هو لي حلقة 7 للحلقه 16

السما أقرب له وجوزي لا يمكن حد يكسره هيقوي بيا إن شاء الله .. ما هو طول عمره بيقويني بيه .
أخذت تمحو قطرات الدموع عن وجنتيها ثم استأنفت بثبات 
_ انا قررت .. قرار .
ترجل خارج سيارة اجرة بصحبه عاصم ورمضان علي إمتداد بصره يوجد سور عال البنيان وفي منتصفه بوابة حديدية بهت طلائها وجار عليها الزمان حتي أوشكت علي الاڼهيار .. مشوا معا حيث البوابة ليقوم رمضان بإخبار الغفير الموجود بها بأنهما أحد أفراد عائلته عادا من غربتهما وبالكاد سمح لهم بعبور حدود المنطقة بعد أن لبسوا ثياب أشبه ب الوضيعة لتتلائم مع ظروف المكان ...
جال سليم ببصره داخل أرجاء المكان بدهشة المكان أشبه بالمستنقع .. تجمعات رجالية تجلس في زوايا مختلفة من المكان .. ملابس بالية وأصوات صيحات متشابكة من هنا وهناك.. منازل آيله للسقوط حرفيا قد أكلها الدهر حتي سقطت حوافها أرض ضحله ما أن تخطوها قدماك حتي تغرس بها .. ينبيء المكان عن فقر مدقع بل وفساد بالغ وهذا واضح في هيئه السيدات اللواتي يجلسن أمام منازلهن وقد شمرن عن ساعد القڈف والسب فيما بينهن 
وصل سليم إلي منتصف المكان ليجد سيدة قد ظلفت علي انتهاء الثلاثينيات تقف وسط مجموعة من الرجال واخذ صوتها يعلو رويدا رويدا بينما يقفوا هم وكأن علي رؤوسهم الطير نكست ذقونهم أرضا ينصتوا بإهتمام بالغ لما تقوله وهنا أخذه الفضول ليلتفت ناحية رمضان مردفا بتساؤل 
_ ودي مين بقي !
رمضان بإيجاز ونبرة منخفضة دي نيجس ييسة ريسة حي الضباع .
عاصم رافعا أحد حاجبيه بقي الحي الفاجر دا اللي ممشياه واحدة ست ! .. وبيتقال عليكم أخطر منطقة والبوليس بېخاف يقرب منها ! بقي البوليس بېخاف من ست !
رمضان وهو يحثهما علي التحرك هششش مش وقته يا عاصم باشا .
إتجهوا سويا إلي بيت رمضان ليجدوا سيدة تهتف به بنبرة وضيعة 
_ مين دول يا رمضان !.. ما تعرفنا .. وبعدين جهزت مهر البت ولا لا يادلعادي !
رمضان بإمتعاض وغيظ بعدين يا أم عبد اليحمان مش وقته .
قادهم رمضان داخل منزل بسيط للغاية مكون من طابقين .. تقطن نعمة مع شقيقتها وابنها بالطابق الأول بينما يسكن رمضان بالطابق أعلاه ..
دلفوا داخل شقته بأساسها البسيط .. شقه مكونه من غرفتين ومرحاض بينما يضع أواني الطهي في إحدي الغرف يوجد أريكتين من الخشب وتلفاز قديم تكون الثري علي هيكله قام سليم بالجلوس علي إحداهما وهنا تابع بتساؤل 
_ أيه يابني دا ! وانا اللي كنت فاكر إن حي شبرا .. حي فقير ومليان متسولين بس من الواضح إني غلطان ومن الواضح جدا إننا طبقة موسطة بالنسبه لكم .
رمضان بتأكيد علي حديثه ربنا يبعدكم عن شي المكان دا يا سليم باشا .. وقت وهيعدي البيت مش قد المقام انا عايف 
سليم بإبتسامة خفيفة مقام أيه وبتاع أيه ! كفاية رجولتك معانا .. تعرف إن نسمه عملت خير يوم ما جابتك تشتغل عندنا .
إبتسم رمضان في هدوء 
دا انا مبسوط أوي إني بقدم أي حاجة من أفضايكم .
بادله سليم الإبتسامة فيما تابع عاصم بنبرة هادئه 
_ بس إنت أيه اللي يخليك تشتغل مع ناس زي دول .
سليم بتداخل هو انت ما تعرفش دول كانوا خاطفين نسمه ليه .. يعني بتشتغل معاهم وانت مش عارف أيه هو أصلا شغلهم 
أجابه رمضان هازا رأسه بالسلب ومن ثم تابع باستطراد 
_ نيجس هي اللي بعتتني أشتغي معاهم .. انا كنت فاكيهم تجار حشېش .. والناس اللي بتاخد بضاعة ومش بتدفع بيحبسوهم في المخزن بس استغيبت لما شوفت نسمه هناك .
سليم رافعا احد حاجبيه  
نرجس ! 
رمضان دون أن ينتبه لشرود سليم هعمي الغدا .. انا أكيي حيو أوي .
عاصم وهو ينهض من فوق مقعده أنا هستأذن بقي ورايا شغل في الشركة .. خلينا علي إتصالات وهنتقابل بكرا .. وإنت يا رمضان بكرا تيجي لي الشركة علشان نتكلم في موضوعك .
أهلا بيكم إتفضلوا أقعدوا ..
قالتها الطبيبه الجالسة خلف مكتبها بثبات بالغ جلست آلاء إلي المقعد الجلدي المقابل لها وكذلك زياد مردفا بهدوء 
_ شكرا يا دكتور .
أومأت الطبيبه رأسها في هدوء .. إتجهت ببصرها إلي آلاء لتجد توهج عينيها بالحماس ينير المكان وهنا تابعت بإبتسامة عذبة 
_ طبعا قبل كل حاجه أحب أدعي لكم بذرية صالحة بأمر الله .. من الواضح بعد الكشف إن تأخر الإنجاب ناتج من مشاكل عند الزوجة ..
تابعت الطبيبه باستطراد وهي تلتفت ناحية آلاء 
_ البويضة عندك ضعيفة جدا ونشاطها كذلك ضعيف ..وعلشان أطمنكم إن نسبه نجاح عمليات الحقن المجهري بتكون مرتفعة جدا .
زياد بأمل والمفروض نبدأ منين يا دكتور !
الطبيبه بهدوء تجلي في حديثها 
_ أولا هكتب للمدام أدوية .. الأدوية دي منشطة للبويضة هي عبارة عن هرمونات وأدوية تحفيزية وبعد إنتهاء الضيفه الشهرية هنبدأ في قياس نسبه الهرمون ونضوج البويضة بشكل كافي وبعدها هننفذ العملية طبعا عندكم علم ب العملية !
زياد بإيجاز معلومات بسيطة !
الطبيبه بتفهم تمام .. هو في الحقن المجهري بنسحب البويضة من رحم المدام من خلال جهاز الموجات فوق الصوتية مع حيوان منوي واحد من حضرتك بيتم وضعهم في أنبوبة الجو اللي حواليها متشابه تماما مع رحم الأم .. بنستني حوالي ١٨ ساعة علشان البويضة تنقسم مكونه النطفة الأولي للجنين وطبعا بنجري عملية تانية علشان نزرع البويضة من تاني داخل رحم المدام ومعاها بتبدأ تاخد حبوب تثبت الحمل وبعد فترة من عشر أيام ل ٦ أسابيع بتعملوا إختبار حمل ودا بينتهي ب نتيجتين إما نجاح العملية وحدوث حمل فعلي أو فشلها لا سمح الله .
آلاء بفرحة هتنجح إن شاء الله .
الطبيبه بإبتسامة حنونة إن شاء الله يا مدام 
أول ما يرجع ياخدني علشان نروح الشركة مع بعض .. لازم اتأسف له انا بعترف إني غلطت وعاصم مش هيصبر علي غبائي دا كتير .. بس هو إتأخر أوي ! ربنا يحفظهم وتظهر براءة سليم في أسرع وقت .
أردفت نسمه بتلك الكلمات وهي تقف أمام منضدة الزينة عدلت حجابها أخيرا تتلهف لرؤيته والإعتذار منه لذلك قررت الذهاب إلي غرفة نوراي لمواساتها لحين عودته ...
إتجهت خارج الغرفة وما أن خطت خطوتين حتي وجدته يتعجل صعود الدرج ولم يلتفت لها مطلقا لتهتف به 
عاصم 
_ لو جهزتي استنيني في الصالون .. وانا شوية ونازل .
قطبت نسمه بين حاجبيها في ضيق من تجاهله لها عضت علي شفتيها بندم فلا تلومه أبدا .. إتجهت خلفه لتجده يطرق باب حجرة الأطفال ومن ثم دلف للداخل ...
سليم بخير مش كدا 
قالتها نوراي وهي تهرول إليه فقد ذبلت عيناها من شدة البكاء فيما أومأ هو برأسه إيجابا يرمقها بنظرة هادئه ..
تنفست نوراي الصعداء ومن ثم هوت إلي الصوفه خلفها وراحت تقول بتردد 
سمعت التسجيل 
سار عاصم