هو لي حلقة 7 للحلقه 16

شديد قام بالإمساك بقميص سليم من أخره بأطراف أصابعه وبنبرة متسائلة أردف 
هي هدومك متبهدلة كدا ليه يابني ! هو كان في حد عاجبه القميص ف عزمت عليه بيه وهو رفض .
إفتعل سليم الضحك ليردف من بين أسنانه التي إصطكت ببعضها وهم يجلسوا معا داخل حجرة المكتب بالمؤسسه وقد انضم لهم أوس 
لا يا خفيف الجو حر مش أكتر وإنجز بقي خلينا في المهم .
رفع ماجد أحد حاجبيه في تلك اللحظه أطرق برأسه يفكر قليلا قبل أن يلتفت إلي سليم قائلا بنصف عين 
إنت قټلت أمجد العزالي يا أبو النسب صح ! .
ضيق سليم عينيه بثبات مكورا قبضة يده وقد إحتدم الدم بعروقه لينهض واقفا ثم يستدر ناحية صديقه وما أن وقف أمامه حتي مال عليه بخفة قائلا 
هو إنت كنت عارف إنه بيضايق المدام !
أسرع ماجد بوضع كفه علي فمه وقد استدرك ما قاله لتوه عاد بجسده للخلف فوق مقعده ثم تابع بنبرة متوترة 
مراتك طلبت إنها هي اللي تقولك بنفسها .. أيه ! في أيه ! .. إنت هتتحول .. مش عاوز أموت دلوقتي سيبني أعمل ل أخرتي شوية طيب .. أختك هتبقي أرملة !
صدرت قهقه عالية من فم أوس الذي يتابع المشهد بنوبة ضحك هستيرية .. أستقام سليم في وقفته مجددا ليقول بحدة 
ما هو دا العشم يا عم ماجد وإنت طلعت قده .
ماجد وقد أدرك حزن صديقه 
يا سليم والله كنت هقولك من غير ما تقول كدا كل الحكاية انها طلبت تتكلم معاك بنفسها ودا اللي حصل 
سليم بإبتسامة خفيفة من جانب فمه أعقبها حديثه الهائم في صورة ابنته الصغيرة 
اللي حصل إني عرفت الموضوع دا من نيروز مش من نوراي .
ماجد كاتما ضحكتة مخلف رويتر ما شاء الله البت دي ليها مستقبل مبهر في عالم المخابرات .
جاب أوس ببصره بين الإثنين ف لم يتخيل يوما بأن تولد علامة وطيدة بينه وبين سليم النجدي ابدا وما لم يخطر علي باله قط أن المنصب لا يغير طبع المرء بل المرء هو من يوظف المنصب وفقا لطبعه وإنسانيته وهذا نموذج حي علي حديثه فقد أدرك جيدا بأنه إذا ساءت أفعال المرء .. ساءت ظنونه ومن حسن فعله قبل قوله دائما ما تكون ظنونه أنقي من القطن الأبيض ...
في تلك اللحظه تابع أوس بنبرة هادئه متوجها بحديثه إلي سليم الذي هدأت فرائصه قليلا 
بالمناسبة خلوني أقترح فكرة نطبقها هنا في المؤسسه لو عجبتكم .
نحا سليم بصره إليه وكذلك ماجد الذي رمقه بترقب جلي فيما استئنف أوس حديثه باستفاضة 
أنا بقول لو تبقي المؤسسه فيها فصول لتعليم أساسيات القراءه والكتابة للأطفال العاديين يعني نحاول نخليها مختلطة نوعا ما .. وبكدا هيحصل اندماج بين الفئتين من الأطفال فيبدأ أطفال الداون إنهم يحبوا الناس ويتفاعلوا معاهم وما يحسوش انهم مختلفين عن الباقي يعني نوسع مدارك الأطفال والأهالي بحب وتفاعل الطرفين .. فكرة الدمج دي هتسهل علينا كتير وهنبدأ بسهولة نحدد تطور الأطفال في المؤسسه .
رفع سليم حاجبيه في إعجاب فقد نالت هذه الفكرة إعجابه بدرجة شديدة أومأ برأسه في ثبات ليردف بهدوء 
جميلة جدا الفكرة بس تعتقد الأهالي هيقبلوا بدا .. يعني إنت عارف مجتمعنا 5 بس اللي بيوعوا أولادهم بإحترام الإختلاف والباقي بينفر من أطفال الداون !
ماجد مؤيدا لحديث سليم 
عندك حق في اللي قولته طيب أيه رأيك نعمل إجتماع لأولياء الأمور ونعرض عليهم الفكرة وبعدين ناخد برأي الأغلبية .
أبدي سليم موافقته المبدأية ل هذه الفكرة فقد استعمرت عقله وتمني لو تنته بالقبول من قبل أولياء الأمور ..
خرج من صومعة شروده علي صوت أوس وهو يردف بنبرة هادئه وقد اندمج كليا في الحديث 
بس طبعا بعد موافقة أولياء الامور هنحتاج علي الأقل 3 بنات .. ويكونوا خريجي كليات كويسه وعندهم خبرة بالتعامل مع أطفال الداون علشان يكونوا مراقبين ليهم جوا المؤسسه وكمان يراقبوا تفاعل الفئتين مع بعض وهل تخطوا الاختلاف بينهم ولا في عقبات !
ماجد بإعجاب شديد 
ما شاء الله عليك بجد يا أوس إنت شخصية مكافحة جدا بتفكرني بواحد .. تحب تعرف قصته !
طبعا كان مكافح جدا ومش بس كدا كان حنون أوي علي أمه وأخته ..وطول الوقت بيشتغل علشان يوفر لهم كل حاجه يحتاجوها ... راجل أوي ورجولته ظهرت في أول موقف له مع الأميرة التائهه .
أردفت نوراي بتلك الكلمات وهي تجلس في حلقة مستديرة بصحبه رامي ونيروز وكذلك أنهار إنبطحت أنهار علي جانبها الأيمن وقد وضعت خدها علي راحتها وقد إندمجت في حديث نوراي وقد خيم عليها غمامة من القلوب الحمراء لتردف بنبرة حالمة 
الله يا أبلة وأيه كمان ! وقعوا في حب بعض مش كدا !
هزت نوراي رأسها إيجابا ليفتر ثغرها عن إبتسامة هائمة لتردف 
البطلة حبت تهرب من الظروف وقساوة الدنيا عليها سړقت عربية البطل وجريت وهو طبعا قدر يرجع عربيته تاني بس بعد ما أجهدته وطلعت روحه .. ووقع في حبها وهي كانت دايما بتشوف فيه بطل أحلامها كانت حاسه إن بيه الدنيا هتخاف تقسي عليها تاني وأبواب السعاده هتتفتح لها حصلت ظروف كتير وناس حاولت تبعدهم عن بعض بس الرجولة بتفرض نفسها في أي موقف .. وما سابها غير وهم عندهم طفلين زي القمر .
رامي بمخيلة طفل تميل للتصور 
طيب انا عاوز أكون بطل زيه يا طنط أوشين وأكون بطل علشان نيرو تحبني .
أطلقت نوراي قهقه خفيفة .. داعبت أصابعها النحيلة خصلات شعره أدركت نيروز بأن الحديث بشأنها وما نشبت تصيح ببراءتها 
لا .. انا حلوة .
رامي وهو يمسك كف يدها براحته الصغيرة 
أيوة إنت حلوة .. وانا البطل وهتجوزك .
أنهار ومازالت علي وضعها لتلوي شدقها بتفكه قائلة 
يا خويا عليك يا حنين ! كل الناس بقيت تحب وتتجوز .. ما بشوفش في حياتي غير ثنائي في كل مكان أروحه .. حتي فرغلي الجمجمة بتاعتي جبت لها جمجمة اسمها سندس وحبوا بعض وإمبارح لسه قافشه ذبابتين بيكتبوا كتابهم ..إلااااا انا .. هعيش وھموت سنجلاية كدا .. مش لاقيه اللي يقولي صباح الخير بالليل حتي .. عمي البصر والبصيرة .. دا انا ملكة جمال كفر أبو نقاوه .
نوراي وقد سعلت من فرط ضحكها لتقول بهدوء 
أيه كفر أبو نقاوه دا !
انهار بفخر بالغ 
اللي بيغنوا يقولوا .. اتفرج ع الحلاوة حلاوة .. دي بلدي ونقاوه نقاوه .. أهم دول كانوا بيمدحوا في كفرنا .
رامي بإستنكار 
صوتك وحش يا أنهار علشان كدا مافيش بطل هيحبك .
أنهار وهي تلوي شدقها بإستنكار بلا وكسة .. دا انا أخر حاجه سمعتها عن الأبطال كانوا أبطال 73 .. قطيعة .. وع رأي المثل .. السنجلة جنتلة