اهداني حياه من الفصل 25 إلى 33

نسمة أنتا مسكت ف حاجتين بس من قايمة الممنوعات اللي أنتا قولتها يعني مثلا منقعدش كافيه أمال نقعد فين حضرتك 
حمزة هو حضرتك بتشربي سجاير 
نسمة لأ 
حمزة بتشيشي 
نسمة لأ طبعااا 
حمزة طيب يبقا حضرتك ممكن تقعدي في مطعم مثلا أو كافيه بنات مش لازم الكافيهات اللي كلها رجالة 
نسمة بجدال طب أفرض عايزة أدخل السينما ديه فيها أيه عااادي ليه لأ بقااا 
حمزة بهدوء أنا مقولتش متتدخلش السينما خااالص أنا قولت متدخلش بالليل لوحدها لو يعني مصممين تدخلوا السينما من غيري ممكن تدخلوا حفلة بالنهار لكن بالليل هتكون للشباب اللي رايحين يشقطوا بنات حضرتك سوري يعني عايزة تتشقطي 
نسمة بانفعال أيه اللي بتقوله ده أكيد لأ وبعدين مين قالك أن ده اللي هيحصل البنت المحترمة معروفة واللي مش كويسة معروفة وبعدين ليه الشباب أصلا ميحترموش حرية الستات و...
قاطعها حمزة ضاحكا بسخرية قائلا لألأ استني قبل ما تدخليلي ف حوار الدفاع عن الحريات وحقوق المرأة ومعرفش أيه مش أنا اللي بعاكس ولا بروح اشقط على فكرة وهو ده الواقع مش هنجمله ده اللي بيحصل الشباب بيروحوا السينما ومش هيسيبوا بنت قاعده لوحدها ف حالها محترمة بقا مش محترمة هيحاولوا أو أضعف الايمان خاالص هيعاكسوا وهيرموا كلام واستظرااف بقا وبالنسبالي كفاية أوي إني أعرف أنكم هتكونوا ف مكان فيه احتمال ولو واحد في المية حد يضايقكم عشان أرفض من الأساس تروحوه والفيلم اللي عايزين تتفرجوا عليه ليكوا عليا أوديكوا ف أي وقت بس وأنتو معايا غلطان أنا كده
نسمة بتريقة خااالص هو حد يقدر يغلط حمزة باشا بردووو المهم هتأكلنا بقا ولا أيييه 
حمزة حاااضر شوفوا عايزين تآكلوا أيه ثم توجه ببصره تجاه شقيقته مردفا شوفي يا حلا ماما هتاكل أيه هي مريحة ف أوضتها شوية عشان مرهقة 
حلا حاااضر يا مووزة 
توجهت حلا لغرفة والدتها وسألتها عن الطعام التي تريده ثم كتبت باقي طلباتهم جميعا في ورقة واعطتها لحمزة الذي نظر داخل الورقة وأخذ يمرر عينه على طلباتهم وكانت الصدمة تعتلي وجه بعدما أنهي قرائتها !!
انتهى الفصل ....
يا ترى كان أيه سبب صدمة حمزة وماذا سيحدث بعد التغييرات الجديدة هل نسمة وحلا هيخرجوا ولا الفسحة هتقلب بکاړثة أحداث جديدة ممتعة وشيقة ومرحة تنتظركم بالجزء الثاني من الرواية فانتظروني ....
هدير محمود علي 
متنسوووش لايك والاهم كومنت برأيكم ف الفصل 
بقلم هدير محمود علي
ملحوظه لسه مش عارفه هنزل الجزء الجديد امتا لانه لسه قيد الكتابه خلصت تقريبا نصه ادعولي اكمله عل خير
اهم حاجه عايزه اعرف رأيكم في الجزء والقفله وايه تقييمكم ليا ف الروايه ديه بعد جواز اضطراري ورأيكم ف الاحداث والسرد والحوار عايزه ريفيو حلو زيكم كده من كل واحد بيقرا حقي بقااا اخرجوا عن صمتكم المرادي
دمتم في سعاااده أنتو وأحبائكم اللهم اميين
استغفر الله العظيم وأتوب إليه