها
فى لندن
انتهت العملية وخرج رائف من غرفة العمليات ولكنه مازال متخدرا ولن يفيق الآن كان أخيه سعيدا بعلمه ان جراحة اخيه تمت بالنجاح مثلما كان يتمنى فاراد ان يطمئن على اخيه بعد ان يفيق ثم سيخبر اهله بنحاح العملية
بعد بضع ساعات بدأ رائف فى استعادة وعيه ظل يفتح عينيه ويغلقها كأنه إذا فتحها مرة واحدة ستألمه ولكن أخيرا فتح عينيه وجد بحواره اخيه أكرم يبتسم فى وجهه ابتسامة صافية تضئ وجهه
رائف بتعب...العملية نجحت يا أكرم
أكرم بسعادة...ايوة يا حبيبى العملية نجحت الف مبروك يا رائف
رائف...بتتكلم جد ولا بتضحك عليا يا أكرم
أكرم...هى دى حاجة انفع اضحك عليك فيها يعنى يا رائف
رائف...يعنى انا همشى تانى كويس زى الاول 
أكرم...ايوة يا حبيبى بس الاول هتفضل فى المستشفى هنا شوية علشان نطمن عليك
رائف...انت مش بتقول العملية نجحت عايزنى افضل فى المستشفى ليه ولا انت كنت بتضحك عليا
أكرم... للدرجة دى مش واثق فيا يا حبيبى والله العظيم العملية نجحت بس اكيد فى تمارين وحاجات هيعملوها ليك علشان ترجع زى الاول انت مش هتقوم من السرير تمشى على طول يعنى يا رائف
رائف...هنقعد كتير هنا
أكرم...هم اسبوعين بس تظبط امورك ونرجع مصر غلى طول
رائف...لسه هستنى اسبوعين يا أكرم كده كتير اوى
أكرم...رائف يا حبيبى يعنى انت صبرت ده كله مش صابر على اسبوعين كمان وان كان على سچى يا سيدى خلاص قضيها مكالمات على مانرجع وتشوفها
رائف...دا انت رخم بجد يا أكرم
أكرم...رخم بس بتحبنى برضه كده ولا إيه
رائف...اكيد يا حبيبى انت اخويا وصاحبى واقرب واحد ليا
أكرم...ربنا يتم شفاك على خير يا حبيبى يلا بقى علشان هتصل عليهم اطمنهم وانت كمان كلمهم علشان يطمنوا عليك اكتر زمان ماما مش عارفين يهدوها وانت عارفها زمان بابا مسيطر على زعلها بالعافية
رائف...ماشى اتصل عليهم
قامت أكرم بالاتصال فيديو حتى يستطيع كل فرد من الأسرة ان يطمئن على رائف ويراه بعد انتهاء العملية 
عندما وجدوا اتصال من أكرم فتحوا الهاتف بلهفة شديدة كأنهم لا يطيقون صبرا حتى يعرفوا ماحدث
هدى بلهفة... أكرم طمنى على اخوك عمل ايه بسرعة يا ابنى الله يباركلك
أكرم... حاضر يا ماما اهدى عليا بس هو الحمد لله يا ماما العملية نجحت ورائف اهو خدى كلميه معاكى اهو
نظرت اليه والدته عبر الفيديو لم تستطيع منع دموعها فهى دموع فرح ان الله استجاب لدعائهم ويعود اليها ابنها سليم معافى
هدى بدموع....حمد الله على السلامة يا حبيب قلب أمك انت كويس يا حبيبى
رائف...الله يسلمك يا ماما ايوة الحمد لله كويس
هدى...الف مبروك يا حبيبى على نجاح العملية عقبال ما ترجعلنا بالسلامة يا نور عينى
رائف...الله يبارك لينا فى عمرك يا ماما وتسلميلى يا رب
ماهر....الحمد لله ان احنا اطمنا عليك يا حبيبى
رائف... تسلملى يا بابا
صفية... حبيب تيتة حمد الله على السلامة يا رائف الف حمد الله على السلامة
رائف...تسلميلى يا صفصف وحشتينى اوى
صفية...انت اكتر يا حبيب صفصف
شادى... حبيبى يا ابيه مليون مبروك انا فرحان اوى انا الدنيا مش سيعانى من الفرحة
رائف...ان شاء الله دايما فرحان وسعيد يا حبيبى
ريهام...حمد الله على السلامة ومبروك وترجعوا بالف سلامة ان شاء الله
رائف...الله يسلمك يا ريهام هى فين سچى ليه مش شايفها معاكم
ريهام...فى اوضتها جوا ثوانى ادخل ليها التليفون تكلمها
قامت ريهام بالطرق على باب الغرفة سمعت صوت سچى يأذن لها بالدخول
سچى...ادخل
ريهام بفرحة...سچى كلمى جوزك العملية نجحت يا سچى
سچى بفرحة عارمة....بجد يا ريهام العملية نجحت
ريهام ....ايوة يا حبيبتى خدى كلمي جوزك اهو
اعطتها ريهام الهاتف وتركتها واغلقت الباب حتى تستطيع ان تتكلم بحريتها مع زوجها امسكت الهاتف بين يديها بلهفة شديدة وبدموع ايضا فالله قد استجاب لدعائها وكتب لزوجها الشفاء
سچى بلهفة... حبيبى الف مبروك انا مبسوطة اوى انا فرحانة انا مش عارفة اتلم على اعصابى حاسة كأن هيغمى عليا من الفرحة
رائف...اهدى يا عمرى بالراحة يا سچى على اعصابك
سچى بعشق...حبيب قلب سچى وروحها ودنيتها كلها انت يا رائف
رائف....تسلميلى يا حبيبتى انتى وحشتينى اوى يا قلبى
سچى... وانت كمان رائف هو انت هترجع امتى
رائف... لسه كمان اسبوعين على ما ارجع مصر
سچى...لسه هستنى اسبوعين كده كتير أوى عليا انا مش قادرة اصبر اكتر من كده
رائف... ولا انا قادر اصبر بس اعمل ايه معلش يا حبيبتى هيعدوا بسرعة وهرجعلك على طول
سچى... ترجعلى بالسلامة اهم حاجة انك انت كويس يا حبيبى
رائف...الحمد لله انا هبقى اكلمك كل يوم لحد ما ارجع ليكى
سچى... ماشى يا روحى انت لازم ترتاح شوية دلوقتى انا رغيت معاك كتير وانت لسه طالع من العمليات
رائف...راحتى هى ان اشوف عينيكى الحلوة دى واسمع صوتك
سچى...ترجع بالسلامة يارب ان شاء الله ياحبيبى هستناك على ڼار
رائف بابتسامة.....ان شاء الله يا سچى ربنا يعدى الايام دى بخير
سچى...اللهم امين يارب العالمين
كان رائف خلال الفترة التى مكثها فى المستشفى يتصل يوميا بزوجته حتى يرى وجهها الجميل الذى يتمنى ان يعود الآن اليها ويطفئ لهيب الشوق في قلبه فهو اشتاق اليها أشد الاشتياق وبات يعدد الدقائق حتى تنتهى هذه المدة ويعود اليها
سچى...هم الاسبوعين دول ما بيخلصوش ليه
رائف....مش عارف تحسى ان الايام ماشية ببطئ ېموت
سچى...جايز علشان انا مشتاقة ليك اوى
رائف....مش اكتر من اشتياقى ليكى يا سچى
سچى...قولى بقى حلوين الممرضات عندك
رائف بهزار....اوى يا سچى دا الواحد يشوفهم يبقى عايز يفضل عيان على طول
سچى بغيرة....اه ماشى يا رائف حلو اوى الكلام ده
رائف....هو فى اى واحدة تقدر تاخد قلبى منى غيرك انتى يا احلى حاجة حصلت في حياتى كلها
سچى...وانت حبيبي عايزة اغمض عينى وافتحها الاقيك قدامى
رائف...ان شاء الله هانت يا سچى وهرجعلك
سچى...تيجى بألف سلامة يا رائفى
وها قد حان ميعاد رجوعه الى مصر كانوا جميعا فى المنزل تتملكهم الفرحة العارمة لأن اليوم سيعود رائف وأكرم الى المنزل بعد الغياب
هدى...يلا بينا بقى على المطار خلاص مش قادرة أصبر اكتر من